Matta 9:15 - Mewar Alqawarang

¹⁵ Tu̱ Yesu tlogha ye wor za, “Woɗye raptikirku ɓu̱ nu̱ zhin ɓu̱rti wa ka shi chiti mbu sarchi nu̱ke a nje su̱yen ndu̱ wor mu? Yang sarchi a nje a ɓari nu̱ke ka ɓa da nu̱ zhin ɓu̱rtang ɓar kha wora, nang ke sarchi nu̱ke ka shiki zhumti ku.

Matta 9:15 ပူးပေါင်းရင်းမြစ်များ

Matta 9:14

Sarchi ni, tu̱ nu̱ mbu Yokhana ku a ɓa she Yesu tu̱ zham nda ku za, “Nu̱m saki chem ndu̱ Pariseku chem wa ka shi zhumti yang nu̱ mburokwang nu̱ka shi ɓa?”

Matta 9:16

“Nduk a nje nu̱ke ka talki mewar kelɓeng kapar nu̱ke nu̱ za ɓa nu̱ ɗyine ngguzur kapa ɓa, ku̱me mbu̱ wa za, taatlang ka ɓyakhi tu̱ duk nu̱ sotndang.

Markus 2:19

Tu̱ yang Yesu tlogha ye wor a za, “Woɗye raptikirku ɓu̱ nu̱ zhin ɓu̱rti wa ka shi zhumti ku mbu̱ nu̱ zhin ɓu̱rtang a nje su̱yen ndu̱ wor mu? Ba mbu̱ nu̱ zhin ɓu̱rtang a nje su̱yen ndu̱ wor shwat ɓu̱ shi zhumti ku ɓa.

Markus 2:20

Yang sarchi a nje a ɓari nu̱ke ka ɓa daki nu̱ zhin ɓu̱rtang ɓar she wora, kom ka shi zhumti ku mbu̱ qaandiku naandang.

Luka 17:22

Kom tu̱ ze nu̱ mburindakwang tu̱k za, “Sarcha ɓar nu̱ke tun ka shimki na aa fu̱ɗar da mbu̱ fu̱ɗarku ɓu̱ Yi ɓu̱ nduku, yang tun ɓu̱ na ɓa.

Luka 5:34

Tu̱ Yesu tlogha ye wor za, “Tun a tamandan tun ka ɗu̱ma nggu̱tl rafti nu̱ zhin ɓu̱rti ndu̱ ɗye zu̱mndi, mbu̱ke a su̱yen ndu̱ nu̱ zhin ɓu̱rtang mu?

Luka 5:35

Sarchi a nje a ɓari nu̱ke ka ɓa da nu̱ zhin ɓu̱rtang ɓara tu̱ njig wora, kom qu̱rsan ka ɓa shi zhumti ku.”

Yokhana 16:6

Memu̱na nu wa su̱bu̱r ku̱me nga zu̱ ɗyiku nang ye nu.

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Tlu̱nar ɓu̱ Pudeku 14:23

Qu̱rse wa dat dlegumeku ye tabar ɓu̱ nu̱ mbu Yesu ku nu̱ mbu̱ aa nyi ghai, tu̱ sa wor nu̱ mbu̱ khar Maghamndi nu̱ maitaki nda kwang, su̱yen ndu̱ barar ndu̱ zhumti.

1 Korintiyeku 7:5

Ku̱ nduk da nggu̱tl mu̱dlen ɓa, buka mbu̱ke tun zu̱n gha zu̱zi ma ku̱ gwa nu sarchi tun shi barari. Yang tun a gaɓ nu̱ ve yen, ku̱ Sheɗan lamba nu ku̱me song ku̱si va ɓa.

2 Korintiyeku 11:27

Nga shi tlu̱nar tang za bonye, mbe song ɗyeniri, ndu̱ meeri, ndu̱ khuzhumndi. Nga kha waare ɗye zu̱mndi sar khang, tang za mbiti, ndu̱ song ɗye sar nu̱ke ngga saki.

Ɗyin mbu̱ tukari 19:9

Tu̱ nu̱ ru̱ktang zu̱ ya za, “Bu̱lo nang, ‘Nduki nu̱ qaki wor ma tabar zu̱mndi ɗye ɓu̱rti ɓu̱ Ye gamndang ɗya nu̱ barka!’ ” Tu̱ zu̱ tu̱k za, “Nang ke ɓalar ɓu̱ Magham zhirekandi.”

Ɗyin mbu̱ tukari 21:2

Tang na Ghai Shakhshakhndi nang tu̱k, chin ke, Urshalima mewakandi, a zhurti mbu̱ viɗi she Magham. Wa daasa nda nu̱ gha wa wonkhar nu̱ke a ma ɓu̱rti mewa nu̱ shiki viri ku̱me zhimen.