Matta 4:24 - Mewar Alqawarang

²⁴ Tu̱ labar ɓaran dlu̱ maarang mbu̱ dlar ghai Siriya kap. Tu̱ ndukyang a ɓa ndu̱ kap nduki nu̱ke var wor mu̱n ɓa. Kom ndu̱ nduki nu̱ke a bonye ndu̱ khaatiku zum zum, ndu̱ nduki nu̱ke a tu̱k vaanda ndu̱ nu̱ khu̱kheetiku, ndu̱ nu̱ muɗyirku, ndu̱ zu̱ɓtiku. Tu̱ yang shaana wor nu̱gha kap.

Matta 4:24 ပူးပေါင်းရင်းမြစ်များ

Matta 12:22

Tu̱ ɗa ɓa ndu̱ khuski nggur yenda nu̱ke a su̱yen ndu̱ khu̱kheeti, yang ɗya meɗum, wonji puguman tu̱k. Nu̱ Yesu shaanaki nda nu̱ gha, tu̱ shi ɓalari a na maari.

Matta 14:1

Ye sarchi nang, tu̱ kuji Khiridus tu̱k labar ɓu̱ Yesu.

Matta 15:22

Tu̱ nokhzi nggur nu̱ke kharan nje yang ɗya ye Kanana ta ɓa tu̱ da su̱quran nu̱ viɗi za, “No zhiyaye ɓanga Zhinerem gwaanji, Yi ɓu̱ Dauda. Khu̱kheeti nggur a vu̱r bonye ye woi ɓang ye nusu.”

Matta 17:15

“Zhinerem gwaanji, no zhiyaye ɓu̱ woi ɓanga, mu̱ɗyura damta nda, a za bonye maɗyi. Sar khang wa ka nggu̱ɗ nu̱ ɓai ndu̱ mbu̱ ɗyimi.

Matta 17:18

Tu̱ Yesu ghwat wuuri ye khu̱kheetang, tu̱ khu̱kheetang njig woyang. Fan ndu̱ fan tu̱ woyang shaana.

Matta 4:23

Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Matta 8:28

Nu̱ dlaki ɗyim chitndang nu̱ dam ku, mbu̱ dlar ghai Gadarin, tu̱ yirtiku wor rap na viki ku ye maa nu̱ka paki mu̱ti ku gama ndu̱ chin. Wa kha ku ma ɗye sawa ku nu̱ke nduka nje nu̱ka mbuki njiva tu̱k ɓa.

Matta 8:33

Tu̱ nu̱ khutlo aledekwang ɗa vaanda tu̱ vi nu̱ mbu̱ ghai ta zu̱ aanu̱m ye aaki kap ndu̱ ɗyi nu̱ gwaki yirtikwang.

Matta 8:6

“Zhinerem gwaanji, pude ɓanga nje qaandan kaari, zu̱ɓtan, a mbu̱ bonye maɗyikandi.”

Matta 9:26

Tu̱ labar nang ɗu̱ aa fu̱n mbu̱ dlar ghayang.

Matta 9:35

Tu̱ Yesu ɗu̱ mbu̱ ghaiku ndu̱ gureku kap a shogar ye wor mbu̱ kib tabar ɓaanda a wopar labar mu̱nkandi nu̱ kwaaɗar ɓu̱ Magham. Tu̱ ku̱s shaana aa nyi nu̱ khaatiku ndu̱ nduki nu̱ke nu̱ da lawan ku ɓa.

Markus 1:28

Fan ndu̱ fan tu̱ labar ɓaran ɗu̱ aa fu̱n mbu̱ dlar ghai Galili.

Markus 1:32

Nu̱ mugdi shiki qu̱rse nggu̱di fu̱ɗari, tu̱ ɗa ɓa ndu̱ nu̱ khaatiku su̱yen ndu̱ nu̱ khu̱kheetiku.

