Romeku 10:10 - Mewar Alqawarang

¹⁰ Jiwa nduk ka maita mbu̱ memu̱naran ma gwa khar waare sola gume Magham, yang tu̱k nduk ka saida ndu̱ men tu̱ gwa ɗanari.

Romeku 10:10 ပူးပေါင်းရင်းမြစ်များ

Markus 9:23

Tu̱ Yesu tlogha yenda za, “To za mbu̱ ngga ɗu̱ma? Ai tun a nje nu̱ke ka ku̱naki njif nu̱ maitaki ɓa.”

Luka 8:15

Wor nu̱ ku̱ɗbaki nu̱ mbu̱ ghai mbarkandang yang wor ke nduki nu̱ tu̱kki ɓalar ɓu̱ Magham, tu̱ khuɓ nu̱gha ku mbari ndu̱ memu̱na wor da, tu̱ daa kanaɗyi ku tu̱ vu̱r boota.

Tlu̱nar ɓu̱ Pudeku 8:37

[Tu̱ Filibus zu̱ za, “Mbu̱ ke ta maita nu̱ memu̱na da, ka shi yoro.” Tu̱ khuskyang tlogha za, “Nga maita Yesu Masiya ke Yi ɓu̱ Magham.”]

Romeku 10:11

Ba wa nu̱ Bu̱lar Ɓalar ɓu̱ Magham zu̱ki za, “Kap njif nu̱ maitaki nda ɓu̱ tu̱k kawa ɓa.”

Romeku 10:9

mbu̱ ta saida ndu̱ me ro no za, “Yesu ke Zhinerem gwaanji.” To maita tu̱k mbu̱ memu̱na ro nu̱ ɗyine Magham wa ji ndu̱ chin ɓar mbe mu̱ti, to ka ɗana.

Galatiyeku 2:16

Yang chem wa zu̱n nu̱ ɗyine nduk ɓu̱ kha waare sola gume Magham nu̱ ku̱nshe mburi Bibitang ɓa, kope wa maita Yesu Masiya. Ku̱me nang chem wa vu̱r vaarem ye Masiya Yesu. Chem shi wanang ma ku̱ kha mi waare sola gume Magham nu̱ ku̱nshe dlar vaarem nu̱ ve Masiya, nyem mbu nu̱ ku̱nshe mburi Bibitang ɓa. Ku̱me nduk a nje nu̱ke ka khaki waare sola gume Magham nu̱ ku̱nshe mburi Bibitang ɓa.

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

Yibraniyeku 10:22

Ku̱me nang a song mi nu̱ bing ndu̱ Magham ndu̱ memu̱nar zhirekandi, ndu̱ maito nu̱ke memu̱na rem rap rap ɓa. A song mi ndu̱ memu̱nar nu̱ shiɓki nu̱ gha mbe sola tu̱ kha shakhshakh, kom ndu̱ man var nu̱ shiɓki nu̱ gha ndu̱ ɗyim shakhshakhndi nggarnggar.

Yibraniyeku 3:12

Nyeezaku, shi ma ɗyi nu̱ke tun ka ɗu̱maki ma ku̱ njif nggur chele ɓaanu nu̱ke solar ndu̱ song maito nu̱ke a mbu̱ memu̱naran ka saki nda tu̱ njig Magham nu̱ nyifi ɓa.

1 Yokhana 4:15

Kap njif nu̱ tloghaki za Yesu ɗya Yi ɓu̱ Magham, a mbe Magham, Magham a mbe nda.

Ɗyin mbu̱ tukari 2:13

Nga zu̱n to kharan ye maa nu̱ke Sheɗan a kwaaɗar ɓaran. Yang kap ndu̱ nang ta ching gha ɗyin dlu̱ma nu̱ zhire, sar da no gaɓ nu̱ gana mbe maitar nga ɓa. Aa mbu̱ qaandi virkir ɓu̱ Antipas, nu̱ saidaki nga nu̱ zhire. Chin nu̱ tlaghaki nda ku mbu̱ ghai ɓaanu maa khar ɓu̱ Sheɗan.