Romeku 1:1 - Mewar Alqawarang

¹ Lagarkati nang a vi she Bulus, maavi ɓu̱ Masiya Yesu, nu̱ qaki nda ma ku̱ kha ma pude ɓu̱ Yesu, tu̱ waka nda nu̱ gha ma ku̱ wopa Labar mbarkandi ɓu̱ Magham.

Romeku 1:1 ပူးပေါင်းရင်းမြစ်များ

Markus 1:14

Gaanje wa khi Yokhana nu̱ baptismang gha zhaaru̱m, tu̱ Yesu a ɓa mbu̱ dlar ghai Galili a waazu labar mbarkandi ɓu̱ kwaaɗar ɓu̱ Magham.

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

Yokhana 15:15

Ngam ɓu̱ qaanu ye rafa tu̱k ɓa, ku̱me ye rafa nu̱ zu̱n ɗyi nu̱ke nu̱ rafti ɓaran a shiran ɓa. Yang nga qa nu raptaku, ku̱me nga zu̱ ɗyi nang tu̱kki she Zhinkir ɓang kap ye nu.

Yokhana 15:20

Kor ma nu̱ ɗyi nang zu̱ki ye nu za, ‘Ye rafa nu̱ka duk nu̱ rafti ɓaran ɓa.’ Mbu̱ wa vu̱r bonye ya ku, wanang tu̱k ka vu̱r bonye ye nu. Mbu̱ wa mbu zu̱r ɓang ku, tu̱ga ka mbu zu̱r ɓaanu tu̱k.

Tlu̱nar ɓu̱ Pudeku 13:9

Tu̱ yang Shawulu nu̱ka qaki nda za Bulus nyeedlan ndu̱ Jiimbi shakhshakhndi tu̱ nggu̱t Elimas njang,

Tlu̱nar ɓu̱ Pudeku 20:24

Yang nang da nyifi ɓang ma aa nu̱m ɓa, mbu̱ ngga ɗu̱ma woɗa tlu̱nar nu̱ Zhinerem gwaanji Yesu vu̱rki ya nang, nang ke, saida nga Labar Mbarkandi nu̱ mu̱nkir ɓu̱ Magham.

Tlu̱nar ɓu̱ Pudeku 21:40

Nu̱ vu̱rki zalale ni yenda tu̱ Bulus ching gha ɗyin me dlar me virang, tu̱ da kharan ye tabar ndukyang ku̱ kha yit ku. Nu̱ khaki yit ku, tu̱ shi ɓalar ye wor nu̱ me ghai Aramayik.

Tlu̱nar ɓu̱ Pudeku 22:21

“Tu̱ Zhinerem gwaanji zu̱ ya za, ‘Ju to ɗi, ngga ru̱ktor nu̱ ɓakh fara, ye maa nu̱ke ɗya Yakhudeku ɓa.’ ”

Tlu̱nar ɓu̱ Pudeku 22:7

Tang nggu̱t yaghai tang tu̱k su̱qur ɓalar a zu̱ran ya za, ‘Shawulu, Shawulu, nu̱m saki to ki vu̱r bonye ya?’

Tlu̱nar ɓu̱ Pudeku 26:1

Tu̱ Agu̱ripa ze Bulus za, “Wa vu̱r zalale yor ma ku̱ lawana ɗyinoro.” Kom tu̱ Bulus da kharan, tu̱ nggaasi ɓalar za:

Tlu̱nar ɓu̱ Pudeku 26:14

Nyem nggu̱ɗki nu̱ yaghai kap ɓaarem, tang tu̱k su̱qur nggur nu̱ke a ɓalar ya ndu̱ me Aramayik za, ‘Shawulu, Shawulu, nu̱m saki to ki vu̱r bonye ya? Kare nu̱ke ta shiran ndu̱ nga nang, ta nggumkya vaaro.’

Tlu̱nar ɓu̱ Pudeku 27:23

Ku̱me mbu̱ɗa nu̱ ru̱kti ngguri ɓu̱ Maghamndi ɓanga nu̱ke nga ghar ghai yenda, tu̱k wa ching sha.

Tlu̱nar ɓu̱ Pudeku 9:15

Tu̱ Zhinerem gwaanji ze nda za, “Ɗu! Nga dat khuski nang ku̱ shi tlu̱nar ya tu̱ wut dlu̱ma ye nduki nu̱ke ɗya Yakhudeku ɓa, ndu̱ kujiku ndu̱ nduki nu̱ Israila kap.