Markus 2:3

Tu̱ ndukiku nggur wor vat nu̱ ɗa daki njif nggur zurɗakandi ta ɓa she nda,

Markus 2:4

yang nu̱ gwa ma viri nu̱ she Yesu ku ɓa kha khang ɓu̱ nduki. Ku̱me nang, tu̱ shukhta ɗyin kib nu̱ kya mbanang nu̱gha ba ye maa nu̱ke Yesu a sang, kom ta zhur ndu̱ njif zurɗakandang ku qaandan ɗyine ku̱rbuk ɓaran.

Markus 2:9

Nyi dukki ndu̱ ndolndola, ku̱ nduk ze nu̱ zurɗarang za wa yaapa solar ɓa yor mu? Yang ku̱ nduk zu̱ za ju to da ɗye qaandi ba to ɗu̱ va mu.

Luka 2:2

Nang ke pooni shigar nu̱ gumapaali nu̱ shiki. Shi shigarang sarchi nu̱ke Kiriniyus a kwaaɗar dlar ghai Siriya.

Luka 4:14

Kom tu̱ Yesu gaɓ nu̱ Galili su̱yen ndu̱ zalale ɓu̱ Jiimbi shakhshakhndi. Tu̱ labar ɓaran khu̱l aa fu̱n mbu̱ maarang.

Luka 4:38

Tu̱ Yesu vi varan ɓar mbu̱ kib tabar ɓu̱ Yakhudekwang, tu̱ vi nu̱ kaari mbu̱ rafti ɓu̱ Siman. Man nokhzi Siman nu̱ daa lawan ɓa, ɓalɓal wa ku̱si nda gu̱rgu̱r, tu̱ khuɗ Yesu ku za ku̱ shaana nda nu̱ gha.

Luka 5:15

Kap ndu̱ wanang labar ɓu̱ Yesu ba viri nu̱ aa fu̱n, ndukiku khang ba tabar ma tu̱kti nda a gang shaanari me khaatiku nu̱ke a ve wora.

Luka 5:24

Yang ku̱me nga shim ku̱ zu̱n nu̱ zalalya nje kha Yi ɓu̱ nduku ma yaapa sola mbu̱ larji.” Tu̱ ze njif zurɗakandang za, “Nga zu̱ran yoro, ju, to daa ku̱rbukang to ɗu̱ va kaari.”

Luka 7:17

Tu̱ labar ɗyi nu̱ Yesu shiki nang ɗu̱ aa fu̱n mbu̱ ghai Yakhudiya ndu̱ ghaiku nu̱ke a bing.

Yokhana 10:21

Yang tu̱ ɓeenan zu̱ za, “O'o, ɓalar nang ɗya ɓalar ɓu̱ nu̱ khu̱kheet ɓa. Woɗye khu̱kheet ka ɗu̱ma qu̱n yiti pugum mu?”

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 15:23

Tu̱ vu̱r lagarkati ye wora. Bu̱laran za, Ji she nyeezonu, Pudeku ndu̱ dlegumeku ɓu̱ tabar ɓu̱ nu̱ mbu Yesu ku. Ma yir she nu̱ mbu Yesu ku nduki nu̱ke ɗya Yakhudeku ɓa nu̱ke a mbu̱ dlar ghai Antakiya ndu̱ Siriya ndu̱ Kilikiya. Chem a zoɓa qaandi ye nu.

Tlu̱nar ɓu̱ Pudeku 15:41

Tu̱ mbu ku mbu̱ dlar ghai Siriya ndu̱ Kilikiya a pa du̱mbu̱r ye tabar ɓu̱ nu̱ mbu Yesu ku.

Tlu̱nar ɓu̱ Pudeku 28:9

Nu̱ ɗyi nang shiki tu̱ nu̱ khaatiku kap nu̱ke a mbu̱ maarang ku̱s ɓar ku she Bulus a shaana wora.

Tlu̱nar ɓu̱ Pudeku 8:7

Tu̱ khu̱kheeti malkandiku a vi ɓar mbe nduki khang a zhaano ku. Tu̱ shaana zurɗarku ndu̱ zu̱ɓtiku khang.