Tu̱ Yakhudekwang shi ɓalar chele ɓaanda a zu̱ran ku za, “Ka ɗu̱kya fu̱n nu̱ke chem ɓu̱ gwa nda ɓa nda na? A ma yir kya she Yakhudeku nu̱ lakhtaki tu̱ khan chele Khelenekwang ma shogar ye wor mu?
Nga shi tlu̱nar ɗye saiduku ndu̱ ɗye lazhamku mbe zalale ɓu̱ Jiimbi shakhshakhndi. Nga ji Urshalima tang baara maari kap ma yir Ilirikum nga wopa Labar Mbarkandi ɓu̱ Masiya.
Ye sarchi nu̱ shiki ɓalar dlarsi yendang, shi ma ku̱ kha ma saidu dambi nu̱ gwaki ku̱me maito ɓaran, ku̱me sarchi ni san dlaran ɓa ɗo. Ku̱me nang Yibram wa kha ma zhinkir ɓu̱ nduki nu̱ maitaki Magham, nu̱ daki wor ma nu̱ dambu, aa nu̱ke nu̱ dla su̱ wor nu̱gha ɓa.
Ku̱me nga da ye memu̱nara nu̱ ɗyine mbu̱ khar ɓang ndu̱ tunu kap, ngam ɓu̱ shoga ɗyi nggur ye nu ɓa kope ɓalar ɓu̱ Yesu Masiya, yang nu̱ shi wa katli nda gha nu̱ shikya ɓa.
Mbu̱ zalale shir tun wanang a nje kha nduki ngguri, ai, chem wa duk wor zalale nang. Yang kap ndu̱ nang nyem shi tlu̱na ndu̱ zalale nang ɓa, chem wa gu̱n memu̱na mi nu̱ aa nu̱m ma ku̱ nggu̱tli mi tlu̱nar Labar mbarkandi ɓu̱ Masiya Yesu ɓa.
Yang nu̱m ke ɗye ɓiiri ɓanga? Ɗye ɓiiri ɓanga chin ke, mbu̱ nga wopa Labar Mbarkandang, tang shir nda bam. Nang ka shi boote ndu̱ zalale nu̱ke a khara kap mbu̱ tlu̱nar wopar Labar Mbarkandang ɓa.
Nu̱ maita ku ɓa, ku̱me Sheɗan nu̱ kwaaɗar larji nang wa sa memu̱na wor tu̱ kha zhum. Wa nggu̱tl wor ku̱ na yarang nu̱ke a wuti ye wor nang, yarang nu̱ke a viri she Labar mbarkandi nu̱ zhaaji ɓu̱ Masiya, nu̱ke chin ke shipar ɓu̱ Magham.
Tlu̱nar nun shiki nang, ka sa nduki tu̱ gor dlu̱m Magham ku̱me tun wa mbu ɗyi nu̱ Labar mbarkandi ɓu̱ Masiya zu̱ki, nu̱ke tun wa maita, kom ndu̱ shaatar nun shiki ye wor ndu̱ ɓeeni nduki kha nu nggaran.
Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.
Chem a kuna Magham aakochi ku̱men, nu̱ke sarchi nun tu̱kki ɓalar ɓu̱ Magham she rem tun dli, nun dlu̱ wa ɗya ɓalar ɓu̱ nduk ɓa. Tun dlu̱ ba wa nu̱ke a si, ɗya ɓalar ɓu̱ Magham nu̱ke a tlu̱nar mbu̱ memu̱na nu, tun nun maitaki.
Nga za bonye ku̱men ba wa nu̱ke nga zaran leendang. Yang kap ndu̱ nang nu̱ kha ya ma ɗye kawa ɓa ku̱me nga zu̱n njif nang maitaki, nga zu̱n nu̱ ɗyine ka bu ɗyin du̱ngdi nang vu̱rki yenda kap, kope Fu̱ɗar naandang.
Ɓalar ɓu̱ Magham nyifi si yang a tlu̱na shwat, me nang nyamnyam wa duk aa nyi kaskar nu̱ke men rap. Wa ka vi nu̱ mbe nduku, tu̱ mber chele ɓu̱ jiimbi nduku ndu̱ nyifiri ɓaran, tu̱ vi chele ɓu̱ mebarku ndu̱ ɓolgo. Wa ka kuma kwaari ɓu̱ nduku ndu̱ ɗyi nu̱ ku̱rki mbu̱ memu̱naran.