Romeku 1:7 - Mewar Alqawarang

⁷ Nga bu̱laran ye nu kap ɓaanu nu̱ke tun a Roma, tun nu̱ke Magham a ndolaran, tu̱ qa nu ma ku̱ kha nu ma khalandi ɓaran. Ku̱ mu̱nkir ndu̱ qaandi memu̱nar she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Romeku 1:7 ပူးပေါင်းရင်းမြစ်များ

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Yokhana 20:17

Tu̱ Yesu ze nda za, “Khuɓ na nga ɓa, ku̱me nang dlan she Zhinkirang ɓa dong. Yang ɗu̱ she nyeezaku to ɗa ze wor no za, nga gaɓti nu̱ she Zhinkir ɓanga ndu̱ Zhinkir ɓaanu, Maghamndi ɓanga ndu̱ Maghamndi ɓaanu tu̱k.”

Tlu̱nar ɓu̱ Pudeku 15:23

Tu̱ vu̱r lagarkati ye wora. Bu̱laran za, Ji she nyeezonu, Pudeku ndu̱ dlegumeku ɓu̱ tabar ɓu̱ nu̱ mbu Yesu ku. Ma yir she nu̱ mbu Yesu ku nduki nu̱ke ɗya Yakhudeku ɓa nu̱ke a mbu̱ dlar ghai Antakiya ndu̱ Siriya ndu̱ Kilikiya. Chem a zoɓa qaandi ye nu.

Tlu̱nar ɓu̱ Pudeku 9:13

Tu̱ yang Khananiya tlogha za, “Zhinkir gwaanji, nga tu̱k labar ɓu̱ khuski nang she nduki khang ndu̱ pooni mu̱nar nu̱ shiki ye nu̱ mburoku Urshalima.

Romeku 1:6

Tun a mban kap, tun nu̱ Magham qaki nu tun kha ma ɓu̱ Yesu Masiya.

Romeku 5:1

Nu̱ke chem wa kha waare sola gume Magham nu̱ ku̱nshe maito, chem wa gwa qaandi memu̱na chele ɓaarem ndu̱ Magham nu̱ ku̱nshe Zhinerem gwaanji Yesu Masiya.

Romeku 5:5

Yang sar memu̱nar nang ɓu̱ kha bam sar da ɓa, ku̱me Magham wa wuuta ndolar ɓaran yerem nu̱ mbu̱ memu̱narem nu̱ ku̱nshe Jiimbi shakhshakhndi nu̱ vu̱rki yerem.

Romeku 8:28

Chem wa zu̱n nu̱ ɗyine mbu̱ aa nu̱m kap Magham wa ka tlu̱na ɗyi mbarkandi ye nduki nu̱ke a ndola nda, nang ke nduki nu̱ qaki ma ku̱ shi shimndi ɓaran.

Romeku 8:39

aa kirti ɓu̱ tunu, aa mboɓong ɓu̱ ɗyen, aa ɗyi nggur zum mbu̱ du̱ngdiku ɓu̱ Magham nu̱ke a nje. Tun a nje aa da nu̱ke ka shakki rem ndu̱ ndolar ɓu̱ Magham nu̱ke a mbe Masiya Yesu Zhinerem gwaanji ɓa.

Romeku 9:25

Ba wa nu̱ bu̱laki nu̱ mbu̱ lagarkati ɓu̱ Khosaya za, “Wor nu̱ke ɗya nduki ɓang ɓa ngga qa wor ‘Nduki ɓanga.’ Nduki nu̱ke nang ndola wor ɓa ngga qa wor ‘Nduki nu̱ke nga ndolaran.’ ”

1 Korintiyeku 1:24

Yang she nduki nu̱ Magham qaki wora aa ɗya Yakhudeku aa nduki nu̱ke ɗya Yakhudeku ɓa, Masiya ke zalale ɓu̱ Magham ndu̱ kaɗari ɓaran.

1 Korintiyeku 16:23

Ku̱ mu̱nkir ɓu̱ Zhinerem gwaanji Yesu kha gha su̱yen ndu̱ tunu.

2 Korintiyeku 13:14

Bu ku̱ mu̱nkir ɓu̱ Zhinerem gwaanji Yesu Masiya, ndu̱ ndolar ɓu̱ Magham, ndu̱ khar mu̱nkandi ɓu̱ Jiimbi shakhshakhndi, kha gha su̱yen ndu̱ tun kap.

Galatiyeku 6:18

Bu ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ tunu, nyeezaku. Amin.

