Matta 5:19 - Mewar Alqawarang

¹⁹ Ku̱me nang kap njif nu̱ke nu̱ khutlo da chele woparku na ɓa, aa me koɗomme ni, tu̱ yang shoga ye nduki ku̱ shi wa nyin shikyang, ka qa nda njif nu̱ dukki katar mbu̱ kwaaɗar viɗi. Yang aaki khutloki, tu̱ yang shoga ye nduki, ka qa nda nduk gori mbu̱ kwaaɗar ɓu̱ Magham.

Matta 5:19 ပူးပေါင်းရင်းမြစ်များ

Matta 11:11

Zhire ngaa zu̱ran ye nu, mbu̱ nduki nu̱ man wor shulki gha tu̱ kha wor kap, nduka nje wa Yokhana nu̱ Baptisma ɓa. Yang tu̱k njif nu̱ dukki koɗomme mbu̱ kwaaɗar ɓu̱ Magham wa duk Yokhana nu̱ Baptisma gwaari.

Matta 19:28

Tu̱ Yesu ze wor za, “Zhire nga zu̱ran ye nu, mbu̱ qaandi virkir nu̱ke a ɓari, sarchi nu̱ Yi ɓu̱ Nduk khaki nu̱ ɗyine zhakhɗye ɓaran nu̱ zhaaji. Tun nun mbuki nga tun ka khan ɗyine zhakhɗye gwaanggu̱m rap tun kuma me ghai gwaanggu̱m rapndi ɓu̱ Israila.

Matta 20:26

Yang ku̱ kha wanang chele ɓaanu ɓa. Kap njif nu̱ke a shim kha ma gorkir ɓaanu, wa ku̱s ku̱ kha ma maavi ɓaanu.

Matta 28:20

Tun a shoga ye wor ku̱ khutlo kap ɗyi nang zu̱ki ye nu. Zu̱n ma nga nje su̱yen ndu̱ tunu ma yir lauɗarsi qaandi virkiri.”

Luka 1:15

Ku̱me ka kha ma nduk gori she Magham, yang ɓu̱ za ɗyema ndu̱ aa nyi ɗyi nu̱ka kuyaki nduk ɓa. Ka nyel nda ndu̱ Jiimbi shakhshakhndi me ku̱ kha nda.

Luka 11:42

“Tun Pariseku tun a khar ɗye zhiyaye, ku̱me tun wa ka fed zake ɓu̱ aa nyi ɗyi koɗommandi ɓaanu wa ɗu̱khti kimbili ndu̱ dlu̱mndi ginu kap. Yang tun wa zhang shir zhire ndu̱ ndolar ɓu̱ Magham gha aa nu̱ke vu̱rti zaka mbari. Yang nu̱ shipa njig nu̱ tlu̱na ɓeenan kwa ɓa.

Luka 9:48

za, “Aaki dlu̱ki woi koɗommandi nang ku̱me nga, dlu̱kyang nga, njif nu̱ dlu̱ki nga, dlu̱kyang njif nu̱ ɗa ru̱kki nga. Kap njif nu̱ dukki ndu̱ katari chele ɓaanu, chin ke gorkir ɓaanu kap.”

Tlu̱nar ɓu̱ Pudeku 1:1

Tiyofilus, mbu̱ lagarkati ɓang nu̱ gumang, nga shi bu̱lar yoro ɗyine ɗyiku nu̱ Yesu nggaki su̱ shiran kap kom ndu̱ ɗyiku nu̱ nggaki su̱ shogaran ɓara,

Romeku 3:8

Mbu̱ wanang, nu̱m saki chem ɓu̱ zu̱m guma ndu̱ solar ma ku̱ ɗyi mbarkandang vi mban ɓa? Nduki nggur nu̱ka shiki maatli ɓalar nu̱ ɗyine rem a zu̱ran ku za chem wa zu̱ wanang nggwa. Yang ka gwa kumar nu̱ shipaki wora.

Romeku 6:1

Nang chem ka zu̱ nyem za nu̱m ɗo? Zu̱m mi guma ndu̱ sola ma ku̱ mu̱nkir ɓu̱ Magham shaata mu?

Romeku 6:15

Yang nang mban za kim ɗo? Chem ka zu̱m guma ndu̱ solari ku̱me chem a mbu̱ bu̱n Bibitang ɓa, chem a mbu̱ bu̱n mu̱nkir ɓu̱ Magham mu? Auwo! Chem ɓu̱ shi wanang sar da ɓa!

1 Timoti 6:11

Yang to njif ɓu̱ Magham, shokh ɗyinor ndu̱ ɗyiku nang, to sa ɗyinor ma laɓ ɗyi toropndi, ndu̱ khar viti nu̱ke Magham a shimndan, ndu̱ maito ndu̱ ndola, ndu̱ sar memu̱na mbe kaɗanyi, ndu̱ ɗu̱bar memu̱na.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

1 Yokhana 3:4

Nu̱ shir sola kap ɗya nu̱ zhangndi mbu bibiti. Wanang shwat, sola ɗya zhangndi mbu bibiti ɓu̱ Magham gha.

Ɗyin mbu̱ tukari 2:20

Yang kap ndu̱ nang wonji ɗyi nu̱ke a nje khara ɗyinoro: ta khar kaɗanyi ndu̱ Jezebel nokhzi nu̱ka qaki varan za chin a mbu̱ annabi. Nu̱ ku̱nshe shogar ɓaran a zala pudeku ɓanga tu̱ ku̱s zawarku ndu̱ zu̱mndi ɗye zu̱mndi nu̱ shiki sadke su̱ ye mu̱lu̱mku.