Matta 6:2 - Mewar Alqawarang

² “Ku̱me nang, mbu̱ tun a ma vu̱r tunu ye nu̱ song, ki nu khang ɓala ɗyinan ɓa, ba wa nu̱ke nu̱ mu̱narkwang ka shiki mbu̱ maa tabar ɓaanda, ndu̱ yiti njiv ku ma ku̱ nduki makhta wora. Zhire nga zu̱ran ye nu wa woɗa dlu̱ ɗye ɓi ɓaanda.

Matta 6:2 ပူးပေါင်းရင်းမြစ်များ

Matta 15:7

Tun nu̱ mu̱narku! Ɓalar nu̱ annabi Yishaya zu̱ki ɗyinonwang wa shi torop, ku̱me wa zu̱ za,

Matta 16:3

Nu̱ dumaari mbu̱ tun wa na maari wa sa rikiriki, nun za, ‘Meeni nang chem ka gwa romndi.’ Tun wa ka zu̱n ɗyi nu̱ke a mu̱na viɗi, yang nun ka ɗu̱ma zu̱n sarchi ɓu̱ ɗyiku nu̱ mbu̱ qaandi virkir meeni ɓa.

Matta 22:18

Yang ku̱me Yesu wa da mbu̱ mu̱nar ɓaanda tu̱ zu̱ za, “Nu̱m saki tu̱ na buuri nga, tun nu̱ mu̱narku?

Matta 23:5

“Ka shi tlu̱nar ɓaanda ma ku̱ nduki na. Wa ka gu̱n galɓang lagarkatiku ndu̱ bu̱lar ɓalar ɓu̱ Magham nu̱ ve me guma wora, ndu̱ tu̱ ka shi me lukti ɓaanda kiri ma yir vu̱ghai.

Matta 23:6

Wa ka shim maa khar ɓu̱ nduk kudaandi ku ye ma nggar zu̱mndi, ndu̱ maa khar nu̱ke zhaaji si mbu̱ kib tabarku,

Matta 24:51

Nu̱ rafti na ka shi dlabti malkandi yenda tu̱ shi kumar yenda su̱yen ndu̱ nu̱ mu̱narku. Nang ke ye maa nu̱ke ka shiki ghoori su̱yen ndu̱ ku̱ti dliindi.

Matta 5:18

Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Matta 6:16

“Mbu̱ tun a zhumti, khanu ndu̱ mbu̱ yitonu zhum wa nu̱ke nu̱ mu̱narkwang ka shiki ɓa. Wa ka su̱bu̱r mbu̱ yiti wor nu̱gha ma ku̱ nduki zu̱n za wora zhumti. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 6:3

Yang mbu̱ ta ma vu̱r tunu ye nu̱ song, njig na tu̱ njif nggur zu̱n ɗyi nu̱ke ta ma shiran ɓa.

Matta 6:5

“Yang tu̱k, mbu̱ tun a ma bara, shi nu wa nu̱ mu̱nar ku nang ɓa. Wa ka shim shi bararku ye maa tabar ɓaanda chingndan ndu̱ yiti njivku ma ku̱ nduki na wora. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 7:5

To nu̱ mu̱na, fed kodong qu̱far nu̱ke a mbu̱ yitorang ɓar dong, kom to ka na njiv fet ye wuzu̱ndi nu̱ke a mbu̱ yiti mu̱dlwang ɓar mbari.

Markus 12:39

Wa ka shim maa khar nu̱ke zhaajya si mbu̱ kib tabar ɓu̱ Yakhudeku ndu̱ ye maa tabar zu̱mndi.

Markus 7:6

Tu̱ tlogha ye wor za, “Ɗyi nu̱ Annabi Yishaya zu̱ki nu̱ ɗyine nwa wa khansi tun nu̱ tlu̱nar nar yiti ku!” Baa wa nu̱ bu̱laki za, “Nduk nang a gor dlu̱ma ku ve me wora, yang memu̱na wor ɓakh ndu̱ ngaa.

Luka 11:41

Ku̱me nang, vu̱r ma gu̱nar nun lawaki ɓar kha ndukyang ye nu̱ nungndiku kom aa nu̱m ka kha shakhshakh ye nu.

Luka 11:43

“Pariseku tun ɗye zhiyaye, ku̱me tun wa ka ndola maa khar nu̱ dukki ndu̱ zhaaji mbu̱ kib tabarku ɓaanu, ndu̱ ku̱ nduki shi wuse ye nu mbu̱ gomari.