Afiseku 1:2

Ku̱ mu̱nkir ndu̱ qaandi memu̱nar nu̱ ka viki she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Afiseku 6:23

Nyeezaku, ku̱ qaandi memu̱na ndu̱ ndola ndu̱ maito nu̱ ɗa viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

Filipiyeku 1:2

Ku̱ Mu̱nkir ndu̱ qaandi memu̱nar na viki she Magham Zhinerem ndu̱ Zhinerem gwaanji Yesu Masiya kha gha su̱yen ndu̱ tunu.

Filipiyeku 4:13

Ngga ɗu̱ma shi aa nu̱m nu̱ ku̱nshe Masiya nu̱ ka vu̱rki du̱mbu̱r shiran ya.

Filipiyeku 4:20

Zhaaji wa kha Maghamndi ɓaarem ndu̱ Zhinkir ɓaarem, koɗokhsi ɓa. Amin.

Filipiyeku 4:23

Ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ tunu. Amin.

Kolosiyeku 1:2

Ma yir she nduki ɓu̱ Magham shakhshakhndi nu̱ shir zhire ku mbe Yesu Masiya nu̱ke a nje kharan mbu̱ ghai Kolosi. Ku̱ mu̱nkir ndu̱ qaandi memu̱nar ɓu̱ Magham Zhinerem kha gha su̱yen ndu̱ tunu.

Kolosiyeku 3:12

Tun ke nduki ɓu̱ Magham a ndolanu tu̱ daato nu ma ku̱ kha nu ma ɓaran. Ku̱me nang tun ki na zhiyaye ɓu̱ yen, tun a mbarkir ye yen, ndu̱ katar ɗyin ndu̱ ɓu̱tokh memu̱nar ndu̱ gu̱ndi memu̱na.

Kolosiyeku 3:15

Qaandi memu̱nar nu̱ Masiya ka vu̱rki ma ku̱ mbu ndu̱ tun mbe ɗyi nu̱ke tun a ma shiran kap, jiwa Magham qa nun mbu̱ man var da ku̱me qaandi memu̱nar nang, tun kha ma nu̱ kunar Magham aakochi.

1 Tasalonikeku 1:1

Lagarkati nang a vi she Bulus, ndu̱ Sila, ndu̱ Timoti. Ma yir she tabar ɓu̱ nu̱ mbu Yesu ku nu̱ke a Tasalonika, nu̱ maitaki Magham Zhinki ndu̱ Zhinerem gwaanji Yesu Masiya. Bu ku̱ mu̱nkir ndu̱ qaandi memu̱nar ɓu̱ Magham kha gha su̱yen ndu̱ tunu.

1 Tasalonikeku 1:3

Chem a kor tlu̱nar maito ɓaanu gume Maghamndi ɓaarem, ndu̱ Zhinkir ɓaarem, ndu̱ wute nu̱ke tun a san ku̱me ndola. Kom ndu̱ sar memu̱nar mbe kanaɗyi ku̱me sar memu̱nar nun shiki ɗyine Zhinerem gwaanji Yesu Masiya aakochi.

1 Tasalonikeku 1:4

Tun nyeezerem nu̱ke Magham a ndolaran, chem wa zu̱n nu̱ ɗyine Magham wa daato nu,

1 Tasalonikeku 4:7

Nu̱ Magham qa rem ma ku̱ kha mi ma nu̱ zopku ɓa, qa rem ma ku̱ kha mi shakhshakh.

1 Tasalonikeku 5:28

Ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ tunu.

2 Tasalonikeku 1:2

Bu ku̱ mu̱nkir ndu̱ qaandi memu̱nar na viki she Magham Zhinki ndu̱ Zhinerem gwaanji Yesu Masiya kha gha su̱yen ndu̱ tunu.

2 Tasalonikeku 3:16

Bu ku̱ Zhinkir gwaanji nu̱ qaandi memu̱na, vu̱r qaandi memu̱nar ye nu ndu̱ varan aakochi, mbu̱ aa nyi tunu. Ku̱ Zhinkir gwaanji kha gha su̱yen ndu̱ tun kap.

2 Tasalonikeku 3:18

Bu ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ tun kap.

1 Timoti 1:2

ma yir she Timoti nu̱ khaki ma woi ɓang mbu̱ maito nang. Ku̱ mu̱nkir ndu̱ nar zhiyayi ndu̱ qaandi memu̱nar nu̱ka viki she Magham Zhinki ndu̱ Masiya Yesu Zhinerem gwaanji kha gha su̱yen ndu̱ to.

1 Timoti 6:2

Ku̱ maaviku nu̱ke nu̱ rafti ɓaanda ɗya nu̱ mbu Yesu ku ndu̱m nu̱ rafti ɓaanda ku̱me wora mbu̱ shapir da mbe Yesu ɓa. Me ɓu̱ nang, shipa tu̱ga wor ka shiki tlu̱nar ye nu̱ rafti ɓaandang maɗyi, ku̱me nu̱ rafti ku ɓaanda nu̱ke a zu̱m boote tlu̱nar ɓaanda nang ɗya nu̱ mbu Yesu nu̱ke wor maavikwang a ndolaranang. Wa ku̱s ku̱ shoga na ɓar to pa du̱mbu̱r ye wor ɗyine ɗyiku nang.