Romeku 1:16

Labar Mbarkandang ɗya ɗye kawa sha ɓa, ku̱me chin ke zalale ɓu̱ Magham nu̱ka vu̱rki ɗanar ye anyi nduk nu̱ maitaki, Yakhudeku ke nu̱ gumapaali, kom ndu̱ nduki nu̱ke ɗya Yakhudeku ɓa.

Romeku 1:5

Barke ɓu̱ Yesu Masiya ndu̱ dlu̱man saki chem gwa mu̱nkir tu̱ qa rem ma khami ma pudeku ɓaran, ma ku̱ qa mi nduki nu̱ mbu̱ ghaiku kap ku̱ maita tu̱ mbu zu̱r ɓaranku.

Romeku 1:9

Magham nu̱ke nga tlu̱nar yenda ndu̱ memu̱nara da nu̱ ku̱nshe wopar Labar mbarkandi ɓu̱ Yi ɓaran, ke saidu ɓanga nu̱ ɗyine nang laada kwaaronu

Romeku 11:13

Leendang nga ɓalarang ndu̱ tun nu̱ke tun Yakhudeku ɓa. Mbu̱ ba nga ke pude ɓu̱ Yesu nu̱ ɗa ru̱kki nga nu̱ she nu, nga da tlu̱nar ɓang ndu̱ zhaaji,

Romeku 15:16

Ma ku̱ kha nga ma nu̱ tlu̱nar ɓu̱ Masiya Yesu ye nduki nu̱ke ɗya Yakhudeku ɓa, su̱yen nu̱ tlu̱nar kuru ɓu̱ Magham nu̱ wopar Labar Mbarkandi ɓu̱ Magham. Ma ku̱ nduki nu̱ke ɗya Yakhudeku ɓa kha ma sadke dlu̱kandi she Magham, nduki nu̱ wakaki wor gha nu̱ ku̱nshe Jiimbi shakhshakhndi.

Romeku 15:29

Nga maita nu̱ ɗyine mbu̱ nga ɓa she nu ngga ɗa ɓa nyeedlan ndu̱ barke ɓu̱ Masiya.

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

Romeku 16:25

Bu ku̱ zhaaji kha Magham nu̱ zalale par nu nu̱ mbe maito ba wa nu̱ Labar mbarkandi nu̱ke nga waazu ni ɗyine Yesu Masiya nang zu̱ki. Yang Labar mbarkandi nang ɗya ɗyi tukakandi zhu tang,

1 Korintiyeku 1:1

Lagarkati nang a vi sha, nga Bulus nu̱ Magham qaki nga ma ku̱ kha nga ma pude ɓu̱ Masiya Yesu, kom ndu̱ mu̱dlerem Sostanus.

1 Korintiyeku 9:1

Woɗye zalala nje khara de? Nga pude ɓu̱ Yesu tu̱k ɓa goma? Nang na Yesu Zhinerem gwaanji ndu̱ yita de? Tun nang kap tun maita Yesu nu̱ ku̱n sha ɓa goma?

2 Korintiyeku 1:1

Lagarkati nang, a vi she Bulus pude ɓu̱ Masiya Yesu mbu̱ barke ɓu̱ Magham, ndu̱ mu̱dlerem Timoti. Ma yir she tabar ɓu̱ nu̱ mbu Magham nu̱ke a Koranti, kom ndu̱ daatiku ɓu̱ Magham nu̱ke a mbu̱ maa Akaya kap.

2 Korintiyeku 11:5

Nang taman za nduki nun ka qaki wor za “pudeku rututundi” nang wa dukti nga ndu̱ aa nu̱m ɓa.

2 Korintiyeku 11:7

Yang nga shi zop nang wopaki Labar Mbarkandang ye nu mu̱nki, tang wut katar ɗyin ma ku̱ kha nu ndu̱ zhaaji mu?

2 Korintiyeku 12:11

Aa nu̱ke nga gaɓ ndu̱ ɗyina wa nggu̱bu̱ng, tun saki nga. Yang wa ku̱s tu̱ga tun wa makhta nga. Aa nga mbu̱ ɗyi nggur ɓa, “Pudeku rututundi” ɓaanu nang nu̱ dukti nga ndu̱ aa nu̱m ku ɓa.

