Matta 5:29 - Mewar Alqawarang

²⁹ Mbu̱ke yitor nu̱ zu̱ma wa ka sa ma sola to fu̱lokh to mbuk gha. Ka duk ku̱ mbu̱ɗ na me bar da ve man vaaro, ye ku̱ mbuk manva guma da nu̱ mbu̱ giɗim ɓai.

Matta 5:29 ပူးပေါင်းရင်းမြစ်များ

Matta 10:28

Tu̱k nu sawar ɓu̱ nu̱ tlaghar mu̱tiku ɓa, ku̱me ɓu̱ ɗu̱ma tlagha jiimbonu ɓa. Tu̱k ma kya sawar ɓu̱ njif nu̱ke ka ɗu̱maki tlagha man vaanu kap ndu̱ jiimbonu mbu̱ giɗim ɓai.

Matta 11:6

Barkya ve njif nu̱ maitaki nga yang nu̱ tu̱b ɓa.”

Matta 16:26

A fu̱nke boote ɓu̱ ku̱ nduk gwa larji kap, tu̱ yang mbu̱ɗ nyifi ɓarana? Nduk ka paatakya nu̱m ndu̱ nyifi ɓarana.

Matta 17:27

Kap ndu̱ wanang, ma ku̱ nduki nang shi shokhna ndu̱ chem ɓa, ɗu̱ me ɗyim chitndi to mbuk nggilingndi. To qu̱n mbu̱ me yurvi no nggaki su̱ ku̱san. To ka gwa mu̱zhindi ye vi, to vu̱r ye wora. Nang ke mu̱zhindi zhaanggal ɓanga ndu̱ ɓaaro.”

Matta 19:12

Nduki a nje nu̱ khaki wor su̱ ve wor ɓa. Nduki a nje tu̱k nu̱ke nduki shiki ye wor wanang, yang nduki a nje tu̱k nu̱ zhangki ɓu̱rti gha ku̱me ndolar kwaaɗar mbu̱ viɗi. Nu̱ dar mbu̱ ɓalar nang ku̱ da mban.”

Matta 23:15

“Tun ɗye zhiyaye Maalu̱m Taurete ku ndu̱ Pariseku, nu̱ mu̱narku! Ku̱me tun wa ka dla ɗyim chitndi, tun ɗu̱ mbu dlar ghaiku ɓakhndi ma gwa nu nduk da nu̱ nggodki. Yang mbu̱ tun wa gwa, tun wa ka gaɓ ndu̱ chin ma ye ɓai tu̱ duktonu maatli maɗyi.

Matta 23:33

“Tun su̱tiku, tun nggolar su̱ti ghu̱ɓtiku! Tun ka lawa me kumar giɗim ɓai kikimnda?

Matta 5:22

Yang nga zu̱ran ye nu, aaki shiki shokhnar nu̱ mu̱dlen ka kuma nda. Njif nu̱ qaki mu̱dlen nduk ‘Bamndi,’ ka ɗu̱ ndu̱ chin gume kumari, njif nu̱ qaki mu̱dlen za ‘Nggu̱bu̱ng’ shipakya giɗim ɓai.

Matta 5:30

Yang tu̱k, mbu̱ khaa nu̱ zu̱ma wa ka sa ma sola, ku̱rto nu̱ gha to mbuk gha ka duk ku̱ mbu̱ɗ na me bar da ve man vaaro, ye ku̱ mbuk manva guma da nu̱ ɓu̱ giɗim ɓai.

Markus 8:36

A fu̱nke boote ni mbu̱ nduk wa gwa larji kap tu̱ yang mbu̱ɗ nyifi ɓarana?

Luka 12:5

Wonji ma njif nu̱ke sawa nu nda, sawa ma Magham nu̱ke qu̱rse wa shakh nduk ndu̱ nyifi ɓaran, zalale a nje kha nda ma ku̱ mbuk nda nu̱ mbu̱ giɗim ɓai, nang ke njif nu̱ke sawa nu nda.

Romeku 6:6

Chem wa zu̱n nu̱ ɗyine wa woɗa katl ɗye shir malkandi ɓaarem gha su̱yen ndu̱ chin ɗyin qu̱far kaatlang, ma ku̱ da zalale ɓu̱ solar nu̱ke a mbu̱ vaarem nang ɓara. Shi wanang ma ku̱ kha mi ma maavi ɓu̱ sola tu̱k ɓa.

Romeku 8:13

Mbu̱ke tun a shikya ɗye shir ɓu̱ nduku, tun ka mu̱ɗi. Mbu̱ yang tun wa tlagha me ɓu̱ nduk nu̱ka shiki solarang nu̱gha, nu̱ ku̱nshe zalale ɓu̱ Jiimba, tun kha ndu̱ nyifiri.

1 Korintiyeku 9:27

Nga ru̱k vara, tang gaɓ ndu̱ chin ma maava, ku̱me ku̱ ɓa mbukti nga gha qu̱rse nga wopa Labar Mbarkandang ye nduki ɓa.

Galatiyeku 5:24

Nduki ɓu̱ Masiya Yesu wa katl ɗye shirku ɓu̱ me manva gha su̱yen ndu̱ ɗyi malkandiku zum zum nu̱ke manva a shimndan.

Kolosiyeku 3:5

Ku̱me nang tlagha ma ɗye shir nu̱ka saki shimndi ɗyiku bam bam nu̱ larji nang ɓar memu̱nanu. Wor ke, zawari, ndu̱ ɗye zop, ndu̱ melakh malkandi ndu̱ shimndi ɗyiku malkandi, ndu̱ zhiri malkandi, (nang ke ghaari ghai ye mu̱lu̱mku).