Matta 8:11 - Mewar Alqawarang

¹¹ Nga zu̱ran ye nu, nduki khang ku nu̱ke ɗya Yakhudeku ɓa ka ɗa vi ku ɗokhatla ndu̱ mugu tu̱ kha gha ku maa zu̱m ɗye zu̱mndi su̱yen ndu̱ Yibram ndu̱ Yishaku, ndu̱ Nyagham mbu̱ kwaaɗar viɗi.

Matta 8:11 ပူးပေါင်းရင်းမြစ်များ

Matta 21:41

Tu̱ ze nda ku za, “Ba mbu̱ aa ɓa, ka tlagha nu̱ mu̱narku nang nu̱gha,” kom “ka vu̱r damang ye nduki nggur nu̱ke ka vu̱r ki me shakhti ɓaran anapang yenda sarchi dlaran.”

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 8:10

Nu̱ Yesu tu̱kki ɓalar nang, tu̱ shi lazham, tu̱ ze nduki nu̱ke a mbu gaanje nda za, “Zhire ngaa zu̱ran ye nu, sar da aa mbu̱ Israila nang gwa nu̱ maito du̱mbu̱rkandi wanang ɓa.

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 16:22

“Sarchi mu̱ti ɓu̱ nu̱ khuti nang, tu̱ nu̱ ru̱ktiku ɓu̱ Magham da nda tu̱ ɗu̱ ndu̱ chin she Yibram (ye maa khar mu̱nkandi.) Gana fan, tu̱ nu̱ gu̱narang mu̱ɗ tu̱k, tu̱ pa nda gha.

Tlu̱nar ɓu̱ Pudeku 10:45

Tu̱ Yakhudeku nu̱ mbu Yesu ku nu̱ dlaki su̱ wor na ɓa ki su̱yen ndu̱ Biturus shi lazham, ku̱me Magham wa vu̱r Jiimbi ɓaran ye nduki nu̱ke ɗya Yakhudeku ɓa tu̱k.

Tlu̱nar ɓu̱ Pudeku 11:18

Nu̱ Yakhudeku nu̱ mbu Yesu kwang tu̱kki wanang, nu̱ gwa ɗye zu̱ ku ɓa, tu̱ kuna Magham ku, a zu̱ran ku za, “Alapa Magham wa daasa njiv nggooti ndu̱ gwar nyifiri ye nduki nu̱ke ɗya Yakhudeku ɓa.”

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Tlu̱nar ɓu̱ Pudeku 14:27

Nu̱ khu̱lki ku, tu̱ taba nu̱ mbu Yesu ku tu̱ vu̱r labar kap ɗyi nu̱ Magham shiki nu̱ ku̱nshe wora, kom ndu̱ njiv maito nu̱ Magham qu̱nki ye nduki nu̱ke ɗya Yakhudeku ɓa.

1 Korintiyeku 15:20

Yang wa ji ndu̱ Masiya ɓar mbe mu̱ti shwat, nang wutki nu̱ ɗyine ka ɓa ji ndu̱ nduki nu̱ mu̱tki ku.

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

Afiseku 3:6

Ɗyi tukakandi nang, chin ke nduki nu̱ke ɗya Yakhudeku ɓa wa kha ma nu̱ gwar shakhti ɗye mbu̱ ge su̱yen ndu̱ chem Israileku nu̱ ku̱nshe Labar mbarkandi ɓu̱ Masiya Yesu. Yakhudeku ndu̱ nduki nu̱ke ɗya Yakhude ku ɓa wa kha wa me bar ɓu̱ man var da. Kom tu̱k ka gwa me ɓaanda mbu̱ alqawar nu̱ Magham shiki nu̱ ku̱nshe Masiya Yesu.

Kolosiyeku 3:11

Nu̱ke tun wa gwa mewar ɗye shir mbarkandi, tun wa kha ma ɗyi dandi. Yakhudeku nu̱ nduki nu̱ke ɗya Yakhudeku ɓa, chem kap ɗyi dandi. Aa soro dlaran aa soro dlaran ɓa kap chem da. Nduki nu̱ke shaanaran ɓa, nu̱ nji nduki, maaviku ndu̱ nduki nu̱ke ɗya maava ɓa, yang Masiya ke aa nu̱m, Masiya kya mbe aaki.

2 Tasalonikeku 1:5

Ɗyi nang kap a wutan za kumar ɓu̱ Magham ɗya kumar zhirekandi. Ma ku̱ gwa nu ku̱ shiga nu nu̱ mbu̱ nduki nu̱ke ka khaki nu̱ mbu̱ kwaaɗar ɓu̱ Magham. Ku̱me bonye nu̱ke tun a zaranang, tun a zaran ku̱me kwaaɗar ɓu̱ Magham.

Ɗyin mbu̱ tukari 7:6

Me sham ɓu̱ Asha, du̱pu gwanggu̱m rap (12,000), me sham ɓu̱ Naptali, du̱pu gwanggu̱m rap (12,000), me sham ɓu̱ Manase, du̱pu gwanggu̱m rap (12,000).