Matta 7:15 - Mewar Alqawarang

¹⁵ “Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Matta 7:15 ပူးပေါင်းရင်းမြစ်များ

Matta 10:17

“Tun ku̱r vaanu ndu̱ nduki, ku̱me ka da zhaano ɓaanu nu̱ gume nu̱ kumarku tu̱ shi kurpi ye nu mbu̱ maa tabarku ɓaanda.

Matta 16:11

Nu̱m saki tun ku̱na da mban nu̱ ɗyine ngaa shikya ɓalar ɓu̱rti toli ɓa? Nga zu̱ nga za ku̱ shakh nu̱ ɗyinonu ndu̱ yis ɓu̱ Pariseku ndu̱ Sadukeku.

Matta 16:6

Tu̱ Yesu ze wor za, “Ku̱r ma vaanu, tun shakh ɗyinonu ndu̱ yis ɓu̱ Pariseku ndu̱ Sadukeku.”

Matta 24:11

Annabi kotameku khang ka ɗa ɓa ku tu̱ lamba nduki khang.

Matta 7:14

Yang me vi nu̱ka ɗu̱ki ndu̱ nduk ye maa nyifi ɓorɓor, mburi njivanang bonye si. Nu̱ mburan khang ku ɓa.

Luka 12:15

Tu̱ zu̱m guma ndu̱ zu̱ran ye wor za, “Ku̱r ma vaanu, ka shi nu khape ɓa, aa gu̱nar ɓu̱ nduk khang wa nu̱m, chin ke nyifi ɓaran ɓa.”

Luka 6:26

Tun ɗye zhiyaye mbu̱ aakya makhta nu, ku̱me zhikankirku ɓaanu shi wanang ye annabi kotameku nu̱ dlu̱r ɓalar she Magham zhu.

Yokhana 10:12

Nu̱ tlu̱nar mu̱zhindi nu̱ka daki nda tu̱ shi khutlorang ɗya nu̱ khutlo ɓa, yang ndu̱ɓangkwang ɓaran ɓa. Ku̱me nang mbu̱ wa na yiɗi gaari a ɓar ɗyin ɗa, ka njig ndu̱ɓangkwang tu̱ ɗa varan. Yiɗi gaarang kaɗa ɓa tu̱ ku̱s ndu̱ɓangkwang, tu̱ lakhta wor nu̱gha tu̱k.

Tlu̱nar ɓu̱ Pudeku 13:40

Ku̱me nang ku̱r ma vaanu, ku̱ ɗyi nu̱ Magham zu̱ki mbu̱ lagarkati ɓu̱ annabikwang nyel nu̱ ɗyinonu ɓa, ku̱me wa zu̱ ɗo za,

Tlu̱nar ɓu̱ Pudeku 13:6

Nu̱ baaraki maa mbu̱ chenjesang kap tu̱ khu̱l ku Pafos, tu̱ gama ku ndu̱ Yakhude nggur nu̱ me bilim, yang ɗya annabi kotame tu̱k, dlu̱man za Bar Joshuwa.

Galatiyeku 2:4

Ɓalar ku̱ nduk dla san nu̱gha nang a vi she nduki nu̱ kotaran ku za wor nyeezerem, nu̱ ɗa viki nu̱ chele ɓaarem mbu̱ tuka. Yang a vi ku ma su̱bu̱r dli ɗyin nyem gwaki nu̱ ku̱nshe Masiya Yesu nu̱ gha. A shim gaɓ ndu̱ chem ku ma maava,

Afiseku 4:14

Nang ka sa chem ɓu̱ gaɓ ma qusongga, ku̱ nduki ku̱s palam ndu̱ khankal ɓaarem, chem ki yir guma ndu̱ gana mbe aa nyi poona shogar galkandi wa nu̱ pu̱rsi ɗyim ka tu̱paki tun ɓa. Yang chem ɓu̱ nggu̱ɗ nu̱ mbu̱ lambar ɓu̱ nduki nu̱ wuti me ghu̱rti malkandi ndu̱ kaɗari bamndi ɓa.

