Matta 6:19 - Mewar Alqawarang

¹⁹ “Taba nu gu̱nar ye vaanu nu̱ fan larji ye maa nu̱ke susuti ndu̱ nar loghos ka su̱bu̱rki nu̱gha ɓa, ye maa nu̱ke nu̱ muuriku ka viki tu̱ muura ɓar ɓa.

Matta 6:19 ပူးပေါင်းရင်းမြစ်များ

Matta 19:21

Tu̱ Yesu ze yenda za, “Mbu̱ ta shim kha na torop, to ɗu̱ to ɗa masa ɗyi nu̱ke a kha ɓar kap, to vu̱r mu̱zhindan ye nu̱ nungndiku, to ka gwa gu̱nar nu̱ mbu̱ viɗi. Kom to ɗa ɓa to mburi nga.”

Matta 6:20

Yang taba ma gu̱nar ye vaanu nu̱ viɗi, ye maa nu̱ke ɓu̱ na loghos ɓa yang susut ɓu̱ su̱bu̱r nu̱gha ɓa, nu̱ muuri ku tu̱k ɓu̱ vi tu̱ muura ɓar ɓa.

Luka 12:21

“Nang ke ɗyi nu̱ke ka gwaki aa nyi njif nu̱ tabaki gu̱nar ye varan yang gu̱naran she Magham ɓa.”

Luka 12:33

Masa ma ɗyin kha nu ɓara, tun vu̱r sadke ye nduki nu̱ke nungndan. Shi ma du̱ngndi nu̱ ye maa nu̱ke am ɓu̱ su̱bu̱r ɓa. Du̱ng ma gu̱narang nu̱ mbu̱ viɗi she Magham ye maa nu̱ke ɓu̱ shi woɗa ɓa, nu̱ muuru ɓu̱ gwa maa muraran ɓa, yang susut ɓu̱ gwa tu̱ su̱bu̱r nu̱gha ɓa.

Luka 12:39

Yang zu̱n ma mbu̱ke nu̱ rafa wa zu̱n za nu̱ muuru a ɓari, tu̱ga ka kha daasaran.

Luka 18:22

Nu̱ Yesu tu̱kki wanang, tu̱ ze nda za, “Ta mbu̱ɗ tun da nu̱ke no shi ɓa. Moso ɗyi nu̱ke a kha ɓar kap to vu̱r mu̱zhindan ye nu̱ nungndiku. To ka gwa du̱ngndi gu̱nar no shikyang mbu̱ viɗi. Kom to ɗa gaɓ to mburi nga.”

Luka 18:24

Nu̱ Yesu naki memu̱naran wa su̱bu̱ri tu̱ zu̱ za, “Ka shi shar maɗyi ku̱ nu̱ gu̱na vi nu̱ mbu̱ kwaaɗar ɓu̱ Magham!

1 Timoti 6:17

Zu̱ ma ye nu̱ gu̱narku nu̱ mbu̱ larji nang ku̱ kha ndu̱ gwaari ɗyin ku ɓa yang ku̱ sa memu̱na wor nu̱ ɗyin gu̱nar ɓaanda nu̱ke nu̱ka shoɓ ɓa nda ɓa. Ku̱ sakya memu̱na wor ye Magham nu̱ka vu̱rki aa nu̱m yerem kharan nggaran ma ku̱ tu̱k mi mu̱ndi.

Yibraniyeku 13:5

Shakh ma ɗyinonu ndu̱ ndolar mu̱zhin, tun gu̱n memu̱nanu ndu̱ ɗyi nu̱ke a kha nu. Wonji Magham wa zu̱ za, “Sar da ngam ɓu̱ njigto nu ɓa, alambu̱ram, ngam ɓu̱ yaɓti nu gha ɓa.”