Matta 6:24 - Mewar Alqawarang

²⁴ “Sarda nduk ɓu̱ kha ma maavi ɓu̱ nu̱ rafti rap guma da ɓa, wa ku̱s ku̱ njig da to ku̱s da. Ka shi tlu̱nar zhirekandi ye dandang, tu̱ ndu̱m dandang. Sarda tom ɓu̱ ghar ghai ye Magham su̱yen ndu̱ shimndi mu̱zhin guma da ɓa.

Matta 6:24 ပူးပေါင်းရင်းမြစ်များ

Matta 4:10

Tu̱ Yesu ze nda za, “Ju ya ɓar fan Sheɗan! Ai a nje bu̱laran za, ‘Ghor ghai ye Zhinkir gwaanji Maghamndi ɓaaro, to mbu zu̱r ɓaran chin ɗyenda.’ ”

Luka 16:11

Mbu̱ nun shi zhire mbe gu̱nar larji ɓa, ki ka vu̱rki gu̱nar zhirekandi ye nwa?

Luka 16:13

“Maava nu̱ka ku̱s nu̱ rafti rap ɓa, ku̱me ka zhang nu̱ rafti da, tu̱ ndola nu̱ rafti dandang. Ka vu̱rkya ɗyinan ye nu̱ rafti da chele ɓaanda, tu̱ ndu̱m nu̱ rafti dandang. Tom ɓu̱ ghar ghai ye Magham su̱yen ndu̱ ghaari ghai ye mu̱zhin ɓa.”

Luka 16:9

Nga zu̱ran ye nu, shi ma boote ndu̱ gu̱nar larji tun ba raptikirku ku̱me mbu̱ gu̱narang wa woɗa ka dlu̱ro nun mbu̱ rafti nu̱ke ɓu̱ shi woɗa ɓa.

Galatiyeku 1:10

Yang ɓalar nang ka sa tu̱ nduki da za nga shimkya ku̱ nduki maita nga mu? Auwo. Nga shimkya ku̱ Magham tlogha su̱ ɗyi nu̱ke nga shiran mu yang nga shimkya ku̱ mu̱n nga memu̱na nduki mu? Auwo. Mbu̱ nga shim mu̱n memu̱na nduki tu̱ga nang kha ma maavi ɓu̱ Masiya ɓa.

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

2 Timoti 4:10

Dimas wa njigti nga ku̱me ndolar ɗyin larji nang, wa ɗu̱ varan Tasalonika, Ku̱rezens wa ɗu̱ Galatiya, kom Titus wa ɗu̱ Dalmatiya.

Yaqub 4:4

Tun nu̱ song shir zhire! Alapa nun zu̱n nu̱ ɗyine bar raptikir ndu̱ larji ɗya kare ndu̱ Magham ɓa goma? Ku̱me aaki ndolaki larji, a gaɓkya ndu̱ ɗyinan ma nu̱ kare ndu̱ Magham.