Matta 5:22 - Mewar Alqawarang

²² Yang nga zu̱ran ye nu, aaki shiki shokhnar nu̱ mu̱dlen ka kuma nda. Njif nu̱ qaki mu̱dlen nduk ‘Bamndi,’ ka ɗu̱ ndu̱ chin gume kumari, njif nu̱ qaki mu̱dlen za ‘Nggu̱bu̱ng’ shipakya giɗim ɓai.

Matta 5:22 ပူးပေါင်းရင်းမြစ်များ

Matta 10:17

“Tun ku̱r vaanu ndu̱ nduki, ku̱me ka da zhaano ɓaanu nu̱ gume nu̱ kumarku tu̱ shi kurpi ye nu mbu̱ maa tabarku ɓaanda.

Matta 10:28

Tu̱k nu sawar ɓu̱ nu̱ tlaghar mu̱tiku ɓa, ku̱me ɓu̱ ɗu̱ma tlagha jiimbonu ɓa. Tu̱k ma kya sawar ɓu̱ njif nu̱ke ka ɗu̱maki tlagha man vaanu kap ndu̱ jiimbonu mbu̱ giɗim ɓai.

Matta 12:24

Yang nu̱ Parisekwang tu̱kki wanang, tu̱ zu̱ ku za, “A komba khu̱kheetikwang ɓar ndu̱ zalale ɓu̱ Baalzabul kuji ɓu̱ khu̱kheetiku.”

Matta 17:5

A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”

Matta 18:21

Tu̱ Biturus a ɓa she Yesu tu̱ zham nda za, “Zhinerem gwaanji, sar kim mu̱dla ka shiki zop ya tang ndu̱m nu̱ ve nda? Sar mut mu?”

Matta 18:35

“Wanang tu̱k Zhinkir ɓang nu̱ kya mbu̱ viɗi ka shiki ye aaki chele ɓaanu nu̱ zhangki ndu̱mndan ye mu̱dlen gha ndu̱ memu̱naran da.”

Matta 23:15

“Tun ɗye zhiyaye Maalu̱m Taurete ku ndu̱ Pariseku, nu̱ mu̱narku! Ku̱me tun wa ka dla ɗyim chitndi, tun ɗu̱ mbu dlar ghaiku ɓakhndi ma gwa nu nduk da nu̱ nggodki. Yang mbu̱ tun wa gwa, tun wa ka gaɓ ndu̱ chin ma ye ɓai tu̱ duktonu maatli maɗyi.

Matta 23:33

“Tun su̱tiku, tun nggolar su̱ti ghu̱ɓtiku! Tun ka lawa me kumar giɗim ɓai kikimnda?

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 26:59

Tu̱ kuruku rututundi ndu̱ tabar ɓu̱ nduk kudaandang, laɓ kotame nu̱ke wor ka zu̱ki nu̱ ɗyine Yesu ma gwanda ku̱ tlagha nda.

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Matta 5:34

Yang nga zu̱ran ye nu, shi nu ku̱mnda shwat ɓa. Aa ndu̱ maa viɗi, ku̱me nang ke zhakhɗye ɓu̱ Magham.

Matta 5:44

Yang nga zu̱ran ye nu, ndolama nu̱ zhangndi ɓaanu, tun shi barar ye nduki nu̱ke a vu̱r bonye ye nu.

Markus 14:55

Tu̱ kuru rututundi kwa ndu̱ ɓeena Sankhedu̱rin laɓ saidu nu̱ke wor kaa vu̱rki ma ku̱ tlagha Yesu nu̱ gha nu̱ gwaku ɓa.

Markus 15:1

Nu̱ dumaari shiki, tu̱ kuruku rututundi ndu̱ dlegumeku, ndu̱ Maalu̱m Taurete ku, ndu̱ ɓeena nduki nu̱ke a mbu̱ tabarang shi sawari ndu̱ yen. Kom tu̱ gu̱n Yesu gha, tu̱ da nda tu̱ ɗu̱ ndu̱ chin, gume nggomna Bilatus.

Luka 12:5

Wonji ma njif nu̱ke sawa nu nda, sawa ma Magham nu̱ke qu̱rse wa shakh nduk ndu̱ nyifi ɓaran, zalale a nje kha nda ma ku̱ mbuk nda nu̱ mbu̱ giɗim ɓai, nang ke njif nu̱ke sawa nu nda.

Luka 22:66

Vi dumaaran, tu̱ tabar dlegumeku ɓu̱ nduki ndu̱ kuru rututundi, ndu̱ Maalu̱m Taurete ku vi ndu̱ Yesu gume tabar ɓaanda.

Yokhana 11:47

Tu̱ kuruku rututundi ndu̱ Parisekwang qa tabar ɓaanda. Tu̱ zham yen ku za, “Chem a shikya nu̱m ɗo? Wonji khuski nang a nje a shi ɗye saiduku khang!

