Matta 5:37 - Mewar Alqawarang

³⁷ Buu ku̱ ‘I’ ɓaanu kha ma ‘I’ ndu̱ ‘O, O’ kha ma ‘O, O’ Kap ɗyi nu̱ peetaki nang a vi she Nu̱ mu̱narang.

Matta 5:37 ပူးပေါင်းရင်းမြစ်များ

Matta 13:19

Mbu̱ nduk wa tu̱k ɓalar kwaaɗarang yang nu̱ da mban ɓa, Sheɗan ka ɗa ɓa tu̱ lawa ɗyi nu̱ kaɓki nu̱ mbu̱ memu̱naranang ɓara. Nang ke pooni nu̱ nggu̱ɗki nu̱ yiti njivang.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Matta 15:19

Ku̱me kwaari malkandiku ndu̱ tlaghar mu̱ti, ndu̱ zawar mbu̱ ɓu̱rti, ndu̱ zawar ku zum zum, ndu̱ muuri, ndu̱ saidu kotame, ndu̱ khu̱ɓti nduki ka vi mbu̱ memu̱na nduku.

Matta 5:36

Yang ku̱mndana nu̱ ɗyinor zum ɓa ku̱me tom ɓu̱ ɗu̱ma gaɓ ndu̱ aa ghosi yen da ku̱ kha ma ɓong ɓa yang chit ɓa.

Matta 6:13

Njig na rem chem nggu̱t nu̱ mbu̱ sola ɓa, yang to shakh chele ɓaarem ndu̱ Nu̱ mu̱narang.’

Yokhana 17:15

Nang khuɗ ku̱ da na wor ɓar mbu̱ larji ɓa, nga shim ku̱ shakh na chele ɓaanda ndu̱ Nu̱ mu̱narang.

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Afiseku 4:25

Ku̱me nang tun shakh ɗyinonu ndu̱ kotama! Tu̱ aaki ki zu̱ zhire ye nu̱ bing ɓaran, ku̱me chem me bar ɓu̱ yen ɗo.

Afiseku 6:16

Qu̱rse nang tu̱k, ku̱ maito kha ma partu̱to ɓaanu nu̱ke tun ka daki tun yeta ghabtiku nu̱ ɓai nu̱ka viki she nu̱ Mu̱narang.

Kolosiyeku 3:9

Ku̱ shi nu wollo ye yen ɓa, nu̱ke tun wa njig ɗye shir ɓaanu nun ka shiki mbu̱r fara ndu̱ tlu̱narku ɓaran,

Kolosiyeku 4:6

Bu ku̱ ɓalar ɓaanu kha ɓu̱tokh, mu̱n ma tu̱ki, yang wa shipa zu̱n nu njiv tloghar su̱ zhamndi nu̱ke nduki ka shiki ye nu.

2 Tasalonikeku 3:3

Yang Zhinerem gwaanji ɗya nu̱ zhire, ka pa du̱mbu̱r ye nu, tu̱ kangga nu she Nu̱ mu̱nar nang.

Yaqub 5:12

Guma ndu̱ aa nu̱m kap, nyeezaku, mbu̱ tun a ma da alqawar shir tunu, sar da ku̱mnda nu ɓa. Ku̱mnda nu ndu̱ maa viɗi ɓa yang ndu̱ maa vu̱ghai ɓa, yang tu̱k ku̱mnda nu ndu̱ aa nu̱m zum ɓa. Tun ka zu̱ nun za, “I” ndu̱ “Auwo” ɗyenda, ku̱me ku̱ vi nun mbu̱ kumar ɓu̱ Magham ɓa.

1 Yokhana 2:13

Tun zhinkirku, nga bu̱laran ye nu ku̱me tun wa zu̱n chin nu̱ke a nje ji vu̱ nggarsan. Tun nyakhtlirku, nga bu̱laran ye nu ku̱me tun wa zu̱m loobo ɗyine Nu̱ mu̱nar nang. Tun qusongga, nga bu̱laran ye nu ku̱me tun wa zu̱n Zhinkirang.

1 Yokhana 3:12

Ku̱ kha nu wa Kayinu nu̱ gaɓki ma ɓu̱ Sheɗan tu̱ tlagha khachinang nu̱gha ɓa. Nu̱m saki tu̱ tlagha mu̱dlenang nu̱gha? Tlagha nda ku̱me tlu̱nar ɓaran maatlin, yang ɓu̱ khachinang mbari.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.