Romeku 10:16 - Mewar Alqawarang

¹⁶ Yang nduki nu̱ Israila kap dlu̱ki Labar Mbarkandang ɓa. Ba wa nu̱ Yishaya zu̱ki za, “Zhinkir gwaanji, ki maitaki labar nyem zu̱kyang na?”

Romeku 10:16 ပူးပေါင်းရင်းမြစ်များ

Matta 13:14

“Ɗyi nu̱ annabi Yishaya zu̱kyang wa nyel nu̱ ɗyin wora, ku̱me wa zu̱ za, ‘Tun ka ki ba tu̱ktan yang sar da tun ɓu̱ da mban ɓa, tun ka ki ba nggu̱tan tu̱k, yang sar da tun ɓu̱ na ɓa.

Yokhana 10:26

Yang nun maita ɓa, ku̱me tun ndu̱ɓangku ɓang ɓa.

Tlu̱nar ɓu̱ Pudeku 28:24

Tu̱ ɓeenan maita ɗyi nu̱ zu̱kyang, yang ɓeenan nu̱ maita ɓa.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 11:17

Mbu̱ke wa ku̱rta ɓeeni me bu̱n qu̱farku nu̱gha, yang tun nu̱ke ɗya qu̱far Zaitun nu̱ gar wa baatla nu tu̱ gu̱n ye man qu̱farang ma ɓu̱rti su̱yen ndu̱ ɓeeni me bu̱n qu̱farkwang. Tun a zu̱m kya boote ɓu̱ man qu̱farang nu̱ ku̱nshe dlu̱dlar sanang.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 2:8

Yang nu̱ shimndi ɗyin ku, nu̱ke ka tlu̱nakya song zhire ndu̱ mu̱na, ka ɓi wor mbe su̱bu̱rti memu̱na ndu̱ shokhna.

Romeku 3:3

Yang nu̱ke ɓeeni Yakhudeku nu̱ maita ɓa ɗa? Song maitaranang ka nggu̱tl khar ɓu̱ Magham ma nu̱ shir zhire mu?

Romeku 6:17

Yang Magham ɗye kuna, ku̱me aa nu̱ke ɗau fara tun maavi ɓu̱ sola, leendang tun a mbu shogar nyem shiki ye nu ndu̱ memu̱na nu da.

Galatiyeku 3:1

Tun nggu̱bu̱ng Galatiyeku, ki zu̱mki ɗyinonwa? Nga nang, nga wutki Yesu Masiya nu̱ katlki nda gha ɗyin qu̱far kaatli ye nu ye dalangi.

Galatiyeku 5:7

Tun a ɗar mbarkandi gumapaali. Yang ki zhaki nu̱ gume nu mbe mburi zhiryang na?

2 Tasalonikeku 1:8

Ma vu̱r bonye ye nduki nu̱ zhangki zu̱ndi Magham, kom ndu̱ nduki nu̱ zhangki mbu Labar mbarkandi ɓu̱ Zhinerem gwaanji Yesu gha.

Yibraniyeku 11:8

Maito saki tu̱ Yibram mbu zu̱r ɓu̱ Magham tu̱ ku̱s njiv ma yir ye maa nggur zum nu̱ shiki alqawaran yenda za ka ɓa zu̱m ɗye mbu̱ ge ni. Tu̱ yang ku̱s njivi aa nu̱ke nu̱ zu̱n ye maa nu̱ke chin a yir su̱ ɓa.

Yibraniyeku 4:2

Jiwa chem wa woɗa tu̱k Labar Mbarkandang ba wa nu̱ tu̱kki ku. Yang Labar mbarkandi nu̱ tu̱kki kwang nu̱ boota wor sar da ɓa, ku̱me nu̱ dlu̱ ku su̱yen ndu̱ maito ɓa.

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

1 Biturus 1:22

Leendang nu̱ke tun wa kha shiɓtan nu̱ ku̱nshe mburi su̱qur zhire tun a ndola nyeezo nu ndu̱ memu̱na nu da, ndolama yen maɗyi mbu̱ memu̱nanu.

1 Biturus 2:8

Yang a nje bu̱laran tu̱k za, “Ɗya ndogdi ji sar, ɗya ndogdi nu̱ka ɓa ki ndu̱ nggu̱di ɓu̱ nduk tu̱k!” Nduki ji saari worang ku̱me wa zhang mbu ɓalar ɓu̱ Magham gha. Yang daasa ye wor ma wanang.

1 Biturus 3:1

Tun nusuku ɓu̱rkandi vu̱r ma ɗyinonu ye zhimenu. Ku̱me mbu̱ khuzuku nggur chele ɓaanda nu̱ maita ɓalar ɓu̱ Magham ɓa, bai nu̱ ku̱nshe ɗye shir mbarkandiku ɓu̱ nusuki ɓaanda ka nggot ku, aa nduk a nje nu̱ shiki ɓala ye wor ɓa.