Yokhana 15:25

Ɗyina shi ma ku̱ nyel ɗyi nu̱ke a nje bu̱laran mbu̱ Woparku ɓaanda za, “Wa zhangndi nga gha ku su̱ si ɓa.”

Yokhana 7:20

Tu̱ ndukyang tlogha za, “To nu̱ khu̱kheet, nu̱ ki kya shim tlagharang na?”

Yokhana 8:48

Tu̱ Yakhudekwang tlogha yenda za, “Alapa zhire ɓaarem de nyem zu̱ki nyem za to khuzi Samariya yang ta su̱yen ndu̱ khu̱kheeti tu̱kang?”

Tlu̱nar ɓu̱ Pudeku 17:18

Wanang tu̱k, tu̱ Abikuriyeku ndu̱ Su̱tokiyeku nu̱ shiki zu̱ndi shi keele ndu̱ chin. Tu̱ ɓeenan chele ɓaanda zu̱ za, “Woɗye nu̱ khang ɓalar nang a zu̱kya nu̱ma?” Ɓeenan za, “Ba wa a shikya waazu ɓu̱ pooni maghamndiku nggur zum nu̱ke a nje khaarem fan ɓa.” Zu̱ wanang ku ku̱me Bulus a zu̱kya Labar Mbarkandi ɓu̱ Yesu, ndu̱ jiiri mbe mu̱ti.

Tlu̱nar ɓu̱ Pudeku 22:30

Vi dumaaran gorkirang a shim zu̱n ɗyi nu̱ saki tu̱ Yakhudekwang da zhaano ɓu̱ Bulus. Tu̱ kwaatli nda nu̱ gha, tu̱ qa kuru rututundi ku ndu̱ nduki nu̱ kya mbu̱ tabar dle gume ɓu̱ Yakhudekwang tu̱ taba ku. Kom tu̱ ɗa ɓa ndu̱ Bulus tu̱ ching nda gha gume wora.

Tlu̱nar ɓu̱ Pudeku 23:1

Tu̱ Bulus nggu̱t tabar dle gumekwang njang tu̱ zu̱ za, “Nyeezaku, ma ɓar meeni damta nje mbu̱ memu̱nara ɓa. Yang kwaari ɓang mbarkandi nu̱ wut ya za nga shi ɗyi galkandi nu̱ke ka viki nu̱ chele ɓang ndu̱ Magham ɓa.”

Tlu̱nar ɓu̱ Pudeku 24:20

Mbu̱ wanang ɓa, ku̱ nduki nang zu̱ zop nu̱ gwaki nga si sarchi nu̱ ɗu̱ki ndu̱ nga gume tabar dle gume ɓu̱ Yakhudekwang.

Tlu̱nar ɓu̱ Pudeku 4:15

Tu̱ ze Pudekwang za ku̱ vi ɓar gume tabar ɓu̱ dle gume ɓu̱ Yakhudeku. Tu̱ shi sawari ku chele ɓaanda.

Tlu̱nar ɓu̱ Pudeku 5:21

Nu̱ dumaari ɗau tu̱ vi ku nu̱ mbu̱ rafti ɓu̱ Magham tu̱ ki shogar ye nduki. Yang nu̱ gorkir ɓu̱ kuruku ndu̱ nduki ɓaranku tabaki tu̱ qa dlegumeku ɓu̱ Israila ndu̱ nduki nu̱ke a mbu̱ tabar ɓaanda kap, tu̱ ru̱k nu̱ zhaaru̱m ma ku̱ ɗa ɓa ndu̱ Pudekwang.

Tlu̱nar ɓu̱ Pudeku 5:27

Na ɓa ki ndu̱ wor tu̱ sa za ku̱ ching gha ku gume tabar ɓu̱ dlegumeku ɓu̱ Yakhudekwang ma ku̱ gorkir ɓu̱ kurukwang shi zhamndi ye wora.

Tlu̱nar ɓu̱ Pudeku 6:12

Nu̱ zu̱ki ku wanang, tu̱ khangkal ɓu̱ ndukiku ndu̱ dlegumeku ndu̱ maalu̱m taurete kwang gu̱r nu̱ viɗi, tu̱ ku̱s Istafanus ku ta ɓa ndu̱ chin gume tabar dle gume ɓu̱ Yakhudekwang.

Tlu̱nar ɓu̱ Pudeku 6:15

Yang kap nduki nu̱ khaki gha ye maa tabar dle gume ɓu̱ Yakhudekwang tu̱ zu̱ yiti yenda ku njang, tu̱ yang na mbu̱ yitanang wa nggoɗ ba wa ɓu̱ nu̱ ru̱kti ɓu̱ Magham.

Tlu̱nar ɓu̱ Pudeku 7:37

“Ba chin Musa nang zu̱ki ye Israila za, ‘Magham ka ɗa ru̱k annabi nggur ye nu chele nduki ɓaanu, ba wa nu̱ ɗa ru̱kki nga.’

