Matta 5:18 - Mewar Alqawarang

¹⁸ Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Matta 5:18 ပူးပေါင်းရင်းမြစ်များ

Matta 10:15

Zhire nga zu̱ran ye nu, fu̱ɗar wuri, ka duk ndu̱ tu̱kti zhiyaye ɓu̱ Sodom ndu̱ Gomora ye nduki nu̱ mbu̱ ghai nang.

Matta 10:23

Mbu̱ wa vu̱r bonye ye nu mbu̱ ghai nang, tun ɗan mbu̱ ghai nu̱ke a guma. Ngaa zu̱ zhire ye nu, me ku̱ baara nu ɗyin ghaiku nu̱ Israila kap Yi ɓu̱ nduk kaɗa gaɓi.

Matta 10:42

Aaki vu̱rki aa ɗyim zar ndolndolndi mbu̱ ye ɗyekhti da ye qusonggi nang ku̱me ɗya nu̱ mburi nga ku, nga zu̱ zhire ye nu, ɓu̱ mbu̱ɗ barke ni shwat ɓa.”

Matta 11:11

Zhire ngaa zu̱ran ye nu, mbu̱ nduki nu̱ man wor shulki gha tu̱ kha wor kap, nduka nje wa Yokhana nu̱ Baptisma ɓa. Yang tu̱k njif nu̱ dukki koɗomme mbu̱ kwaaɗar ɓu̱ Magham wa duk Yokhana nu̱ Baptisma gwaari.

Matta 13:17

Zhire Nga zu̱ran ye nu, annabiku ndu̱ nu̱ dambi ku khang wa shim na ɗyi nun nakyang yang nu̱ na ku ɓa, tu̱ shim tu̱k ɗyi nun tu̱kkyang, yang nu̱ tu̱k ku ɓa.

Matta 16:28

Zhire nga zu̱ran ye nu, ɓeena nduki a nje ku fan chingndan nu̱ke ɓu̱ mu̱ɗku ɓa, kope wa na ɓar ɓu̱ Yi ɓu̱ Nduk mbu̱ kwaaɗar ɓaran.”

Matta 17:20

Yang tu̱ Yesu tlogha ye wor za, “Ku̱me maito ɓaanu wa shi koɗomma. Zhire ngaa zu̱ran ye nu, mbu̱ maito khanu nu̱ khu̱lki ye pooni mastad, aa nu̱ke chin dukki aa nyi ye pooni koɗomme, tun ka ɗu̱ma zu̱ran ye dleng nang ku̱ ji ɓar fan ma yir fara, yang ka ji. Tun a nje ka ku̱naki nu ɓa.”

Matta 18:18

“Zhire nga zu̱ran ye nu, kap ɗyi nun gu̱nki gha fan larji ka gu̱n nu̱ gha far mbu̱ viɗi. Kap ɗyi nun kolki nu̱ gha fan mbu̱ larji tu̱k, ka kol nu̱gha far mbu̱ viɗi.

Matta 18:3

Tu̱ zu̱ za, “Ngaa zu̱ zhire ye nu, mbu̱ nun nggoɗ tun kha wa qusonggi pichichi ɓa, sar da tun ɓu̱ vi nu̱ mbu̱ kwaaɗar ɓu̱ Magham ɓa.

Matta 19:23

Tu̱ Yesu ze nu̱ mburi nda kwang za, “Zhire ngaa zu̱ran ye nu, ka shi shar ku̱ nu̱ gu̱na vi nu̱ mbu̱ kwaaɗar mbu̱ viɗi.

Matta 19:28

Tu̱ Yesu ze wor za, “Zhire nga zu̱ran ye nu, mbu̱ qaandi virkir nu̱ke a ɓari, sarchi nu̱ Yi ɓu̱ Nduk khaki nu̱ ɗyine zhakhɗye ɓaran nu̱ zhaaji. Tun nun mbuki nga tun ka khan ɗyine zhakhɗye gwaanggu̱m rap tun kuma me ghai gwaanggu̱m rapndi ɓu̱ Israila.

