Matta 4:3 - Mewar Alqawarang

³ Tu̱ Sheɗan nu̱ buurang a ɓa she nda za, “Mbu̱ to Yi ɓu̱ Magham, ze ndogdiku nang ku̱ gaɓ ma ɗye zu̱mndi.”

Matta 4:3 ပူးပေါင်းရင်းမြစ်များ

Matta 14:33

Tu̱ nduki nu̱ke a mbu̱ du̱mbu̱lang ghar ghai ye Yesu a zu̱ran ku za, “Zhire to Yi ɓu̱ Magham.”

Matta 16:16

Kom tu̱ Siman Biturus tlogha za, “To ke Masiya, Yi ɓu̱ Magham nu̱ nyifiri.”

Matta 26:63

Yang tu̱ Yesu kha varan gha yit. Tu̱ gorkir ɓu̱ kurukwang ze nda za, “Ku̱me Magham nu̱ nyifiri, zu̱ yerem mbu̱ to ke Masiya, Yi ɓu̱ Magham.”

Matta 3:17

Tu̱ ɓalar a vi viɗi a zu̱ran za, “Nang ke woi ɓanga ndolakandi, memu̱nara mu̱n ndu̱ chin maɗyi.”

Markus 1:1

Nang ke nggarsi Labar Mbarkandi ɓu̱ Yesu Masiya Yi ɓu̱ Magham,

Markus 3:11

wonji aakochi khu̱kheetiku malkandi naki nda tu̱ ka gu̱ɗa yaghai ku a zhaano a zu̱ran ku za, “To Yi ɓu̱ Magham.”

Markus 5:7

Tu̱ shi zhaano nu̱ du̱mbu̱r ɓaran tu̱ ze Yesu za, “Ta ma shikya nu̱m ya? Yesu yi ɓu̱ Magham nu̱ viɗi, ngaa khutoro, vu̱r na bonye ya ɓa.”

Luka 1:35

Tu̱ nu̱ ru̱ktang ze nda za, “Jiimbi shakhshakhndi ɓu̱ Magham ka shur nu̱ ɗyinoro, zalale ɓu̱ Magham nu̱ viɗi ka lu̱pa ro. Ku̱me nang, woyang ka kha shakhshakh, ka qa nda Yi ɓu̱ Magham.

Luka 22:70

Tu̱ kap ɓaanda gaɓ tu̱ zham nda ku tu̱k za, “Yang ɗa, to Yi ɓu̱ Magham mu?” Tu̱ Yesu tlogha san ye wor za, “Tun wa zu̱ ba torop ku̱me nga ke chin.”

Luka 4:3

Tu̱ Sheɗan ze nda za, “Mbu̱ke to Yi ɓu̱ Magham, goɓ ndu̱ ndogdi nang ma ɗye zu̱mndi.”

Luka 4:41

Tu̱ khu̱kheeti malkandi vi ɓar mbe nduki khang, a zhaano ku, a zu̱ran za, “To Yi ɓu̱ Magham.” Yang tu̱ Yesu wu wora tu̱ nggu̱tl wor ndu̱ ɓalarang, ku̱me wa zu̱n ku chin ke Masiya.

Luka 4:9

Tu̱ Sheɗan daa nda nu̱ Urshalima tu̱ khu̱l ndu̱ chin vite lauɗar du̱ndi Rafti ɓu̱ Maghamang, tu̱ ze nda za, “Mbu̱ke to Yi ɓu̱ Magham ku̱m jiiri to ɗa nggu̱ɗ ye ghai.

Yokhana 1:34

Nga na wanang, nga saida tu̱k nu̱ ɗyine njif nang ɗya Yi ɓu̱ Magham.”

Yokhana 1:49

Tu̱ Nataniyel ze Yesu za, “Maalu̱m, to ke Yi ɓu̱ Magham; to ke Kuji ɓu̱ Israila.”