Afiseku 5:6

Ku̱ nduk lamba nu ndu̱ ɓalar bamndi ɓa. Ai, shokhnar ɓu̱ Magham ka ɓa nu̱ ɗyine nu̱ zhangndi tu̱kti maa ku ku̱me pooni solarku nang.

Filipiyeku 3:2

Ku̱r ma ɗyinonu nu̱ yiɗaku nandang, nu̱ tlu̱nar malkandi ku, nu̱ dlar vaanda nu̱gha, za wora dla si nggwa.

Kolosiyeku 2:8

Ku̱ njig nu tu̱ nduk gaɓ ndu̱ tun ma maava nu̱ ku̱nshe lambar bamndi nu̱ kaɗari ɓu̱ nduk ɓa. Pooni zu̱ndi nang a vi she nduki nu̱ke a larji, kom ndu̱ khu̱kheetiku nu̱ke a zalale ndu̱ larji, nu̱ ɗa vi she Masiya ɓa.

2 Timoti 3:13

Yang nduki malkandi ndu̱ nu̱ lambar ku nu̱ tlu̱nar malkandi ku ka shaata maatli, a lamba nduki, nduki a lamba wora.

2 Timoti 4:3

Jiwa sarchi a nje a ɓari nu̱ke nduki ɓu̱ shim shogar zhirekandi ɓa. Me ɓu̱ nang ɗyi nu̱ke memu̱na wora shimndan ndu̱ dlu̱mdi wor nu̱ke a khum wora. Ka sa tu̱ ɗu̱ ku she maalu̱mku nu̱ke ka zu̱ki ɗyi nu̱ke a shim tu̱ktan ku ye wora.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

1 Yokhana 4:1

Raptaku nu̱ke nga ndolaran, ku̱ maita nu aa nyi jiimba ɓa, buu ma jiimbiku dong tun na mbu̱ a vi she Magham. Jiwa annabi kotameku wa vi ku nu̱ aa fu̱n mbu̱ larji.

Yakhuda 1:4

Nga zu̱ nang ku̱me nduki nu̱ viki nu̱ chele ɓaanu mbu̱ tuka, Ɗye shir mbarkandi ɓu̱ Magham a nje mbu̱ khar viti ɓaanda ɓa. Wa gaɓ ndu̱ mu̱nkir ɓu̱ Magham ku ma njiv tlu̱nar su̱bu̱rti. Wa keela Yesu Masiya nu̱ke chin ɗyenda ke Kuji ɓaarem ndu̱ Zhinerem gwaanji. Ai, ɓalar ɓu̱ Magham a ɓa zhu tang nu̱ zu̱ki za wa kuma wora.

Ɗyin mbu̱ tukari 16:13

Yang tang na khu̱kheetiku malkandiku wor kunung nu̱ shipaki guɓakhɓoku. Dandang a vi mbu̱ me geema su̱tang, tu̱ da a vi mbu̱ me dlu gaarang, tu̱ da tu̱k a vi mbu̱ me annabi kotame nang.

Ɗyin mbu̱ tukari 17:6

Tang na nu̱ke nokhzi nang wa kuya ndu̱ tom ɓu̱ nduki ɓu̱ Magham ndu̱ tom ɓu̱ nduki nu̱ tlaghaki wor ku̱me saidar Yesu nu̱ shiki ku. Nang naki nda, tu̱ shi lazham ya maɗyi.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.

Ɗyin mbu̱ tukari 20:10

Yang chin Nu̱ Mu̱nar nu̱ lambaki worang, tu̱ mbukti nda nu̱ mbu̱ giɗim ɓai gu̱rgu̱rndi nu̱ ɓai solfa, ye maa nu̱ mbukki dlu gaari nang nu̱ mban su̱yen ndu̱ annabi kotame nang. Ka za bonyeku fara virkir ndu̱ fu̱ɗari, aakochi koɗokhsi ɓa.