2 Timoti 1:2

Ma yir she Timoti yi ɓanga nu̱ke nga ndolaran. Mu̱nkir, ndu̱ nar zhiyaye, ndu̱ qaandi memu̱nar na viki she Magham Zhinki ndu̱ Masiya Yesu Zhinerem gwaanji ku̱ kha gha su̱yen ndu̱ to.

2 Timoti 4:22

Ku̱ Zhinkir gwaanji kha gha su̱yen ndu̱ jiimbonu. Mu̱nkir ɓaran ku̱ kha gha su̱yen ndu̱ tunu.

Titus 1:4

Ma yir she Titus, woi ɓanga zhirekandi mbe maito nu̱ke a kha rem kap. Mu̱nkir ndu̱ qaandi memu̱nar na viki she Magham Zhinki, ndu̱ Masiya Yesu Nu̱ Ɗanar rem ku̱ kha gha su̱yen ndu̱ to.

Filimon 1:25

Ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ jiimbonu.

Filimon 1:3

Ku̱ mu̱nkir ndu̱ qaandi memu̱nar na viki she Magham zhinerem ndu̱ zhinerem gwaanji Yesu Masiya kha gha su̱yen ndu̱ tunu.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

1 Biturus 1:15

Yang nu̱ke Magham nu̱ qaki nu shakhshakh, tun kha shakhshakh tu̱k mbe ɗye shir ɓaanu kap.

1 Yokhana 3:1

Nggu̱t ma pooni ndolar maɗyikandi nu̱ Zhinkirang wutki yerem nu̱ka qaki rem za chem qusonggi ɓu̱ Magham, yang chem wanang shwat. Nduki nu̱ larji nu̱ zu̱nderem ku ɓa ku̱me nu̱ zu̱n nda ku ɓa.

2 Yokhana 1:3

Mu̱nkir, ndu̱ nar zhiyaye, ndu̱ qaandi memu̱nar na viki she Magham Zhinki ndu̱ Yesu Masiya, Yi ɓu̱ Zhin, ku̱ kha gha su̱yen ndu̱ chem mbe zhire ndu̱ ndola.

Ɗyin mbu̱ tukari 2:1

“Bu̱lo ye nu̱ ru̱kti ɓu̱ tabar nu̱ mbu Yesu ku nu̱ke a Afisa. No za, Wonji ɓalarku nu̱ ɗa viki she njif nu̱ khubki anjinjeku mutndi nu̱ mbu̱ kharan nu̱ zu̱mang, tu̱ ki yir chele ɓu̱ tokhol ɓai wor mutndang.

Ɗyin mbu̱ tukari 2:12

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Pagamum no za, Wonji ɓalarku nu̱ ɗa viki she njif nu̱ khubki kaskar nu̱ men rapndi nyamnyamndang.

Ɗyin mbu̱ tukari 2:18

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Tiyatira no za, Wonji ɓalarku nu̱ ɗa viki she Yi ɓu̱ Magham, chin nu̱ke yitan shipaki dlu̱r ɓai, saaran wa ghuri nu̱ khiiki nu̱gha.

Ɗyin mbu̱ tukari 2:29

Kap nu̱ dlu̱mdi tu̱kti maa, ku̱ tu̱k ɗyi nu̱ke Jiimbyang a zu̱ran ye tabarku ɓu̱ nu̱ mbu Yesu!

Ɗyin mbu̱ tukari 2:8

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Su̱mirna no za, Wonji ɓalarku nu̱ ɗa viki she njif nu̱ke chin ke nu̱ gumapaali ndu̱ chin kya gana, chin mu̱tki tu̱ gaɓ tu̱ kha ndu̱ nyifiri.

Ɗyin mbu̱ tukari 22:21

Bu ku̱ mu̱nkir ɓu̱ Zhinerem gwaanji Yesu kha gha su̱yen ndu̱ nduki ɓu̱ Magham kap. Amin!

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 3:22

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!”

Ɗyin mbu̱ tukari 3:7

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Filadelfiya no za, Wonji ɓalar na ɓa ki she njif shakhshakhndi nu̱ zhire. Chin nu̱ke a ku̱s ɗye qu̱ndi kwaaɗar ɓu̱ Kuji Dauda, nu̱ke mbu̱ wa qu̱n tunu nu̱gha nduk a nje nu̱ke ka zaki nu̱ gha ɓa, mbu̱ yang wa za nu̱ gha, nu̱ qu̱ndan nu̱gha nje ɓa.