Matta 5:11 - Mewar Alqawarang

¹¹ “Barkya ve nu, sarchi nu̱ nduki pu̱zki nu, tu̱ vu̱r bonye ye nu tu̱ kota aa nyi pooni ɗyi malkandi nu̱ ɗyine nu ku̱me nga.

Matta 5:11 ပူးပေါင်းရင်းမြစ်များ

Matta 10:18

Ku̱me nga, ka ɗu̱ ndu̱ tun gume dlegumeku ndu̱ kujiku, ma ku̱ wopa nu Labar Mbarkandang gume wora ndu̱ gume ku̱rjiku.

Matta 10:22

Nduki kap ka zhangndonu ku̱me nga, yang njif nu̱ kanaɗaki ma khu̱dli ye lauɗar san ka ɗana.

Matta 10:25

Aa nu̱ke nu̱ dlu̱r shoga ka ɗu̱ma khar wa Maalu̱m ɓaran, tu̱ maava kha wa nu̱ rafti ɓaran. Yang ma nu̱ke wa qa nu̱ raftang za Baalzabul, ka qa ndukiku ɓaran za nu̱ma?

Matta 10:39

Njif nu̱ shimki nyifi ɓaran, ka mbu̱ɗi. Yang njif nu̱ mbu̱ɗki nyifi ɓaran ku̱me nga, ka gwa.

Matta 19:29

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Matta 24:9

“Kom ka vu̱rto nu ɓara, tu̱ vu̱r bonye ye nu, tu̱ tlagha nu. Ndukiku kap ka zhangndonu ku̱me nga.

Matta 27:39

Tu̱ nduki nu̱ke a peetari ki pu̱zi nda a yakhta ɗyin wora,

Markus 13:13

Aaki kaa zhangndonu ku̱me dlu̱ma. Yang kap njif nu̱ shiki kaɗanyi ma yir ve lauɗaran, kaa ɗanaki.

Markus 13:9

Tun ku̱r vaanu, ku̱me kaa ɗu̱ ndu̱ tun gume kumari, ndu̱ gume maa tabar ɓaanda tu̱ shi dlabti ye nu. Kaa ɗu̱ ndu̱ tun gume gorkirku ɓaanda ndu̱ kujiku ɓaanda, ku̱me Nga, yang tun kaa gwa zalale tun zu̱ labar mbarkandang ye wora.

Markus 4:17

Yang ku̱me dlu̱dlarsi ve wor ɓa, nu̱ shoɓ ku ɓa ku̱me sarchi nu̱ bonye a ɓa ki ku̱me ɓalar nang, tu̱ gaɓ vaanda nu̱ gana ku fan ndu̱ fan.

Markus 8:35

Aaki shimki ɗana nyifi ɓaran, ka mbu̱ɗ nyifirang, yang kap njif nu̱ mbu̱ɗki nyifi ɓaran ku̱me nga ndu̱ labar mbarkandang, a shi kya ɗana nyifirang.

Luka 21:12

“Yang me ku̱ ɗyiku nang shi kap, ka ku̱sonu tu̱ vu̱r bonye ye nu, ka ɗu̱ ndu̱ zhaano ɓaanu gume maa tabarku, tu̱ khiiro nu gha mbu̱ zhaaru̱m. Tu̱ ɗu̱ ndu̱ tun gume kujiku ndu̱ nu kwaaɗarku, yang ka shi ɗyiku nang ye nu kap ku̱me nga.

Luka 21:17

Aaki ka zhangndo nu ku̱me nga.

Luka 6:22

Barke ɓaanu mbu̱ nduki wa zhangndonu, tu̱ pu̱zonu tu̱ komba nu, su̱yen ndu̱ zu̱r malkandi nu̱ ve nu, ku̱me nga Yi ɓu̱ nduku.

Luka 9:24

Ku̱me kap njif nu̱ke a shim ɗana nyifi ɓaran kaa mbu̱ɗ nyifirang, yang njif nu̱ mbu̱ɗki nyifi ɓaran ku̱me nga ka gwa nyifirang.

Yokhana 15:21

Ka shi ɗyikunang ye nu kap ku̱me dlu̱ma, ku̱me nu̱ zu̱n njif nu̱ ɗa ru̱kki nga ɓa.

Yokhana 9:28

Tu̱ yang pu̱zi nda ku za, “To ke nu̱ mburi nda, ɓaarem chem a mbu kya Musa.

Tlu̱nar ɓu̱ Pudeku 9:16

Ngga wut bonye nu̱ke ka zaki ku̱me dlu̱ma yenda.”

Romeku 8:36

Ba wa nu̱ bu̱lar ɓalar ɓu̱ Magham zu̱ki za, “Chem a me mu̱ti aakochi ku̱me to, wa da rem ku wa ndu̱ɓangku nu̱ke a ma dla qura wor nu̱gha.”

1 Korintiyeku 4:10

Chem wa kha ma nggu̱bu̱ngku ku̱me Masiya, yang ɓaanu tun ghu̱rtan mbe Masiya! Chem khukhutan, yang ɓaanu tun shokhku̱rokh! Nduki a na zhaaji ɓaanu, yang ɓaarem a vu̱rkya bonye yerem!

2 Korintiyeku 4:11

Khar nu̱ke chem a shiran mbu̱ larji nang, chem a me mu̱ti ku̱me Yesu, ma ku̱ na khar viti ɓu̱ Yesu mbu̱ man vaarem nu̱ka mu̱tki nang.

Filipiyeku 1:29

Ku̱me mu̱nkir nu̱ shiki ye nwang, nu̱ shi ma ku̱ maita nu Masiya ɗyenda ɓa, shi ma ku̱ za nu bonye ku̱me chin tu̱k.

1 Biturus 2:23

Sarchi nu̱ nduki pu̱zki nda, nu̱ nggam ye wor ɓa; Sarchi nu̱ zaki bonye, nu̱ zu̱ za chin ka dli gaɗe ni ɓa. Wa dla varan nu̱ ve Magham nu̱ kumar zhire.

1 Biturus 4:14

Aa pu̱zo nu ku̱me dlu̱m Masiya, ai, tun nu̱ barka, ku̱me Jiimbi nu̱ zhaaji, Jiimbi ɓu̱ Magham kharan su̱yen ndu̱ tunu.

Ɗyin mbu̱ tukari 2:3

Nga zu̱n ta kaɗanyi mbe gu̱ndi memu̱nar mbu̱ bonyeku ku̱me dlu̱ma, no nggum ɓa.