Luka 12:33

Masa ma ɗyin kha nu ɓara, tun vu̱r sadke ye nduki nu̱ke nungndan. Shi ma du̱ngndi nu̱ ye maa nu̱ke am ɓu̱ su̱bu̱r ɓa. Du̱ng ma gu̱narang nu̱ mbu̱ viɗi she Magham ye maa nu̱ke ɓu̱ shi woɗa ɓa, nu̱ muuru ɓu̱ gwa maa muraran ɓa, yang susut ɓu̱ gwa tu̱ su̱bu̱r nu̱gha ɓa.

Luka 12:56

Nu̱ mu̱narku! Tun wa magha zu̱ndi maa vu̱ghai ndu̱ maa viɗi, tun zu̱n ɗyi nu̱ke a nje, yang kha ku̱me nu̱m nun zu̱n ɗyi nu̱ke a nje sarchi nang ɓa?

Luka 13:15

Tu̱ Yesu tlogha ɓalarang yenda za, “Nu̱ mu̱narku! Ki chele ɓaanu ke nu̱ka kol aa kooro aa dle ghuti ɓaran nu̱gha ye maa gu̱ndan tu̱ ɗu̱ ndu̱ chin ma za ɗyim Fu̱ɗar Maasi ɓa?

Luka 20:46

“Ku̱r ma vaanu ndu̱ Maalu̱m Taurete ku nang. Ku̱me wa ka shim sa lukti gwaanjiku ma baara maari si, ndu̱ ndolar ku̱ nduki shi wuse ye wor mbu̱ tabar nduki. Wa ka shim maa khar nu̱ke zhaaji a si mbu̱ kib tabar ɓu̱ Yakhudeku ndu̱ ye maa tabar zu̱mndi.

Luka 6:24

“Tun nu̱ gu̱narku meeni. Tun ɗye zhiyaye ku̱me nang ke lauɗarsi tu̱kti mu̱ndi ɓaanu.

Luka 6:42

To kaa ze mu̱dlo no za, ‘Bu fed nga ye wuzu̱ndi nu̱ke a mbu̱ yitora ɓar kikimnda nu̱ke kodong qu̱farang nje mbu̱ yitorang? To nu̱ shir tun ku̱me ku̱ nduki na, nggo san ndu̱ feti kodong qu̱far nu̱ke a mbu̱ yitora ɓara dong, kom to kaa na yarang feti ye wuzu̱ndi nu̱ke a mbu̱ yiti mu̱dlwang ɓar mbari.’ ”

Yokhana 13:29

Yang ma nu̱ke Yakhuda ke nu̱ du̱ngndi mu̱zhindi ɓaanda, tu̱ ɓeeni nu̱ mburindakwang taman za bai Yesu ze nda ma ku̱ ɗa masa ɗyi nu̱ke ka shiki boote su̱ ku fu̱ɗar tabarang. Kom ndu̱ bai a zu̱ran yenda za ku̱ vu̱r ɗyi nggur ye nu̱ nungndi ku.

Yokhana 5:41

Nang damta ndu̱ makhtar ɓu̱ nduk ɓa.

Yokhana 5:44

Yang ɗa, tun ka maita kikimndana nu̱ke tun a komkomi gwa makhtar chele ɓaanu, yang nun zhang vaanu ma gwa nu makhtar nu̱ka viki she Magham ɗyenda ɓa?

Yokhana 7:18

Njif nu̱ke a shoga ɗyi nu̱ke ɓaran ɓara, a shimkya gwar zhaaji she nduki. Yang njif nu̱ke a shim ku̱ njif nu̱ ɗa ru̱kki nda gwa zhaaji, chin ke nu̱ shir zhire, yang nu̱ka shi song zhire ɓa.

Tlu̱nar ɓu̱ Pudeku 10:2

Yang ɗya nu̱ sawar Magham chin ndu̱ rafti ɓaran kap. Wa ka shaata Yakhudeku nu̱ke nungndan maɗyi, wa ka shi barar ye Magham aakochi.

Tlu̱nar ɓu̱ Pudeku 10:31

Tu̱ zu̱ ya za, ‘Korneliyus Magham wa tlogha su̱ barar ndu̱ shaatar nu̱ nungndiku nu̱ke ta shiran, Magham a kwaroro ku̱men.

Tlu̱nar ɓu̱ Pudeku 10:4

Chin yang tu̱ zu̱ yiti yenda mbu̱ sawa tu̱ zu̱ za, “Zhinerem gwaanji, nu̱ma?” Tu̱ nu̱ ru̱ktang ze nda za, “Magham wa tu̱k mu̱ndi barar ndu̱ shaatar nu̱ nungndiku nu̱ke ta shiran, Magham a kwaaroro ku̱men.

