Romeku 1:6 - Mewar Alqawarang

⁶ Tun a mban kap, tun nu̱ Magham qaki nu tun kha ma ɓu̱ Yesu Masiya.

Romeku 1:6 ပူးပေါင်းရင်းမြစ်များ

Romeku 9:24

Chem ke nduki nang, yang chem nu̱ Magham qaki, mbu̱ Yakhudeku ɗyenda ɓa, nduki nu̱ke ɗya Yakhudeku ɓa a mban tu̱k.

1 Korintiyeku 1:9

Magham ɗya nu̱ nyedli alqawar, yang chin qaki nu ma ku̱ shi nu khar mu̱nkandi su̱yen ndu̱ Yi ɓaran Yesu Masiya Zhinerem gwaanji.

Galatiyeku 1:6

Nga lazham ɗyi nu̱ke tun a shiran nang maɗyi. Mbu̱ sarchi koɗomma tun a shim njig njif nu̱ qaki nu nu̱ ku̱nshe mu̱nkir ɓu̱ Masiya ma mbu mewar labar nggur zum.

Afiseku 1:11

Magham wa daaterem ku̱ kha mi ma nduki ɓaran, nu̱ ku̱nshe Masiya. Wa woɗa daasa ɗyen vu̱ nggarsan, Ai, chin ke nu̱ tlu̱na ɗyiku ɓaran wa nyin shimki.

Kolosiyeku 1:21

Zhu tang tun ɓakh ndu̱ Magham, tun a kare ndu̱ chin mbu̱ memu̱na nu ku̱me ɗye shir malkandi nu̱ke tun a san ndu̱ kwariku ɓaanu.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

2 Tasalonikeku 2:14

Qa nu nu̱ ku̱nshe Labar mbarkandi nyem vu̱rki yenwang, ma ku̱ gwa nu me ɓaanu mbu̱ zhaaji ɓu̱ Zhinerem gwaanji Yesu Masiya.

2 Timoti 1:9

Magham ɗanaki rem, tu̱ qa rem ma ku̱ kha mi shakhshakh. Nu̱ qa rem ku̱me tlu̱nar nyem shiki ɓa, qa rem ku̱me shimndi ɓaran ndu̱ mu̱nkir ɓaran. Vu̱r mu̱nkir ɓaranang yerem nu̱ ku̱nshe Masiya Yesu me ku̱ du̱ng larji,

Yibraniyeku 3:1

Ku̱me nang nyeezaku wakakandi, nun gwaki qar viɗi she Magham tu̱k, shi ma kwaari ɗyine Yesu chin nu̱ke ɗya puda ndu̱ Kuru gwaanji ɓu̱ maito nu̱ke chem a saidaran nang.

1 Biturus 2:21

Jiwa Zhinkir gwaanji qa nu ku̱me pooni bonye nang. Masiya wa za bonye ku̱me tun tu̱k. Shir wanang wa njig dulbu yerem ma ku̱ mbu mi ɗyin saaran.

1 Biturus 2:9

Yang ɓaanu, tun nduki nu̱ Magham datki ndu̱ varan tun tabar ɓu̱ kuruku ɓu̱ Kuji gwaanji. Tun dlar ghai shakhshakhndi tun nduki ɓu̱ Magham ma ku̱ wopa nu khamndiku ɓaran chin nu̱ qaki nu ɓar mbu̱ zhumi ma yir mbu̱ yarang ɓaran nu̱ke ɗya ɗye lazham.

2 Bitu̱rus 1:10

Ku̱me nang, nyeezaku, shaata ma kasha wutan nu̱ ɗyine Magham wa qa nu tu̱ daato nu. Mbu̱ tun wa shi wanang tun ɓu̱ nggu̱ɗ sar da ɓa.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 17:14

Ka shi dakhlar ndu̱ Ye gamndang ku. Yang Ye gamndang ka zu̱m loobo ɗyine wora. Ku̱me chin ke zhinkir gwaanji ɓu̱ zhinkirku ndu̱ kuji ɓu̱ kujiku, yang su̱yen nu̱ chin ka kha ɗya nduki nu̱ qaki, nduki datkandi ndu̱ nu̱ mbu nda ku nu̱ zhire.”