Matta 6:13 - Mewar Alqawarang

¹³ Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Matta 6:13 ပူးပေါင်းရင်းမြစ်များ

Matta 26:41

Shi ma buuri, tun shi barar tu̱k ku̱me nggu̱ɗ nun mbu̱ buuri ɓa. Jiimba wa tlogha ya, yang man vara khukhutan.”

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Matta 5:37

Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.

Matta 6:10

kwaaɗar ɓa ta ɓa, ku̱ shimndi ɓa shi mbu̱ larji, wa nu̱ke a san mbu̱ viɗi.

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

1 Korintiyeku 10:13

Buuri nggur a nje nu̱ gwaki nu, nu̱ke za nu̱ shi ye njif nggur ɓa ɓa. Magham ɗya nu̱ zhire, ɓu̱ njig ku̱ buuro nu ndu̱ ɗyi nu̱ dukki du̱mbu̱r ɓaanu ɓa, ka qu̱n njiv ye nu, nu̱ke tun ka ɗu̱maki gu̱n memu̱na nu mban.

1 Korintiyeku 14:16

Mbu̱ wanang ɓa, to ka kuna Magham ndu̱ jiimbor ɗyenda, yang njif nu gwaki dlu̱mndan yoro yang nu̱ da mbu̱ ɗyi nu̱ke ta zu̱ranang ɓa. Ka tlogha za, “Ku̱ shi wanang” ku̱me kunar no shikyang kikimndana, nu̱ke nu̱ zu̱n ɗyi no zu̱ki ɓa?

2 Korintiyeku 1:20

Jiwa Magham nyel alqawar nu̱ shiki nu̱ ku̱nshe nda. Nang ke ɗyi nu̱ saki nu̱ ku̱nshe Masiya Yesu chem a zu̱ran za “Amin” ma gor dlu̱m Magham.

Galatiyeku 1:4

Masiya Yesu vu̱rki varan ku̱me solarku ɓaarem, ma ku̱ lawa rem mbu̱ zaman malkandi nang. Yang shi nang mbe shimndi ɓu̱ Magham Zhinerem.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

2 Tasalonikeku 3:3

Yang Zhinerem gwaanji ɗya nu̱ zhire, ka pa du̱mbu̱r ye nu, tu̱ kangga nu she Nu̱ mu̱nar nang.

1 Timoti 1:17

Bu ku̱ gorkir ndu̱ zhaaji kha Kuji Magham aakochi, chin nu̱ke nggarsi ve nda ɓa yang lauɗar su̱ ve nda ɓa, nduk nu̱ka na nda ndu̱ yiti ɓa, chin ɗyenda ke Magham! Amin.

Yibraniyeku 11:36

Tu̱ ɓeenan za maatli ɓalarku ndu̱ kurpi, tu̱ gu̱n ɓeenan gha ndu̱ yakhli, tu̱ mbuk ɓeenan nu̱ mbu̱ zhaaru̱m.

1 Biturus 5:8

Ku̱s ma vaanu ye yen, tun kha daasaran. Wonji nu̱ zhangndi ɓaanu Sheɗan a paɗari, a quri wa mu̱zamndi, a laɓ njif nu̱ke chin ka njerki nu̱ gha ma njiiran.

2 Bitu̱rus 2:9

Mbu̱ yang ɗyiku nang wanang Magham wa zu̱n ɗyi nu̱ke chin ka shiki ma ɗana nu̱ sawar nda ku mbe buuriku ɓaanda. Magham wa zu̱n ɗyi nu̱ke chin ka shiki chin njig nu̱ mu̱narku mbu̱ bonye ɓaanda kope sarchi kumari.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Ɗyin mbu̱ tukari 1:18

Nga ke Nu̱ Nyifiri! Nga mu̱ɗi, yang wonji ɗo leendang, nga nje ndu̱ nyifiri koɗokhsi ɓa aakochi, ɗye qu̱ndi ɓu̱ mu̱ɗi ndu̱ nu̱ maa khar ɓu̱ mu̱ti a nje khara.

Ɗyin mbu̱ tukari 19:1

Qu̱rse nang tang tu̱k ɗyi nggur nu̱ shipaki su̱qur du̱mbu̱rkandi nu̱ ɗa viki she tabar nduki khang mbu̱ viɗi, a zhaano ku a zu̱ran za, “Kham mi Magham! Ɗanari, ndu̱ zhaaji, ndu̱ zalale, wa kha Maghamndi ɓaarem.

Ɗyin mbu̱ tukari 19:4

Tu̱ ndukkudaandiku ɗyirap qu̱m vatndi nang nggu̱ɗ nu̱ yaghai ku su̱yen ndu̱ du̱ngdiku nu̱ nyifiri wor vatndang, tu̱ ghar ghai ye Magham ku, chin nu̱ke a nje kharan ɗyine zhakhɗyang. Tu̱ wopa ku za, “Amin! Kham mi Magham!”

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.

Ɗyin mbu̱ tukari 21:4

Ka pasha ɗyim ghoori ɓar kap mbu̱ yiti wora. Mu̱t nje tu̱k ɓa, khar yaaɓa nje ɓa, gho nje ɓa, yang bonye nje zum ɓa. Jiwa me shir ɗyiku nu̱ zhu wa peeta.”

Ɗyin mbu̱ tukari 3:10

Nu̱ke ta khutlo ɓalar ɓanga mbe gu̱ndi memu̱nar mbe kanaɗyi no shiki, ngga kangga mbe sarchi bonye nu̱ke a ɓari ɗyine larji ma buu nduki nu̱ke a mban.

Ɗyin mbu̱ tukari 3:14

“Bu̱lo ye nu̱ ru̱kti ɓu̱ tabar ɓu̱ nu̱ mbu Yesu ku nu̱ke a Laudikiya no za, Wonji ɓalar nu̱ ɗa viki she njif nu̱ka qaki nda za Amin. Chin wutki parakh zhire ɓu̱ Magham, yang Magham shi aa nu̱m kap nu̱ ku̱nshe nda.

Ɗyin mbu̱ tukari 5:13

Tang tu̱k aa nyi tun nu̱ Magham shiki mbu̱ viɗi ndu̱ vu̱ghai, ndu̱ mbu̱ vu̱ghai, ndu̱ mbu̱ gaawu gwaanji, ɗyiku nu̱ nyifiri nu̱ke a mbu̱ maaku nang kap a qa taazi ku. A zu̱ran ku za, “Ma yir she njif nu̱ke kharan ɗyine zhakhɗyang nu̱ Ye gamndang. Bu ku̱ khamndi, ndu̱ gorkiri, ndu̱ zhaaji, ndu̱ zalale, kha nda aakochi koɗokhsi ɓa!”