Matta 7:21 - Mewar Alqawarang

²¹ “Kap nduki nu̱ka qaki nga ‘Zhinerem gwaanji, Zhinerem gwaanji’ ka viki nu̱ mbu̱ kwaaɗar ɓu̱ Magham ɓa, kope njif nu̱ shiki ɗyi nu̱ke Zhinkir ɓang nu̱ke a mbu̱ viɗi a shimndan.

Matta 7:21 ပူးပေါင်းရင်းမြစ်များ

Matta 12:50

Ku̱me kap njif nu̱ shiki ɗyi nu̱ke Zhinkir ɓang nu̱ mbu̱ viɗi a shimndan, chin ke khata aa khusku aa nusu, ndu̱ mankir ɓang tu̱k.”

Matta 16:17

Tu̱ Yesu tlogha yenda za, “To nu̱ barka Siman, yi ɓu̱ Yunana! Ku̱me nduk wuɗki na yor ɓa, kope Zhinkir ɓang nu̱ke a mbu̱ viɗi.

Matta 18:10

“Ku̱r ma vaanu, ku̱ ndu̱m nu da chele qusonggiku na ɓa, ku̱me nga zu̱ran ye nu nu̱ ru̱ktiku ɓu̱ Magham nu̱ khutlo wor nu̱ke a mbu̱ viɗi sot a nggu̱t mbu̱ yiti Zhinkir ɓanga.

Matta 18:19

“Ngaa zu̱ran ye nu tu̱k, mbu̱ nduki rap chele ɓaanu fan larji wa tlogha ku̱ khuɗ nda ɗyi ngguri, Zhinkir ɓang nu̱ke a mbu̱ viɗi ka shi ye wora.

Matta 18:3

Tu̱ zu̱ za, “Ngaa zu̱ zhire ye nu, mbu̱ nun nggoɗ tun kha wa qusonggi pichichi ɓa, sar da tun ɓu̱ vi nu̱ mbu̱ kwaaɗar ɓu̱ Magham ɓa.

Matta 18:35

“Wanang tu̱k Zhinkir ɓang nu̱ kya mbu̱ viɗi ka shiki ye aaki chele ɓaanu nu̱ zhangki ndu̱mndan ye mu̱dlen gha ndu̱ memu̱naran da.”

Matta 19:24

Ngaa maataran ye nu tu̱k, ka kha ndolndol ye dliimokh ku̱ vi nu̱ mbu̱ ghub lu̱bu̱ra ye ku̱ nu̱ gu̱na vi nu̱ mbu̱ kwaaɗar ɓu̱ Magham.”

Matta 25:10

“Yir ɓaanda ma masa morang, tu̱ nu̱ zhin ɓu̱rtang a khu̱dli. Nduki nu̱ gwaki wor daasaran tu̱ vi ku nu̱ ye ma nggar zu̱mndang, tu̱ yang za me virang nu̱gha.

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 26:39

Nu̱ ɗu̱ki guma koɗom tu̱ nggu̱ɗ nu̱ mbiyitan tu̱ shi barari a zu̱ran za, “Zhinkir ɓanga, mbu̱ ka shi, to da ɗyekhti bonye na ya ɓara. Kap ndu̱ wanang, shi na shimndi ɓang ba, kope shimndi ɓaaro.”

Matta 26:42

Tu̱ gaɓ nu̱ rapan tu̱k, ta shi barar a zu̱ran za, “Zhinkir ɓanga, mbu̱ bonye nang ɓu̱ peeta ɓa kope nga za nda, bu ku̱ shimndi ɓa shi.”

Markus 3:35

Ku̱me aaki nu̱ tlu̱naki shimndi ɓu̱ Magham, chin ke khata ndu̱ nana.”

Markus 9:47

Aa yitor ke nu̱ sa ma zop, pulo nu̱ gha kuzhom vina nu̱ mbu̱ kwaaɗar ɓu̱ Magham ndu̱ yiti da, ye ku̱ mbuktor nu̱ mbu̱ giɗim ɓai ndu̱ yitor ku̱lmbu̱r.

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Luka 13:25

Yang mbu̱ nu̱ raftang wa ji tu̱ za me virang nu̱gha, tun ka ɓa ching gha dam tun a ghwaɗ me virang, tun a khuti nda, tun a zu̱ran nun za, ‘Nu̱ rafa, qu̱n me virang yerem!’ Yang ka tlogha ye nu za, ‘Nang zu̱ndo nu̱ ɓa, yang nang zu̱n maa nu na viki su̱ ɓa.’

Luka 18:25

Ku̱me ka duk ndu̱ ndolndol ku̱ dliimokh vi mbu̱ ghub lu̱bu̱ra ye ku̱ nu̱ gu̱na vi nu̱ mbu̱ kwaaɗar ɓu̱ Magham.”

Luka 6:46

“Tun a qa nga Zhinerem gwaanji, Zhinerem gwaanja ma nu̱ma, nu̱ke nun khutlo ɓalar ɓang ɓa?

Yokhana 14:7

Mbu̱ tun wa zu̱ndi nga yel, tu̱ga tun wa zu̱n Zhinkir ɓang tu̱k. Yang ji ɗyin leendang tun wa zu̱ndi nda, tun wa na nda tu̱k.”

