Romeku 1:13 - Mewar Alqawarang

¹³ Nyeezaku, nga shim zu̱n nu nu̱ ɗyine ngaa shim ɓar she nu sar khang, yang ma ɓar meeni wa nggu̱tli nga shir wanang. Ɗyi nu̱ saki tang shim ɓarang chin ke, ku̱ gwa nga tang wopa Labar Mbarkandang chele ɓaanu tu̱ nduki maita, ba wa nang shiki chele nduki nu̱ke ɗya Yakhudeku ɓa.

Romeku 1:13 ပူးပေါင်းရင်းမြစ်များ

Yokhana 12:24

Zhire, nga zu̱ran ye nu, mbu̱ nun kaɓ ye pooni tu̱ mu̱tl ɓa, ka kha ba chin ɗyenda. Yang mbu̱ wa mu̱tli wa ka vu̱r ye pooniku khang.

Yokhana 15:16

Tun datki nga ɓa, nga datki nu, tang sa nga za ɗu̱ nu tun a tlu̱na ɗyiku mbarkandi, qusonggi nu̱ke ka khaki koɗokhsi ɓa. Kom Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 4:36

Nu̱ ku̱mndang a gwa ɗye ɓi ɓaran, a tabaran a yir si mbu̱ nyifi nu̱ke nu̱ka shi woɗa ɓa, ma ku̱ nu̱ kaɓti ndu̱ nu̱ ku̱mndi shi kashar ku su̱yen.

Tlu̱nar ɓu̱ Pudeku 1:15

Mbu̱ qaandiku naandang tu̱ Biturus ji tu̱ chin gha chele nu̱ mbu Yesu ku (nu̱ke khang ɓaanda wa khu̱l won ndu̱ ɗyirap).

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

Tlu̱nar ɓu̱ Pudeku 15:12

Tu̱ tabar ndukyang kap kha yit, tu̱ gwa dlu̱mndi wor ye Barnaba ndu̱ Bulus sarchi nu̱ke a zu̱ labar ɗye saidu ndu̱ ɗye lazhamku nu̱ Magham shiki nu̱ ku̱nshe wor chele nduki nu̱ke ɗya Yakhudeku ɓa.

Tlu̱nar ɓu̱ Pudeku 19:21

Qu̱rse ɗyiku nang tu̱ Bulus san mbu̱ memu̱naran nu̱ ɗyine mbu̱ chin wa baara dlar ghai Makidoniya ndu̱ Akaya chin ka ɗu̱ Urshalima. Tu̱ zu̱ tu̱k za, “Mbu̱ nga ɗu̱ nje, wa ku̱s ku̱ ɗu̱ nga mbu̱ ghai Roma.”

Tlu̱nar ɓu̱ Pudeku 21:19

Qu̱rse wa shi qaandi ye wora tu̱ zu̱ su̱ kap ɗyi ku nu̱ Magham shiki chele nduki nu̱ke ɗya Yakhudeku ɓa nu̱ ku̱nshe tlu̱nar nu̱ chin Bulus shiki.

Tlu̱nar ɓu̱ Pudeku 28:14

Chem gama ndu̱ nu̱ mbu Yesu ku nggur ye maaran tu̱ khuterem za shem qaandi mut she wora. Ndu̱ wanang ndu̱ wanang chem khu̱l Roma.

Romeku 1:12

Shimndi ɓang chin ke, ku̱ pa mi du̱mbu̱r ye yen, tang pa du̱mbu̱r ye nu nu̱ ku̱nshe maito ɓanga, tun pa du̱mbu̱r ya ndu̱ ɓaanu tu̱k.

Romeku 11:25

Nyeezaku, nga shim wut nga ɗyi tukakandi nggur ye nu ku̱ zu̱n nu, ma ku̱ kha nu ma nu̱ gwaari ɗyin ɓa. Kaaku̱ɗakh memu̱nar ɓu̱ ɓeeni nduki nu̱ Israila nang ɗya ba me sarchi koɗomma, a bu kya sarchi nu̱ke khang ɓu̱ nduki nu̱ke ɗya Yakhudeku ɓa nu̱ke a ɓar she Magham ku̱ nyedli.

Romeku 7:1

Nyeezaku, nu̱ke kap ɓaanu tun wa zu̱n bibitang, tun ka da mbu̱ ɗyi nu̱ke nga ma zu̱ran nang. Bibiti ka shi tlu̱nar ɗyine nduku mbu̱ nu̱ zhin a nje ndu̱ nyifi.

1 Korintiyeku 1:10

Nga khutonu, nyeezaku, ku̱me Zhinerem gwaanji Yesu Masiya, tu̱ ɓalar ɓaanu kha da. Ku̱ ɗyinonu kha shakhtan ɓa, tun gonta ɗyinonu ye maa da, tu̱ ɗyi nun ku̱rki ndu̱ kwaari ɓaanu kha da.

1 Korintiyeku 10:1

Nyeezaku, nga shim kor nu ɗyine zhikaneremku wa shi yir ku su̱ ku̱zapti, tu̱ dla gaawu gwaanji vyangndang nu̱ dam.

