Romeku 1:20 - Mewar Alqawarang

²⁰ Aa nu̱ke me Maghamndi ɓu̱ Magham ndu̱ zalale ɓaran nu̱ke nu̱ka shi woɗa ɓa ɗya ɗyi nu̱ke nu̱ka shi ku̱ nduk na ndu̱ yiti ɓa. Yang ma nu̱ shiki larji wa wut ɗyiku nang ye dalangi, nduk ka da mbu̱ ɗyiku nang nu̱ ku̱nshe ɗyiku nu̱ du̱ngki. Ku̱me nang ɓala kha nduk ɓa!

Romeku 1:20 ပူးပေါင်းရင်းမြစ်များ

Matta 5:45

Mbu̱ tun wa shi wanang tun ka kha ma qusonggi ɓu̱ Zhinonu nu̱ke a mbu̱ viɗi, ku̱me wa ka sa fu̱ɗar tu̱ shi yarang ɗyine nduki mbarkandi ndu̱ nduki malkandi, tu̱ vu̱r romndi ye nu̱ jeembu ndu̱ nu̱ mu̱narku.

Markus 10:6

Yang mbe nggarsi shir larji, ‘Magham du̱ngkya khusku ndu̱ nusu.’

Yokhana 1:18

Sar da nduk a nje nu̱ naki Magham ɓa, kope Yi ɓaran khakandi ɗyenda ndang, nu̱ke chin ke ba Maghamang. Chin wuɗki Magham yerem ku̱me chin kya su̱yen ndu̱ Zhinkirang.

Yokhana 15:22

Mbu̱ na nga ɓa tang shi ɓalar ye wor ɓa, tu̱ga sola ve wor ɓa. Yang leendang me ve wor ɗyine solar ɓaanda ɓa.

Tlu̱nar ɓu̱ Pudeku 17:29

“Na ɗo, nu̱ke chem pooni ɓu̱ Magham ai, nu̱ shipa chem taman za Magham wa shipa ginarwa, ko azurfe, ko ndooga nu̱ nduk khu̱ɓki ndu̱ shaandi ɓaran ɓa.

Tlu̱nar ɓu̱ Pudeku 22:1

“Nyeezaku ndu̱ kudaandiku ɓanga, gwa ma dlu̱mdonu ya tang zu̱ ɗyi nu̱ ɗatlki ye nu, tun zu̱n nu̱ ɗyine nang shi zop ɓa.”

Romeku 1:19

Jiwa wa zu̱n ɗyi nu̱ shipaki ku̱ nduk zu̱n ɗyine Magham ku, ku̱me Magham wa wut ye wora ye dalangi.

Romeku 16:26

yang leendang a ɗal ye dalangi nu̱ ku̱nshe bu̱larku ɓu̱ annabiku. Nu̱ ku̱nshe zu̱r ɓu̱ Magham nu̱ke lauɗarsi ve nda ɓa, yang wa wut ɗyen tu̱k ye nduki kap, ma ku̱ maita ku ku̱ mbu.

Romeku 2:1

Ku̱me nang, to nu̱ nggu̱ti mu̱dlo ndu̱ zop, ɓala kha ɓa, aa to ki. Ku̱me sarchi nu̱ke ta nggu̱t mu̱dlo nu̱ zop, ta dlakya kumar nu̱ ɗyine vaaro, ku̱me ɗyi nu̱ke ta kuma mu̱dlo ɗyinanang, nang ke ɗyi nu̱ke ta shiran tu̱k.

Romeku 2:15

Tlu̱nar ɓaanda wa wut nu̱ ɗyine ɗyi nu̱ Bibitang zu̱ki a nje bu̱laran mbu̱ memu̱na wora. Kwaari nu̱ memu̱na wor wa saida nang, nu̱ke kwaari ɓaanda wa ka wut za wor wa shi sola fu̱ɗa ngguri, ye sarchi nggur tu̱ka wut ye wor nu̱ ɗyine nu̱ wor shi sola mbe ɗyi nggur ɓa.

1 Korintiyeku 1:20

Yang ɗo, a fu̱n nu̱ kaɗarikwang na? A fu̱n nu̱ shogar Bibiti ɓu̱ Musa ɓara na? A fu̱n nduki nu̱ tamanki ku za wor wa zu̱n aa nu̱m ndu̱ aanu̱mang na? Ai Magham wa wut za ghu̱rti ɓu̱ nu̱ shaandiku nu̱ mbu̱ larji nang ɗya me nggu̱bu̱ng.

Kolosiyeku 1:15

Magham nu̱ke nduk nu̱ka na nda ɓa ndang, Masiya ke shipar ɓaran. Masiya ke gomi, chin kya viɗi ɗyine aa nu̱m kap,

Kolosiyeku 2:9

Ku̱me kap me Maghamndi ɓu̱ Magham a nje kharan mbe Masiya sarchi nu̱ gaɓki ma nduku.

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

1 Timoti 6:16

Chin ɗyenda ke nu̱ka shi mu̱t ɓa, nu̱ khar mbu̱ yarang nu̱ke nduk a nje nu̱ke ka ɗu̱maki yir bing ndu̱ yarangang ɓa. Chin ke njif nu̱ke nduk a nje nu̱ naki nda sar da ɓa, yang a nje nu̱ke ka ɓa naki ɓa. Ku̱ zhaaji ndu̱ kwaaɗar nu̱ke koɗokhsi ɓa kha nda. Amin.

Yibraniyeku 11:27

Maito saki tu̱ njig ghai Masar, waare sawar shokhnar ɓu̱ kuji. Tu̱ ching gha shaanggu̱ɗang ku̱me wa na njif nu̱ke nduk nu̱ka na nda ndu̱ yiti ɓa ndang ɓa.

Yibraniyeku 9:14

yang tom ɓu̱ Masiya ɗa? Chin nu̱ke beeko ve nda ɓa, nu̱ vu̱rki ɗyinan ye Magham nu̱ ku̱nshe Jiimbi nu̱ke koɗokhsi ɓa. Ai, shiɓ memu̱narem nu̱gha chem njig konyiku ɓu̱ memu̱narem nu̱ke boota su̱ ɓa nu̱ka daki rem ye mu̱ti, ma ku̱ gharmi ghai ye Maghamndi nu̱ nyifiri.