Romeku 1:17 - Mewar Alqawarang

¹⁷ Jiwa chin wutki dambi na viki she Magham, yang nduk ka gwa dambi nang nu̱ ku̱nshe maitaran vu̱ nggarsan ma yir she lauɗarsan. Ba wa nu̱ke a nje bu̱laran za, “Nu̱ dambi, ka ɗana mbe maito ɓaran.”

Romeku 1:17 ပူးပေါင်းရင်းမြစ်များ

Yokhana 3:36

Aaki kya maita Woyang, wa gwa nyifi nu̱ke ɓu̱ shi woɗa ɓa. Yang aaki nu̱ zhangki Woyang, ɓu̱ na nyifi ɓa, yang shokhnar ɓu̱ Magham a nje kharan ɗyine nda.”

Romeku 10:3

Nu̱ke nu̱ zu̱n njiv dambi nu̱ ɗa viki she Magham ku ɓa, tu̱ yang sa njiv gwar khar waare solar ɓaanda zum, tu̱ nang sa wor tu̱ zhang njiv dambi ɓu̱ Magham gha.

Romeku 3:21

Yang leendang wa wut njiv nggur yerem zum nu̱ke chem ka gwaki dambi ɓu̱ Magham. Nduk ɓu̱ gwa dambi nang nu̱ ku̱nshe mbu Bibitang ɓa, aa nu̱ke Shogar ɓu̱ Musa ndu̱ lagarkati ɓu̱ annabikwang wa saida dambi nang.

Romeku 3:22

Chin dambi nu̱ka ɓa ki she Magham nang, nduki nu̱ maitaki kap ka gwa nu̱ ku̱nshe maito mbe Yesu Masiya. Nduk a nje nu̱ khaki zum ɓa,

Romeku 3:3

Yang nu̱ke ɓeeni Yakhudeku nu̱ maita ɓa ɗa? Song maitaranang ka nggu̱tl khar ɓu̱ Magham ma nu̱ shir zhire mu?

Romeku 9:30

Yang chem ka zu̱ nyem za nu̱m ɗo? Nduki nu̱ke ɗya Yakhudeku ɓa nu̱ laɓ khar ma nu̱ dambu gume Magham ɓa, yang tu̱ gwa ku. Khar ma nu̱ dambu gume Magham nu̱ gwaki ku nang, ɗya pooni khar dambi nu̱ke nduk ka gwaki nu̱ ku̱nshe maito.

2 Korintiyeku 3:9

Mbu̱ ɗyi nu̱ ɗa ɓa ki ndu̱ mu̱ti wa kha ndu̱ zhaaji, yang ɗyi nu̱ ɗa ɓa ki ndu̱ tlu̱nar dambi ɓu̱ Magham ɗa, ai, ka dukti nda ndu̱ zhaaji maɗyi!

2 Korintiyeku 5:21

Masiya nu̱ shi sola sar da ɓa, yang tu̱ Magham gaɓ ndu̱ chin ma sadke sola ku̱me chemi. Nang ke ɗyi nu̱ saki chem kha ma nu̱ jeembu she Magham mbe Masiya.

Galatiyeku 3:11

Ɗyi nang a ye dalangi, nduk a nje ka khaki nu̱ dambi she Magham nu̱ ku̱nshe khutlo bibitang ɓa. Ku̱me a nje bu̱laran za, “Nu̱ jeembu ka gwa ɗana nu̱ ku̱nshe maito.”

Filipiyeku 3:9

tang khan mbe nda tu̱k. Yang ku̱me dambi ɓang mbe mbu Bibiti ghaari ghai ɓa, kope nu̱ ku̱nshe dambi nu̱ nduk ka gwaki nu̱ ku̱nshe maito mbe Masiya, nang ke dambi nu̱ke nduk ka gwaki she Magham mbe maito.

Yibraniyeku 10:38

Nu̱ dambu ɓanga, ka ɗana, nu̱ ku̱nshe maito. Yang njif nu̱ gaɓki nu̱ gana, ngam ɓu̱ tu̱k mu̱ndi ɓaran ɓa.”