Matta 21:21

Tu̱ Yesu tlogha ye wor za, “Zhire nga zu̱ran ye nu, mbu̱ maito kha nu, yang nu̱ memu̱nanu zhang ye nu ɓa, tun ka ɗu̱ma shi ɗyi dukki ɗyi nang shiki ye qu̱far sugar nang. Aa tun ka zu̱kya ye dleng nang nun za, ‘Ju to nggu̱ɗ nu̱ mbu̱ ɗyim chitndi,’ ka shi.

Matta 21:31

“Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.

Matta 23:36

Zhire nga zu̱ran ye nu, kap ɗyiku nang ka gwa nduki nu̱ qaandi virkir meeni.

Matta 24:2

Tu̱ Yesu ze wor za, “Tun a na du̱ndiku nang kap? Zhire ngaa zu̱ran ye nu, ndooga nje aa da nu̱ke ka ɓa njigki nu̱ ɗyine yen ɓa. Ka gu̱ɗan gha ru̱m.”

Matta 24:47

Zhire nga zu̱ran ye nu, ka vu̱r nggu̱ti ɗyiku ɓaran kap nu̱ mbu̱ khar maavi nang.

Matta 25:12

“Tu̱ nu̱ zhin ɓu̱rtang yang tlogha ye wor za, ‘Zhire nga zu̱ran ye nu, nang zu̱ndo nu ɓa.’

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Matta 25:45

“Kom ka tlogha ye wor za, ‘Zhire nga zu̱ran ye nu, ma nu̱ke nun shi ye da chele nyeeza katakandi nang ɓa, nun shi ya ɓa.’

Matta 5:26

Zhire nga zu̱ran yoro ɓu̱ feetor nu̱ dam ɓa kope ta ɓi mu̱zhindi nu̱ke a mburor kap.

Matta 6:16

“Mbu̱ tun a zhumti, khanu ndu̱ mbu̱ yitonu zhum wa nu̱ke nu̱ mu̱narkwang ka shiki ɓa. Wa ka su̱bu̱r mbu̱ yiti wor nu̱gha ma ku̱ nduki zu̱n za wora zhumti. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 6:2

“Ku̱me nang, mbu̱ tun a ma vu̱r tunu ye nu̱ song, ki nu khang ɓala ɗyinan ɓa, ba wa nu̱ke nu̱ mu̱narkwang ka shiki mbu̱ maa tabar ɓaanda, ndu̱ yiti njiv ku ma ku̱ nduki makhta wora. Zhire nga zu̱ran ye nu wa woɗa dlu̱ ɗye ɓi ɓaanda.

Matta 8:10

Nu̱ Yesu tu̱kki ɓalar nang, tu̱ shi lazham, tu̱ ze nduki nu̱ke a mbu gaanje nda za, “Zhire ngaa zu̱ran ye nu, sar da aa mbu̱ Israila nang gwa nu̱ maito du̱mbu̱rkandi wanang ɓa.

Markus 10:15

Ngaa zu̱ zhire ye nu, kap njif nu̱ke nu̱ dlu̱ kwaaɗar ɓu̱ Magham wa qusonggi pichichindi ɓa ɓu̱ vi nu̱ mban ɓa.”

Markus 10:29

Tu̱ Yesu zu̱ za, “Zhire ngaa zu̱ran ye nu, kap njif nu̱ njigki aa rafti ɓaran, aa khachinkirku ɓaran. Aa zhinkir ɓaran, aa mankir ɓaran, aa nokhzan, aa qusonggi ɓaran, aa damku ɓaran ku̱me nga ndu̱ labar mbarkandang.

