Romeku 10:15 - Mewar Alqawarang

¹⁵ Nu̱ waazu kwang ka shi waazwang kikimndana, mbu̱ nu̱ ru̱k wor ɓa? Ba wa nu̱ke a nje bu̱laran za, “Khu̱dli ɓu̱ nduki nu̱ ɗa ɓaki ndu̱ Labar Mbarkandang ɗya ɗyi mbarkandi maɗyi!”

Romeku 10:15 ပူးပေါင်းရင်းမြစ်များ

Matta 9:38

Ku̱me nang, khuɗ ma nu̱ damang ku̱ ɗa ru̱k nu̱ tlu̱narku ma ku̱mndang.”

Luka 10:1

Qu̱rse nang, tu̱ Zhinerem gwaanji dat nduki nggur ku ɗyin mut qu̱m rap, tu̱ ru̱k wor rap rap ku ma ku̱ ɗu̱ mbu̱ ghaiku ndu̱ maaku nu̱ke chin a shim ɓa mbu nji gaandan.

Luka 2:10

Tu̱ nu̱ ru̱kti ɓu̱ Maghamang ze wor za, “Tu̱k nu sawa ɓa, tu̱k ma, ngaa ɓa nu̱ labar mu̱nkandi ye nu, nduki kap ka shi kashar maɗyi ku̱men.

Luka 2:14

“Zhaaji ye Maghamndi nu̱ viɗi, mbu̱ larji yang ku̱ nduki nu̱ Magham tu̱kki mu̱ndi ɓaanda kha ndu̱ qaandi memu̱na.”

Luka 8:1

Gaanje qaandi koɗomma tu̱ Yesu ji tu̱ ku̱s baara ɗyin ghaiku rututundi kap ndu̱ pichichindi, tu̱ ku̱s wopa labar mu̱nkandi nu̱ kwaaɗar ɓu̱ Magham. Pudeku ɓaran gwanggu̱m rapndang a su̱yen nu̱ chin.

Yokhana 20:21

Kom tu̱ Yesu gaɓ tu̱ ze wor za, “Kha ma gha ndu̱ qaandi memu̱na! Ba wa nu̱ Zhinkirang a ru̱kki nga, nga ru̱ktonu tu̱k.”

Tlu̱nar ɓu̱ Pudeku 10:36

Tun wa zu̱n labar nu̱ Magham ru̱kki ye nduki nu̱ Israila, nu̱ zu̱ki Labar Mbarkandi nu̱ qaandi memu̱nar nu̱ ku̱nshe Yesu Masiya chin ke Zhinkir ɓu̱ aaki.

Tlu̱nar ɓu̱ Pudeku 13:26

“Nyeezaku, zhikankirku ɓu̱ Yibram ndu̱ nu̱ sawar Magham ku nu̱ke ɗya Yakhude ku ɓa a ru̱k labar ɗanar nang yerem.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:15

Nang ke ɗyi nu̱ saki tang wopa Labar Mbarkandang ye nu, tun nduki nu̱ Roma.

Romeku 15:20

Shimndi ɓang chin ke waazu Labar Mbarkandi kap ye maa nu̱ke nu̱ zu̱n Masiya ku ɓa, ma ku̱ kha wa nga du̱ndi nu̱ ɗyine maa nu̱ke njif nggur saki saari du̱ndang ɓa.

Afiseku 2:17

Aa ɓa tu̱ wopa labar qaandi memu̱nar ye nu, tun nu̱ke a ɓakh ndu̱ wor nu̱ke a bing.

Afiseku 3:8

Aa nu̱ke nga aa nu̱m mbe nduki ɓu̱ Magham ɓa, tu̱ yang vu̱rkya mu̱nkir nang ya, ma ku̱ ɗu̱ nga ndu̱ gu̱nar Labar mbarkandi ɓu̱ Masiya nu̱ zhaaji nu̱ka ku̱naki shigar nang ye nduki nu̱ke ɗya Yakhudeku ɓa.

Afiseku 6:15

Tu̱ daasar ma yir ndu̱ Labar mbarkandi nu̱ qaandi memu̱na, kha ma paghamndi mbu̱ saaro nu.

1 Biturus 1:12

Magham wa wut ye wor nu̱ ɗyine, sarchi nu̱ke a zu̱ ɓalar ɓu̱ Magham ku, a vu̱r ɓalarang ye wor ku̱me wor ɓa, a vu̱rtan ku̱me tunu. Yang leendang Jiimbi shakhshakhndi nu̱ Magham a ru̱kki viɗi, wa sa tu̱ zu̱ mbu̱ ɗyiku nang ye nu kap mbu̱ Labar mbarkandi ɓu̱ Masiya nu̱ wopaki she nu. Ai, ɗyiku nang aa nu̱ ru̱ktiku ɓu̱ Magham wa kasha ku ma ku̱ zu̱n nda ɗyin mban.