1 Korintiyeku 12:1

Yang leendang, nyeezaku, ɗyine ɓalar vu̱rtiku ɓu̱ Jiimbi shakhshakhndi, nang shim ku̱ kha nu mbu̱ zhum ɓa.

1 Korintiyeku 14:20

Nyeezaku, ku̱ kwaari ɓaanu kha wa qusongga ɓa, ye maa ɗye mu̱na, tun kha wa ɓeelar woi, yang ku̱ kwaari ɓaanu kha wa nduk gori.

1 Korintiyeku 14:26

Yang tun ka shi kim ɗo nyeezaku? Mbu̱ tun wa taba kap, yang njif nggur a qa taazi gwaari dlu̱m Magham, njif nggur a shikya shogar ɓara, njif nggur a ɓalar ndu̱ mewar me ghin, njif nggur a zu̱kya ɗyi nu̱ Magham wutki yenda. Yang ɓu̱ njif nggur a zu̱kya mbu̱ ɗyi nu̱ke nu̱ mewar me ghayang a zu̱ran, shi ma aa nu̱m ma ku̱ nduki gwa shaata tu̱ gor ku.

1 Korintiyeku 9:2

Ai, aa ɓeeni nduki nu̱ maita za nga pude ɓu̱ Yesu ɓa, tun ka maita shwat! Khar viti ɓaanu mbe Zhinerem gwaanji ɗya saidu nu̱ wutki za nga pude ɓu̱ Yesu.

2 Korintiyeku 1:8

Nyeezaku, chem a shim zu̱n nu pooni bonye nyem zaki mbu̱ dlar ghai Asiya, chem wa za bonye maɗyikandi nu̱ke nyem taman za chem ka shi nyifi ɓa.

2 Korintiyeku 2:14

Nga kuna Magham, chin nu̱ka khaki nu̱ gume rem aakochi chem a ra wute mbe Masiya. A boote ndu̱ chem ma ɗyem chem a wopa Labar mbarkandi ɓu̱ Masiya aa fu̱n wa ɗye zhi mu̱nkandi nu̱ zhiran dlu̱ki aa fu̱n.

Galatiyeku 3:15

Nyeezaku, bu wut nga ye nu mbe ɗyi nyem ka shiki meeni ndu̱ wuri. Mbu̱ nduki rap wa ching alqawar gha chele ɓaanda, tu̱ yang sa khar wora ma ku̱ kha ma saidu ɓu̱ alqawar nu̱ wor daki, nduk a nje nu̱ke ka laadaki nu̱ gha ɓa, yang nduk ɓu̱ paata ɗyi nggur nu̱gha mban zum ɓa.

Galatiyeku 6:18

Bu ku̱ mu̱nkir ɓu̱ Zhinerem gwaanji Yesu Masiya kha gha su̱yen ndu̱ tunu, nyeezaku. Amin.

Filipiyeku 1:22

Mbu̱ nga nje ndu̱ nyifiri mbu̱ man var nang, ngga shi tlu̱nar nu̱ke boota si. Yang nang zu̱n mbu̱ ngga datkya nyi mban ɓa.

Filipiyeku 4:17

Yang taman nu za nga laɓkya ɗyi nggur she nu ɓa, auwo, nga shimkya gwa nu ɗyi nu̱ke ka shaataki nu̱ ɗyine du̱ngndi ɓaanu.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

Kolosiyeku 1:6

Labar mbarkandi nang a ɓar ndu̱ barke, a gwa dlu̱r aa fu̱n mbu̱ larji tu̱k, ba wa nu̱ shiki chele ɓaanu sarchi nun nggaki su̱ tu̱k labar mu̱nkir ɓu̱ Magham, tun da mbu̱ zhire nu̱ke a mban.

1 Tasalonikeku 2:18

Chem wa shim a ɓa mi she nu. Shwat nga Bulus ndu̱ ɗyina nga shim a ɓa nga sar khang, tu̱ yang Sheɗan nggu̱tlerem.

1 Tasalonikeku 4:13

Yang nyeezaku, nang shim ku̱ kha nu waare zu̱ndi ɗyine nduki nu̱ zhiki ɗyenir ɓa, ku̱ memu̱na nu su̱bu̱r ku̱me wa mu̱t ku ɓa wa nduki nu̱ke ɗye sar memu̱na nje kha wor ɓa nda ɓa.

2 Tasalonikeku 2:7

Jiwa zalale tonggu̱rong tukakandi nang wa nggaasi tlu̱nari, yang chin nu̱ke a nggu̱tlan nang ka zu̱m guma ndu̱ shiran kope Magham wa da nda ɓara.

2 Timoti 4:17

Yang Zhinkir gwaanji a nje su̱yen ndu̱ nga tu̱ pa du̱mbu̱r ya, ku̱me ɓalar ɓu̱ Magham nang ku̱ gwa wopar maɗyi ma ku̱ nduki nu̱ke ɗya Yakhudeku ɓa tu̱kki. Wa lawa nga ɓar mbu̱ me mu̱zamndi.