Markus 11:23

Ku̱me zhire ngaa zu̱ran ye nu, aaki zu̱ki ye dleng na za, ‘Ɓu̱ɗu, to ɗa nggu̱ɗ nu̱ mbu̱ ɗyim chitndi.’ Yang song maito a nje mbu̱ memu̱naran ɓa, ku̱me wa maita za ɗyi nyin zu̱kyang ka ɗaatli, ka gwa ɗyi nu̱ zu̱kyang.

Markus 12:43

Tu̱ Yesu qa nu̱ mburi nda kwang, tu̱ ze wor za, “Zhire, nga zu̱ran ye nu, ku̱du̱w nokhzi nu̱ nungndi nang wa sa ɗyi nu̱ dukki ɓu̱ aa nyi nduk nu̱ saki mu̱zhindi ɓaran nu̱ mbu̱ du̱ɓ zakyang.

Markus 13:30

Zhire nga zu̱ran ye nu, nduki nu̱ qaandi virkir nu̱ naki ɗyikunang, ɓu̱ mu̱ɗ ku ɓa kope ɗyikunang wa nyel kap.

Markus 14:18

A mbu̱ zu̱mndi ɗye zu̱mnda ku tu̱ Yesu zu̱ za, “Zhire nga zu̱ran ye nu, nduk da chele ɓaanu nu̱ke chem a zu̱m ɗye zu̱mndi nang su̱yen ndu̱ chin a ma masa nga ɓara.”

Markus 14:25

Zhire nga zu̱ran ye nu, nga ma za ɗyim ye qu̱far anap tu̱k ɓa kope fu̱ɗar nu̱ke ngga zaki mewakandi mbu̱ kwaaɗar ɓu̱ Magham.

Markus 14:30

Tu̱ Yesu ze nda za, “Zhire nga zu̱ran yoro, ba meeni mbu̱ virkir nang, to ka keela zu̱ndi nga sar kunung me ku̱ koogurokh shi mbari sar rap.”

Markus 14:9

Zhire ngaa zu̱ran ye nu, kap ye maa nu̱ke a ma wopa labar mbarkandi nang mbu̱ larji, nduki ka zu̱ ɗyi nu̱ nokhzi nang shiki ma kwaari nda.

Markus 3:28

Zhire ngaa zu̱ran ye nu, ka yaapa aa nyi sola ndu̱ ɓalar ndu̱mndi nu̱ nduki shiki ye Magham.

Markus 6:11

Kap ye maa nu̱ zhangki dlu̱ronu tu̱ zhang tu̱k ɓalar ɓaanu gha, sarchi nu̱ke tun a ma viri ɓar mbu̱ ghayang, tun mba kalau mbu̱ saaronu nu̱ gha ma ku kha ma saidu ɗyine wora. Zhire ngaa zu̱ran ye nu, fu̱ɗar wuri, Sodom ndu̱ Gomora kaa duk ndu̱ gwa longguma ye ghai nang.”

Markus 8:12

Tu̱ Yesu shi ghu̱lu̱pti maɗyi dong kom tu̱ ze wor za, “Nu̱m saki tu̱ nduki nu̱ qaandi virkir nang ki gang ɗye saidu shoɗa? Zhire nga zu̱ran ye nu, a ma wut ɗye saidu nggur ye nduki nu̱ qaandi virkir nang ɓa.”

Markus 9:1

Tu̱ ze wor tu̱k za, “Zhire nga zu̱ran ye nu, ɓeena nduki a nje chingndan fan nu̱ke ɓu̱ mu̱t ku dong ɓa kope wa na kwaaɗar ɓu̱ Magham ndu̱ zalale.”

Markus 9:41

Zhire ngaa zu̱ran ye nu aaki vu̱rki ɗyim zar ye nu, aa mbu̱ ɗyekhti da mbu̱ dlu̱ma, ku̱me tun nduki ɓu̱ Masiya, ɓu̱ laada gwa barke nu̱ ɓa.”