2 Korintiyeku 2:12

Sarchi nanga ɓa ki Tu̱rowas ma wopa Labar mbarkandi ɓu̱ Masiya, Zhinkir gwaanji wa qu̱n njiv ya,

2 Korintiyeku 4:5

Chem a shikya waazu ɓu̱ ɗyinerem ɓa, chem a shikya waazu ɓu̱ Yesu Masiya, nu̱ ɗyine chin ke Zhinkir gwaanji, chem a khar wa maaviku ɓaanu ku̱me Yesu.

Galatiyeku 1:1

Lagarkati nang a vi sha, nga Bulus pude ɓu̱ Yesu. Khar ɓang ma pude nang ɗya nduk datki nga ɓa yang shir ɓu̱ nduk zum ɓa. Daatang a vi she Yesu Masiya ndu̱ Magham Zhinki nu̱ jiiki ndu̱ Yesu ɓar mbe mu̱ti.

Afiseku 1:1

Nga Bulus pude ɓu̱ Masiya Yesu mbe shimndi ɓu̱ Magham kya bu̱la lagarkati nang, ma yir she nduki ɓu̱ Magham nu̱ke a mbu̱ ghai Afisa, nu̱ shir zhire ku mbe mbu Masiya Yesu.

Afiseku 1:13

Tun wa kha ma nduki ɓu̱ Magham tu̱k nu̱ ku̱nshe Masiya, sarchi nun tu̱kki ɓalar zhire, nang ke Labar mbarkandi nu̱ ɗa ɓa ki ndu̱ ɗanar ye nu. Ye sarchi nun maitaki Masiya, Magham wa sa yitu̱m ɓaran nu̱ ɗyine nu nu̱ shiki alqawar vu̱rti Jiimbi shakhshakhndi ɓaran ye nu.

Afiseku 4:11

Chin shiki vu̱rti ye nduki. Wa shi vu̱rti nu̱ khar ma pude ɓu̱ Yesu ye ɓeeni nduki, ɓeenan ɗya annabiku, ɓeenan ɗya wopar Labar Mbarkandang, ɓeenan ɗya nu̱ khutlo nduki yang ɓeenan ɗya nu̱ shogar ku ɓara.

Filipiyeku 1:1

Zoɓar qaandi nang a vi she Bulus ndu̱ Timoti maaviku ɓu̱ Masiya Yesu, ma yir she kap nu̱ mbu Masiya Yesu nu̱ke a mbu̱ ghai Filipi. Kom ndu̱ dlegumeku ɓu̱ tabar ɓu̱ nu̱ mbu Yesu ku ndu̱ nu̱ shaatar ɓu̱ dlegumeku.

Filipiyeku 2:11

Aa nyi ghin ka saida za Yesu Masiya ɗya Zhinerem gwaanji, ma vu̱r zhaaji ye Magham Zhinki.

Kolosiyeku 1:1

Lagarkati nang a vi she Bulus, pude ɓu̱ Masiya Yesu mbe shimndi ɓu̱ Magham, su̱yen ndu̱ Timoti, mu̱dlerem.

Kolosiyeku 1:25

Magham datki nga ku̱ kha nga ma maavi ɓu̱ tabar ɓu̱ nu̱ mbu Yesu, yang vu̱r tlu̱nar nang ya ma ku̱ shaata nga nu, tang shi waazu ɓalar ɓu̱ Magham ye nu nyeedlan.

1 Tasalonikeku 2:2

Aa nu̱ke chem wa za bonye ndu̱ pu̱zi mbu̱ ghai Filipi, ba wa nun zu̱nki, Maghamndi ɓaarem wa pa du̱mbu̱r yerem ma ku̱ wopa mi Labar Mbarkandang ye nu, kap ndu̱ kare nu̱ke a shiran ku ndu̱ chem.

1 Tasalonikeku 2:8

Chem wa damta ndu̱ tun maɗyi, nang ke ɗyi nu̱ saki nyem wopa Labar Mbarkandang ye nu ɗyenda ɓa, chem wa vu̱r nyifi ɓaarem tu̱k ku̱me tunu, nu̱ke tun wa vi nu̱ mbu̱ memu̱na rem maɗyi.

1 Tasalonikeku 2:9

Nyeezaku, tun wa kor tlu̱nar ndu̱ bonye nyem zaki! Chem wa shi tlu̱nar virkir ndu̱ fu̱ɗari ma ku̱ taɗar ɓaarem khan ɗyine aaki sarchi nyem wopaki Labar mbarkandi na viki she Magham ye nu ɓa.