Romeku 12:10

Tun tu̱k khaati ɓu̱ yen ndu̱ pooni ndolar ɓu̱ nu̱ mbu Yesu ku. Tun vu̱r zhaaji ye njif nggur tu̱ duk nu̱ke tun ka vu̱rki ye vaanu.

1 Korintiyeku 6:10

Nu̱ muuri ku, ndu̱ nu̱ khape ku, ndu̱ nu̱ me kuyar ku, ndu̱ nu̱ gu̱ndi virkir ku, ndu̱ nu̱ batal ku nu̱ke ka viki nu̱ mbu̱ kwaaɗar ɓu̱ Magham ɓa.

1 Korintiyeku 6:6

Yang me ɓu̱ nang, tu̱ nu̱ mbu Yesu ka da zhaano ɓu̱ mu̱dlen nu̱ gume kumari she nduki nu̱ke ɗya nu̱ mbu Yesu ku ɓa!

1 Tasalonikeku 4:6

Ku̱ aaki taɓa mbu̱ mu̱dlen ɓa yang ku̱ wut me ghu̱rti ye mu̱dlen mbe ɗyinang ɓa, ku̱me Magham ka kuma pooni ɗyiku nang ɗo, ba wa nyem zu̱ki ye nu gumapaali, chem dut dlu̱mndo nang tu̱k.

Titus 3:2

Ku̱ zu̱ ɓalar malkandi nu̱ ve aaki ɓa, ku̱ shi khar ɓaanda mbe qaandi memu̱na, ku̱ kha ku ndu̱ kadu̱ri ku̱ kha ma nu̱ ɗu̱bar memu̱nar nduki.

Yibraniyeku 12:25

Ku̱r ma vaanu ɗo zhang nu njif nu̱ke a ɓalarang gha ɓa. Zu̱n man gha nu̱ ɗyine, mbu̱ nduki nu̱ zhangki nduki nu̱ wuki wor mbu̱ larji nang nu̱ lawa ku ɓa, chem ɗa! Chem ka lawa mbu̱ khar njif nu̱ke a wurerem mbu̱ viɗi kikimndana?

Yibraniyeku 5:9

Ma nu̱ khaki nyeedlan, tu̱ kha ma dlu̱dlarsi ɗanar nu̱ke woɗa su̱ ɓa ye nduki nu̱ke a mbu su̱quran kap.

Yaqub 2:20

To nggu̱bu̱ng! Ta shim ku̱ zu̱ nga ɗyi nu̱ saki tu̱ maito waare tlu̱na kha boota si ɓa ndang mu?

Yaqub 3:6

Ai, ghiindi nduk ɗya ɓai, nyeedlan ndu̱ tlu̱nar malkandi mbu̱ man vaarem! Ka su̱bu̱r nduk nu̱gha guma da. Ghin ka su̱bu̱r nduk ve njiv khar viti ɓaran kap. Yang giɗim ɓai ke nu̱ shiɓti nda.

1 Biturus 2:23

Sarchi nu̱ nduki pu̱zki nda, nu̱ nggam ye wor ɓa; Sarchi nu̱ zaki bonye, nu̱ zu̱ za chin ka dli gaɗe ni ɓa. Wa dla varan nu̱ ve Magham nu̱ kumar zhire.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

1 Yokhana 2:9

Njif nu̱ zu̱ki za chin a mbu̱ yarang, yang a zhang mu̱dlen, a mbu̱ zhum ma ɓar meeni.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.

1 Yokhana 5:16

Mbu̱ njif nggur wa na mu̱dlen a solar nu̱ke nu̱ khu̱l ye mu̱ti ɓa, ku̱ njif nang shi barar ye njif nu̱ke a solarang. Magham ka vu̱r nyifi ye nu̱ solar nang ku̱me barar nang. Nga ɓalar nang ye nduki nu̱ke solar ɓaanda nu̱ khu̱l ye mu̱ti ɓa, solar a nje nu̱ka khu̱lki ye mu̱ti, nang zu̱ nga za ku̱ nduk shi barar ye pooni nang ɓa.

Yakhuda 1:9

Yang aa Makel, gorkir ɓu̱ nu̱ ru̱ktiku ɓu̱ Magham nu̱ shi pooni ɗyi nang ɓa. Ye sarchi nu̱ keele gangki chele ɓaran ndu̱ Sheɗan, a dakhlar ku ɗyine man var Musa nu̱ mu̱tki, nu̱ Makel ɓu̱tl memu̱naran tu̱ pu̱zi nda tu̱ shi maatli ɓalar yenda ɓa. Zu̱ ba za, “Ku̱ Zhinkir gwaanji wuro ro!”

Ɗyin mbu̱ tukari 20:14

Kom tu̱ mbuk Mu̱ɗi ndu̱ ye maa khar ɓu̱ mu̱tiku nu̱ mbu̱ giɗim ɓai. Giɗim ɓai nang ke, mu̱ti nu̱ rap.