Tlu̱nar ɓu̱ Pudeku 11:29

Tu̱ nu̱ mbu Yesu kwang shi sawari ku̱ shaata nda nyeezi wor nu̱ke a Yakhudiya, yang aaki ka vu̱rkya ɗyi nu̱ke du̱mbu̱r ɓaran ka ɗu̱maki.

Tlu̱nar ɓu̱ Pudeku 24:17

“Na ɗo, qu̱rse sonyi ku koɗom ta nga gaɓ nu̱ Urshalima ndu̱ shaatar ye nu̱ nungndiku chele nduki ɓanga, kom tang shi vu̱rti ye Magham tu̱k.

Tlu̱nar ɓu̱ Pudeku 9:36

Yang nu̱ mbu Yesu nggur a nje mbu̱ ghai Joppa dlu̱man za Tabita nang ke Dorka. Nokhzi nang wa shi mbarkir ye nduki tu̱ shaata nu̱ nungndi ku khang.

Romeku 12:8

Mbu̱ ɗya nu̱ par du̱mbu̱r ye nduki, ku̱ ki pa du̱mbu̱r ye nduki. Mbu̱ yang ɗya nu̱ shaatar nduki, ku̱ shi khaaran nggaran. Mbu̱ ɗya nu̱ khar ma dle guma, ku̱ vu̱r ɗyinan ma kwaaɗar nu̱ zhire. Mbu̱ yang ɗya nu̱ wuti ɗaana, ku̱ shi memu̱naran da.

1 Korintiyeku 13:3

Aa nga vu̱r ɗyin me khara ɓar kap ye nu̱ nungndiku, tang vu̱r vara ku̱ va nu̱ gha, mbu̱ nga nu̱ ndola ɓa, kap ɗyiku nang nu̱ boota nga ndu̱ aa nu̱m ɓa.

Galatiyeku 2:10

Yang tu̱k wa kor yerem ku za ku̱ mona mi ni nu̱ song ku nu̱ke a nje chele ɓaanda ɓa. Yang nang ke ɗyi nu̱ke nga kasha shiran maɗyi.

Afiseku 4:28

Ku̱ nu̱ muuru muura tun sar da tu̱k ɓa. Me ɓu̱ nang ku̱ shi tlu̱nar mbarkandi ndu̱ kharan, tu̱ ɗu̱ma gwa ɗyi nu̱ke ka shaataki nduki nu̱ke tun kha wor ɓa.

1 Tasalonikeku 2:6

Yang nyem laɓ ku̱ nduki makhta rem ɓa, nyem laɓ ku̱ makhta nu rem ɓa yang nyem laɓ she nduki nggur zum ɓa. Aa nu̱ke mbu̱ chem wa shimi, tu̱ga chem wa shi boote ndu̱ zalale nu̱ke a kha rem ye khar ɓaarem pudeku ɓu̱ Masiya. Chem tu̱k chem wa du̱ng taɗar ɓaarem nu̱ ɗyine nu,

1 Timoti 6:18

Ze wor ku̱ shi me mbarkirku, tu̱ kha gu̱naran tu̱k mbe tlu̱nar mbarkandi, ku̱ ki vu̱rtan ye nduki khar wor nggaran, nu̱ shimndi shakhti ɗyi ɓa nda ndu̱ nduki.

Filimon 1:7

Mu̱dla, nga kasha ndolar nu̱ke ta wutan maɗyi, ta pa du̱mbu̱r ya. Jiwa ta sa memu̱na nduki ɓu̱ Magham tu̱ kha shokhku̱rokh.

Yibraniyeku 13:16

Yang mona nu shir ɗyi mbarkandi ndu̱ shaatar nduki ɓa, ku̱me nang ke pooni sadke nu̱ke Magham a tu̱k mu̱ndan.

1 Biturus 4:11

Njif nu̱ke vu̱rti ɓaran ɗya nu̱ waazu, ku̱ shi waazwang wa Magham ndu̱ ɗyinan kya ɓalarang nu̱ ku̱nshe nda. Mbu̱ yang vu̱rti ɓaran ɗya nu̱ tlu̱nar ye nduku, ku̱ ki tlu̱nar nang ndu̱ du̱mbu̱r nu̱ Magham vu̱rki yenda kap. Shi ma wanang ma ku̱ vu̱r nu gorkir ye Magham nu̱ ku̱nshe Yesu Masiya. Zhaaji ndu̱ kwaaɗar ɗya ɓaran koɗokhsi ɓa. Amin.