Luka 11:51

Jiiri ɗyine tom ɓu̱ Khabila nu̱ mbu̱ɗki ma yir ɗyine tom ɓu̱ Zakariya nu̱ tlaghaki nda chele du̱ku̱l ndu̱ maa Shakhshakhndi mbu̱ rafti ɓu̱ Maghamang. Wanang, ngaa zu̱ran ye nu, kumara nje ɗyine nduki nu̱ qaandi virkir meeni ku̱me ɗyiku nang.

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 13:35

Wonji wa ngga rafti ɓaanu gha ye nu karangan ɗo. Nga zu̱ran ye nu, tun ɓu̱ na nga tu̱k ɓa kope fu̱ɗar nu̱ke tun ka zu̱ki nun za, ‘Njif nu̱ke a ɓar mbu̱ dlu̱m Zhinkir gwaanji ɗya nu̱ barka.’ ”

Luka 16:17

Yang ka duk ndu̱ ndolndoli ku̱ maa viɗi ndu̱ maa vu̱ghai su̱ya ye ku̱ mbillir mbe bu̱lar wopar ɓalarang pasha.

Luka 18:17

Zhire nga zu̱ran ye nu, kap njif nu̱ke nu̱ vu̱r ɗyinan tu̱ dlu̱ kwaaɗar ɓu̱ Magham wa woi koɗomma ɓa, sar da ɓu̱ vi nu̱ mbu̱ kwaaɗarang ɓa.”

Luka 18:29

Tu̱ Yesu ze wor za, “Nga zu̱ zhire ye nu, nduk a nje nu̱ke ka njigki rafti ɓaran, aa nokhzan, aa khachinkirku ɓaran, aa man ndu̱ zhin, aa qusonggi ɓaran ku̱me kwaaɗar ɓu̱ Magham.

Luka 23:43

Tu̱ Yesu tlogha yenda za, “Zhire, nga zu̱ran yoro, ba meeni nang, to ka khan su̱yen ndu̱ nga zhena.”

Luka 4:24

Kom yang za, “Zhire ngaa zu̱ran ye nu, nduk nu̱ka kasha annabi ɓu̱ Magham mbu̱ ghai ɓaran ɓa.

Yokhana 1:51

Tu̱ Yesu zu̱ za, “Zhire nga zu̱ran ye nu tun ka na maa viɗi qu̱ndan, ndu̱ nu̱ ru̱ktiku ɓu̱ Magham a dlar ku, a shurti ku ɗyine Yi ɓu̱ Nduku.”

Yokhana 10:1

“Zhire nga zu̱ran ye nu, kap njif nu̱ke nu̱ vi nu̱ she ndu̱ɓangku ve me viri ɓa, tu̱ yang dla ye maa nggur zu̱m, ɗya nu̱ muuru, ndu̱ nu̱ yetar njiv tu̱k.

Yokhana 10:7

Ku̱me nang tu̱ Yesu ze wor tu̱k za, “Zhire nga zu̱ran ye nu, nga ke me vi ɓu̱ ndu̱ɓangkwang.

Yokhana 12:24

Zhire, nga zu̱ran ye nu, mbu̱ nun kaɓ ye pooni tu̱ mu̱tl ɓa, ka kha ba chin ɗyenda. Yang mbu̱ wa mu̱tli wa ka vu̱r ye pooniku khang.

Yokhana 13:16

Nga zu̱kya ba zhire ye nu, maava nu̱ka duk nu̱ rafti ɓaran ɓa, nu̱ ru̱k nu̱ka duk njif nu ru̱kki nda ɓa.

Yokhana 13:38

Tu̱ Yesu tlogha za, “Alapa to ka vu̱r nyifi ɓa ɓar ku̱me nga? Zhire, nga zu̱ran yoro, me ku̱ koogurokh shi mbaari, to ka keela no za no zu̱ndi nga ɓa sar kunung.”

Yokhana 14:12

Zhire nga zu̱ran ye nu, kap njif nu̱ maitaki nga, ka shi tlu̱nar nang shiki. Ka shi tlu̱nar nu̱ dukki nu̱kunang, ku̱me nga yir she Zhinkirang.

