Romeku 1:14 - Mewar Alqawarang

¹⁴ Taɗar ɓu̱ nduki a nje ɗyina, Yakhudeku ndu̱ nduki nu̱ke ɗya Yakhudeku ɓa, nu̱ zu̱ndi ku ndu̱ nu̱ song zu̱ndi ku.

Romeku 1:14 ပူးပေါင်းရင်းမြစ်များ

Matta 11:25

Ye sarchi nang tu̱ Yesu zu̱ za, “Ngaa kunaro, Aba, Zhinkir gwaanji ɓu̱ maa viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku, to wuɗ ye qusonggi pichichindi.

Luka 10:21

Ye sarchi nang, Yesu wa nyel nu̱ ɓong memu̱na ndu̱ kashari nu̱ ku̱nshe Jiimbi shakhshakhndi. Tu̱ zu̱ za, “Nga kunaro Aba, Zhinkir nu̱ viɗi ndu̱ maa vu̱ghai, ku̱me ta tuka ɗyiku nang gha ye nu̱ kaɗari ku ndu̱ nu̱ zu̱ndi ku̱, yang ta wuɗ ye qusonggi. I, Aba, ku̱me ta na wanang shiki yor mbari.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 28:2

Nduki nu̱ mbu̱ maarang wa shi mu̱nkir yerem maɗyi. Wa dlu̱rerem ku kap, ta pi ɓai yerem ku̱me a romndi ndu̱ mbiti.

Tlu̱nar ɓu̱ Pudeku 28:4

Nu̱ nduki nu̱ mbu̱ maarang naki su̱tang a lalanggur ve khar Bulus tu̱ ze yen ku za, “Khuski nang ɗya nu̱ tlaghar mu̱ɗi shwat. Kap nu̱ lawar me mu̱ti nu̱ shiki mbu̱ ɗyim chitndi nang wonji mu̱ti a mburi nda ku̱me ɗye ɓai nu̱ shiki ba a mburi nda.”

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:22

Aa nu̱ke a zu̱ran ku za wor ghu̱rtan, yang nggu̱bu̱ngan ku.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 12:16

Tun kha mu̱n ndu̱ aaki. Ku̱ kha nu ma nu̱ gwaari ɗyin ɓa, yang tun shi khar ɓaanu ndu̱ nduki nu̱ke gaɓtan gana. Khu̱tl nu ɗyinonu nu̱ gha ɓa.

Romeku 13:8

Ku̱ kha nu ndu̱ kudum ɓu̱ aaki ɗyinonu ɓa. Buka kudum nu̱ ku̱ski shi nu, nang ke kudum wuti ndola ye yen. Ku̱me njif nu̱ke a ndola njif nggur wa nyel Bibitang ɗo.

Romeku 16:19

Aaki wa tu̱k ɓalar dlu̱r Labar mbarkandi nun shiki tun a mburan, nang wa sa tang kasha nu. Yang nga shim ku̱ kha nu ndu̱ kaɗari mbe ɗyi mbarkandi, tun kha waare zop mbe aa nyi ɗyi nu̱ke malkandi.

Romeku 8:12

Wanang tu̱k, nyeezaku, wa ku̱s ku̱ khar viti ɓaarem kha waare ɗye shir ɓu̱ manva nu̱ke ɗya me ɓu̱ nduku.

1 Korintiyeku 14:11

Yang mbu̱ nang da mbu̱ me ghai nu̱ke njif nggur a shiran ɓa, ngga kha runggini she nda, tu̱ kha runggu sha tu̱k.

1 Korintiyeku 14:16

Mbu̱ wanang ɓa, to ka kuna Magham ndu̱ jiimbor ɗyenda, yang njif nu gwaki dlu̱mndan yoro yang nu̱ da mbu̱ ɗyi nu̱ke ta zu̱ranang ɓa. Ka tlogha za, “Ku̱ shi wanang” ku̱me kunar no shikyang kikimndana, nu̱ke nu̱ zu̱n ɗyi no zu̱ki ɓa?

1 Korintiyeku 2:13

Ɗyiku nu̱ke chem a zu̱ran ye nu nang, nyem shi boote ndu̱ ɓalar nu̱ kaɗari nu̱ nduk shogaki yerem ɓa. Chem a shikya boote ndu̱ ɓalar nu̱ Jiimba shogaki yerem, chem a zu̱ zhire ɗyi nu̱ mbu Jiimba ye nduki nu̱ke a mbu̱ Jiimba.

1 Korintiyeku 3:18

Ku̱ aaki lamba ɗyinan ɓa. Mbu̱ nduk wa taman za chin ghu̱rtan leendang, ku̱ gaɓ ndu̱ ɗyinan wa nggu̱bu̱ng ma ku̱ kha ghu̱rtan.

2 Korintiyeku 10:12

Ma nu̱m yerema? Ai, sar da chem ɓu̱ buu ɗyinerem ɓa, yang chem ɓu̱ kha da ndu̱ nduki nu̱ke a naran wa wor wa duk aaki ɓa. Nduki nu̱ka ku̱rki ɗyin wor ndu̱ yen, a buu ɗyin wora ndu̱ yen nggu̱bu̱ngan ku!

2 Korintiyeku 11:19

Ɓaanu tun ghu̱rtan maɗyi, nu̱ke tun a kaɗanyi ndu̱ nggu̱bu̱ngku mbu̱ kasha!

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

2 Timoti 2:10

Yang nga gu̱n memu̱nara ndu̱ aa nu̱m ku̱me nduki datkandi, ku̱ gwa ɗanar ku nu̱ ku̱nshe Masiya Yesu, tu̱ gwa viri nu̱ mbu̱ zhaaji nu̱ke nu̱ka shi woɗa ɓa.

Titus 3:3

Jiwa ɗau far chem nggu̱bu̱ngan, nu̱ zhangndi tu̱kti maa ku, chem sagharan. Chem maavi ɓu̱ shimndi ɗyiku zum zum ndu̱ melakh ɗyiku zum zum, chem kharan mbe mu̱na ndu̱ zhiri, nduki a zhangnderem chem a zhang yen.