Yokhana 15:23

Njif nu̱ zhangki nga gha, wa zhan Zhinkir ɓang gha tu̱k.

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 5:17

Tu̱ yang Yesu ze wor za, “Zhinkir ɓang nu̱ njig shir tlu̱nar ɓa, yang ngam njig zum ɓa.”

Yokhana 6:40

Ku̱me nang ke shimndi ɓu̱ Zhinkir ɓanga, kap njif nu̱ke a nggu̱t Woyang, tu̱ ki maita nda wa gwa nyifi nu̱ke ɓu̱ shi woɗa ɓa, yang nga ka da nda nu̱ viɗi fu̱ɗar wuri.”

Yokhana 7:17

Aaki datki shir shimndi ɓu̱ Magham, ka zu̱n za shogar ɓanga vi she Magham, ɗya ɓang ɓa.

Tlu̱nar ɓu̱ Pudeku 14:22

a pa du̱mbu̱r ye nu̱ mbu Yesu ku, a mata wor ku̱ ching gha ku nu̱ ɗyine maito ɓaanda. A zu̱ran ye wor za, “Chem ka vi nu̱ mbu̱ kwaaɗar ɓu̱ Magham yang kope chem wa za bonye maɗyikandi dong.”

Romeku 12:2

Ku̱ mbu nu su̱ ɗyi nu̱ke nduki nu̱ larji nang a san ɓa, nggoɗ ma nu̱ ku̱nshe nggooti memu̱nanu, kom tun ka ɗu̱ma buuran tun zu̱n yel mbu̱ ɗya shimndi ɓu̱ Magham. Tun ka ɗu̱ma zu̱ndan nu̱ ɗyine shimndi ɓu̱ Magham mbari, dlu̱ran kom nyeedlan.

Romeku 2:13

Jiwa tu̱kti Bibitang ka saki tu̱ nduk kha ma nu̱ dambi gume Magham ɓa, tlu̱nar ɗyi nu̱ Bibitang zu̱ki ka saki tu̱ qa wor nu̱ dambi.

Afiseku 6:6

Shi nu tlu̱nar nar yiti, wa nduki nu̱ke a shim ku̱ nduki kuna wor ɓa, nu̱ke tun maavi ɓu̱ Masiya, shi ma ɗyi nu̱ke Magham a shimndan, ndu̱ memu̱na nu da.

Kolosiyeku 4:12

Apafaras da chele ɓaanu, nu̱ke ɗya maavi ɓu̱ Masiya Yesu, a qaandi ye nu. A barar maɗyikandi aakochi ku̱me tunu a khuɗ Magham ma ku̱ ching nu gha shaanggu̱ɗang, tun kha nyeedlan, tun a tlu̱na shimndi ɓu̱ Magham, mbonu kaada.

1 Tasalonikeku 4:3

Nang ke shimndi ɓu̱ Magham, tun kha shibtan, tun shakh ɗyinonu ndu̱ ɗye su̱bu̱rti vaanu.

1 Tasalonikeku 5:18

Tun kuna Magham mbe aa nyi tunu, ku̱me nang ke shimndi ɓu̱ Magham ye nu mbe Masiya Yesu.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

Yibraniyeku 4:6

Yang zalale a nje leendang ye nduki ma ku̱ gwa maasang ku. Nduki nu̱ tu̱kki Labar mbarkandi nu̱ ɓalar maasi nang zhu nu̱ gwa maasi kwa ɓa, ku̱me nu̱ maita ɓalarang ku ɓa.

Yaqub 1:22

Ku̱ lamba nu ɗyinonu za tun a tu̱k ɓalar ɓu̱ Magham ɗyenda ɓa, shi ma ɗyi nu ɓalar ɓaranang zu̱ki ye nu.

1 Biturus 2:15

Jiwa ɗya shimndi ɓu̱ Magham ku̱ shi nu tlu̱nar mbarkandi gume nduki nu̱ke ghu̱rtan ku ɓa, ma ku̱ za nu me nduki nu̱ke a ɓalar ɗyine nu mbu̱ song zu̱ndi.

1 Biturus 4:2

Ku̱me nang khar ɓaran mbu̱ man va, ɗyi nu̱ke ka shiki zalale ndu̱ chin, ɗya shimndi ɓu̱ Magham, ɓu̱ mbu shimndi ɓu̱ manva ɓa.

Ɗyin mbu̱ tukari 2:27

‘Ka shi kwaaɗar ɗyine wor ndu̱ zaaɓir vi, ka wul wor nu̱gha wa kayang nu̱ du̱nki ndu̱ daɓti.’ Ba wa nang dlu̱ki zalale she Aba ɓanga.

Ɗyin mbu̱ tukari 22:14

“Nduki nu̱ shiɓki luktiku ɓaanda nu̱ gha, ma ku̱ gwa zalale nji qu̱far nyifiri, tu̱ vi ku nu̱ mbu̱ ghayang ve me viri, ɗya nu̱ barka ku.

Ɗyin mbu̱ tukari 3:5

Njif nu̱ raki wute nang ka sa lukti ɓongndi wa wora. Shwat ngam ɓu̱ fet dlu̱man ɓar mbu̱ Lagarkati nyifi ɓa. Yang sarchi nang chingki gha gume Zhinkir ɓanga ndu̱ nu̱ ru̱ktiku ɓaran, ngga saida dlu̱man.