Yokhana 16:20

Zhire, nga zu̱ran ye nu, tun ka shi ghoori ndu̱ chiti mbu yang larji ka kasha. Tun ka na chiti mbu, yang chiti mbi ɓaanu ka gaɓ ma ɓong memu̱na.

Yokhana 16:23

Ye fu̱ɗar na ndang tun ɓu̱ khuti nga aa nu̱m ɓa. Zhire nga zu̱ran ye nu, Zhinkirang ka vu̱r ɗyi nun khuɗki mbu̱ dlu̱ma ye nu kap.

Yokhana 21:18

Zhire, nga zu̱ran yoro, sarchi nu̱ke to nyakhtli, ta ka sa lukti to ɗu̱ ye maa nu̱ke ta shimndan kap. Yang mbu̱ ta geema to ka vu̱r kha ye njif nggur tu̱ sa lukti yoro. Tu̱ ɗu̱ ndu̱ to ye maa nu̱ke ta shim yir si ɓa.”

Yokhana 3:11

Zhire, zhire, nga zu̱ran yoro, chem a zu̱kya ɗyi nyem zu̱nki, chem saida ɗyi nyem naki, yang nun dlu̱ saidu ɓaaremang ɓa.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Yokhana 5:19

Tu̱ Yesu tlogha ye wor za, “Zhire nga zu̱ran ye nu, Woyang nu̱ka shi aa nyi tun me ɗyinan ɓa, kope ɗyi nu̱ naki Zhin a shiran. Ku̱me nang, ɗyi nu̱ke Zhin a shiran, nang ke ɗyi nu̱ke Woyang a shiran.

Yokhana 6:26

Tu̱ Yesu tlogha ye wor za, “Zhire, nga zu̱ran ye nu, tun a kaala nga ku̱me tun wa nji ɓurti tolirang tu̱ mbonu zhi, nun kaala nga ku̱me ɗye saidu nang shikya ɓa.

Yokhana 6:32

Kom tu̱ Yesu tlogha ye wor za, “Zhire, nga zu̱ran ye nu, ɗya Musa vu̱rki ɗye zu̱mndi na shurki viɗang ye wor ɓa, Zhinkir ɓang ke nu̱ vu̱rti ɗye zu̱mndi yelndi na viki viɗi.

Yokhana 6:47

Zhire, nga zu̱ran ye nu, aaki maitaki wa gwa nyifi nu̱ke ɓu̱ shi woɗa ɓa.

Yokhana 6:53

Tu̱ Yesu ze wor za, “Zhire, nga zu̱ran ye nu, mbu̱ nun nji dlu ɓu̱ Yi ɓu̱ nduk tun za tom ɓaran ɓa, nyifi nje mbe nu ɓa ɗo.

Yokhana 8:34

Tu̱ Yesu zu̱ ye wor za, “Zhire, nga zu̱ran ye nu, kap nu̱ sola ɗya maavi ɓu̱ sola.

Yokhana 8:51

Zhire, nga zu̱ran ye nu, kap njif nu̱ khutloki shogar ɓanga ɓu̱ mu̱t shwat ɓa.”

Yokhana 8:58

Tu̱ Yesu ze wor za, “Zhire nga zu̱ran ye nu, me ku̱ kha Yibram nga nje.”

1 Biturus 1:25

yang ɓalar ɓu̱ Magham a nje aakochi koɗokh si ɓa.” Ɓalar nang chin ke Labar mbarkandi nu̱ shiki waazu ni ye nu.

Ɗyin mbu̱ tukari 20:11

Kom tang na zhakhɗye nggur gwaanji ɓong, ndu̱ njif nggur kharan ɗyinan. Tu̱ maa vu̱ghai ndu̱ maa viɗi ɗa ɓar gume nda, ku̱me maa nje ku̱me wor ɓa.