1 Timoti 1:1

Lagarkati nang a vi she Bulus pude ɓu̱ Masiya Yesu ba wa nu̱ Magham nu̱ ɗana rem ndu̱ Masiya Yesu ɗye sar memu̱narem kumaki,

1 Timoti 2:7

Nang ke ɗyi nu̱ saki tu̱ daati nga tang kha ma pude ndu̱ nu̱ wopar ɓalarang. Nga ke maalu̱m nu̱ shogar ye kap nduki nu̱ke ɗya Yakhudeku ɓa mbu̱ maito zhirekandi. Ɗyi nu̱ke nga zu̱ran nang ke zhire ni, kotama nje mban ɓa.

2 Timoti 1:11

Magham wa sa tang kha ma nu̱ waazu, ndu̱ pude ɓu̱ Yesu, ndu̱ maalu̱m ku̱me Labar mbarkandi dandi nang.

Titus 1:1

Lagarkati nang a vi she Bulus maavi ɓu̱ Magham ndu̱ pude ɓu̱ Yesu Masiya. Daati nga tu̱ ru̱kti nga ma ku̱ pa nga du̱mbu̱r ye maito ɓu̱ nduki nu̱ Magham datki ma shaata nga wor tu̱ zu̱n zhire nu̱ khaki torop ndu̱ nu̱ mbu Magham ku.

Yibraniyeku 5:4

Nduk a nje nu̱ke ka datki tlu̱nar nu̱ zhaaji nang ye ɗyinan ɓa. Wa ku̱s ku̱ Magham qa nda, ba wa nu̱ qaki Kharuna.

Yibraniyeku 7:26

Chem a gangkya pooni gorkir kuru nang. Chin shakhshakh, waare zop, shibtan, wa wakanda nu̱ konggol tu̱ njig nu̱ solarku, tu̱ da nda nu̱ viɗi ɗyine aa nu̱m kap.

Yaqub 1:1

Lagarkati nang ji she Yaqub maavi ɓu̱ Magham ndu̱ Zhinerem gwaanji Yesu Masiya, ma yir she me ghaiku gwaanggu̱m rapndi ɓu̱ Israila nu̱ lakhtaki nu̱ aa fu̱n mbu̱ larji. Nga qaandi ye nu maɗyi.

1 Biturus 4:17

Jiwa sarchi kumar nduki a ɓa. Yang ka nggaasan ndu̱ nduki ɓu̱ Magham. Mbu̱ yang ka nggaasi kumarang ndu̱ chem, ɓu̱ nduki nu̱ zhangki tu̱k Labar mbarkandi na viki she Magham ɗa ka kha kikimndana?

2 Bitu̱rus 1:1

A vi she Siman Biturus, maavi ndu̱ pude ɓu̱ Yesu Masiya, ma yir she nduki nu̱ gwaki maito nu̱ zhaaji ba wa nyem gwaki, nu̱ ku̱nshe dambi ɓu̱ Maghamndi ɓaarem ndu̱ Nu̱ Ɗanar rem Yesu Masiya.

Yakhuda 1:1

Yakhuda maavi ɓu̱ Yesu Masiya, khachin Yaqub, bu̱la lagarkati nang ma yir she nduki, tun nu̱ Magham qaki, nu̱ke Magham Zhinki a ndolaran, nu̱ke Yesu Masiya a khutloran.

Ɗyin mbu̱ tukari 1:1

Lagarkati nang ɗya ɗyin mbu̱ tukar nu̱ Magham vu̱rki ye Yesu Masiya ku̱ wut ɗyi nu̱ke a ma ɗaatli nu̱ shopti ɓa ye maaviku ɓaran; tu̱ yang Yesu ru̱k nu̱ ru̱kti ɓaran nu̱ she Yokhana ku̱ zu̱ zoɓar nang yenda.

Ɗyin mbu̱ tukari 22:6

Tu̱ nu̱ ru̱ktang zu̱ ya za, “Ɓalar nang ɗya zhire, ɗyen wanang shwat. Zhinkir gwaanji Maghamndi ɓu̱ Jiimbiku ɓu̱ annabiku, a ru̱kki ndu̱ nu̱ ru̱kti ɓaran sha ma ku̱ wut ɗyi nu̱ke a ma ɗaatli ɓu̱ shoɓ ɓa ye maaviku ɓaran.”

Ɗyin mbu̱ tukari 22:9

Tu̱ yang zu̱ ya za, “Shi na ɓa! Nga mu̱dlonu maava, to ndu̱ nyeezor annabiku, ndu̱ kap nduki nu̱ke a mbu ɓalar nu̱ mbu̱ lagarkati nang. Ghor ghai ye Magham!”