Matta 5:45 - Mewar Alqawarang

⁴⁵ Mbu̱ tun wa shi wanang tun ka kha ma qusonggi ɓu̱ Zhinonu nu̱ke a mbu̱ viɗi, ku̱me wa ka sa fu̱ɗar tu̱ shi yarang ɗyine nduki mbarkandi ndu̱ nduki malkandi, tu̱ vu̱r romndi ye nu̱ jeembu ndu̱ nu̱ mu̱narku.

Matta 5:45 ပူးပေါင်းရင်းမြစ်များ

Matta 5:9

Barkya ve nu̱ somtarku, ku̱me ka qa wor qusonggi ɓu̱ Magham.

Luka 6:35

Yang tunu, ndola ma nu̱ zhangndi ɓaanu, tun shi mbarkir ye wora tun vu̱r kudum ye wor aa ɓu̱ gaɓ si ɓa. Mbu̱ tun wa shi wanang, ɗye ɓi ɓaanu khang viɗi, tun ka kha ma qusonggi ɓu̱ Magham nu̱ viɗi, ku̱me wa ka shi mu̱nkir ye nu̱ mu̱narku ndu̱ nduki nu̱ song wuti kuna.

Yokhana 13:35

Nu̱ ku̱n she nang nduki kap ka zu̱n za tun nu̱ mburi nga, mbu̱ ke tun a ndola yen.”

Tlu̱nar ɓu̱ Pudeku 14:17

yang kap ndu̱ nang sar da nu̱ njig ɗyinan waare ɗye saidu ɓa. Chin ke nu̱ vu̱r romndi ye nu mbu̱ viɗi ndu̱ boote dam mbarkandi. Wa zhi mbonu ndu̱ ɗye zu̱mndi, tu̱ sa nu tun kha ndu̱ ɓong memu̱na.”

Afiseku 5:1

Nu̱ke tun wa kha ma qusonggi ɓu̱ Magham yang a shimndo nu, shi ma ɗyi nu̱ ka shikyang mbu̱ khar viti ɓaanu.

Filipiyeku 2:15

ma ku̱ kha nu waare zop, nduki nu̱ke wakaran, qusonggi ɓu̱ Magham nu̱ke chiɓir mbir ve wor ɓa. Tun a khar mbu̱ nduki galkandi nu̱ mu̱narku, yang kha ma ma yarang nu̱ke a wuti chele nduki nu̱ larji nang.

1 Yokhana 3:9

Kap njif nu̱ke ɗya yi ɓu̱ Magham ɓu̱ zu̱m guma ndu̱ sola ɓa, ku̱me ye pooni ɓu̱ Magham a nje mbe nda. Ɓu̱ ɗu̱ma zu̱m guma ndu̱ sola ɓa ku̱me wa kha ma yi ɓu̱ Magham.