Yokhana 20:31

Yang bu̱la nu̱kunang ma ku̱ maita nu nu̱ ɗyine Yesu ke Masiya, Yi ɓu̱ Magham. Kom tu̱k, nu̱ ku̱n she maitar nda tun gwa nyifi mbu̱ dlu̱man.

Yokhana 9:35

Tu̱ Yesu tu̱k labaran za wa komba khuskyang. Nu̱ gwaki nda, tu̱ zham nda za, “Ta maita Yi ɓu̱ Magham mu?”

Tlu̱nar ɓu̱ Pudeku 9:20

Nu̱ qan maɗyi ɓa, tu̱ Shawulu nggaasi waazu mbu̱ kib tabar ɓu̱ Yakhudekwang a zu̱ran za Yesu ɗya Yi ɓu̱ Magham.

2 Korintiyeku 1:19

Jiwa Yi ɓu̱ Magham Yesu Masiya, nu̱ke nga ndu̱ Sila ndu̱ Timoti shiki waazu ɓaran ye nu, ai ɗya, “E” ndu̱ “O'o” ɓa, mbe nda ɗya “E” aakochi.

Galatiyeku 2:20

Wa kaatli nga gha su̱yen ndu̱ Masiya. Yang nga nje ndu̱ nyifi ɓa, Masiya kya khar mbya. Khar ɓang mbu̱ man var nang, nga shikya khar maito mbe Yi ɓu̱ Magham, chin nu̱ ndolaki nga tu̱ mu̱t ku̱me nga.

1 Tasalonikeku 3:5

Nang ke ɗyi nu̱ saki nang kanaɗa ɓa, tang ru̱k ma tu̱k nga labar maito ɓaanu. Nga sawa ku̱ nu̱ lambar nang, chin Sheɗan lamba nu, ku̱ tlu̱nar ɓaarem kha bam ɓa.

Yibraniyeku 12:16

Ku̱r ma vaanu mbari ma ku̱ aaki kha ma nu̱ zawa ɓa, yang ku̱ kha nu ndu̱ song sawar Magham wa Yisuwa nu̱ masaki ɗye mbu̱ ge gomir ɓaran ɓara ma ɗye zu̱mndi piti da ɓa.

Yibraniyeku 4:14

Yang ɗo, nu̱ke gorkir kuru gwaanji a nje khaarem, chin ke Yesu Yi ɓu̱ Magham chin nu̱ ɗu̱ki mbu̱ viɗi gume Magham, khuɓ mi maito ɓaarem nu̱ gha ɓang ɓang.

Yibraniyeku 7:3

Yang Melkizedek zhinki kha nda ɓa manki kha nda ɓa, yang nu̱ nduk zu̱n dlu̱dlarsan zum ɓa. Fu̱ɗar nu̱ khaki nda nje ɓa yang fu̱ɗar mu̱ti ɓaran a nje ɓa. Wa nu̱ke Yi ɓu̱ Magham ɗya kuru nu̱ke koɗokh venda ɓa, wanang tu̱k Melkizedek ɗya kuru nu̱ke koɗokh venda zum ɓa.

1 Yokhana 3:8

Sheɗan ɗya nu̱ sola gumapaali, ku̱me nang kap njif nu̱ zu̱mki guma ndu̱ shir sola ɗya ɓu̱ Sheɗan. Ɗyi nu̱ saki tu̱ Yi ɓu̱ Magham a ɓa larji ma ku̱ su̱ya tlu̱nar ɓu̱ Sheɗan nu̱gha.

Ɗyin mbu̱ tukari 2:10

Tu̱k na sawar bonye nu̱ke to ka ɓa zaki ɓa. Jiwa, nga zu̱ran yoro Nu̱ Mu̱nar nang ka mbuk ɓeeni nduki chele ɓaanu nu̱ mbu̱ zhaaru̱m ma buuro nu, yang to ka za bonye nang me qaandi gwang. Yang ku̱ fet na memu̱na ɓar mbe maito ɓaa ɓa aa to ka khu̱l ye mu̱ti, ku̱me ngga vu̱r ɗye zhar nu̱ nyifiri yoro.