Matta 4:23 - Mewar Alqawarang

²³ Tu̱ Yesu baara mbu̱ dlar ghai Galili ɓar kap, a shogar ye nduki mbu̱ kib tabar ɓaanda. A wopa labar mbarkandi nu̱ kwaaɗar ɓu̱ Magham. Kom ndu̱ shaanar nduki nu̱ke var wor mu̱n ɓa ndu̱ aa nyi pooni khaati nu̱ke a damta wora.

Matta 4:23 ပူးပေါင်းရင်းမြစ်များ

Matta 11:5

Pugumku a na maari, zu̱ɓtiku a yiri, nu̱ khaati gwaanji kwa khar shakhshakh, tuurangku a tu̱k ɓalari, mu̱tikwang nakhari, nu̱ nungndiku a tu̱k labar mu̱nkandang.

Matta 12:9

Nu̱ Yesu njigki ye maaran, tu̱ vi nu̱ mbu̱ kib tabar ɓaanda.

Matta 13:19

Mbu̱ nduk wa tu̱k ɓalar kwaaɗarang yang nu̱ da mban ɓa, Sheɗan ka ɗa ɓa tu̱ lawa ɗyi nu̱ kaɓki nu̱ mbu̱ memu̱naranang ɓara. Nang ke pooni nu̱ nggu̱ɗki nu̱ yiti njivang.

Matta 13:54

Tu̱ Yesu ɗu̱ mbu̱ ghai ɓaran tu̱ nggaasi shogar ye nduki mbu̱ kib tabar ɓaanda, tu̱ shi lazhamku a zu̱ran ku za, “Khuski nang gwa pooni kaɗari ndu̱ zalale shir ɗye lazhamku nang fu̱na?”

Matta 14:14

Nu̱ Yesu viki ɓar mbu̱ du̱mbu̱lang, tu̱ na tabar ndukyang, tu̱ na zhiyaye ɓaanda. Tu̱ shaana nduki nu̱ chele ɓaanda nu̱ke var wor mu̱n ɓa.

Matta 24:14

Ka wopa labar mu̱nkandi nu̱ kwaaɗar mbu̱ viɗi ye nduki nu̱ larji kap ma ku̱ kha ma saidu ye wora, kom tu̱ lauɗarsan a ɓa.

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 9:35

Tu̱ Yesu ɗu̱ mbu̱ ghaiku ndu̱ gureku kap a shogar ye wor mbu̱ kib tabar ɓaanda a wopar labar mu̱nkandi nu̱ kwaaɗar ɓu̱ Magham. Tu̱ ku̱s shaana aa nyi nu̱ khaatiku ndu̱ nduki nu̱ke nu̱ da lawan ku ɓa.

Markus 1:14

Gaanje wa khi Yokhana nu̱ baptismang gha zhaaru̱m, tu̱ Yesu a ɓa mbu̱ dlar ghai Galili a waazu labar mbarkandi ɓu̱ kwaaɗar ɓu̱ Magham.

Markus 1:21

Tu̱ Yesu ndu̱ nu̱ mburi nda kwa ɗu̱ ku mbu̱ ghai Kaparnakhum. Nu̱ Fu̱ɗar Maasi ɓu̱ Yakhude kwa shiki, tu̱ vi nu̱ mbu̱ kib tabar ɓu̱ Yakhude ku tu̱ ku̱s shogar ye wora.

Markus 1:39

Tu̱ baara ma Galili kap a waazu ye wor mbu̱ kib tabar ɓaanda a fet khu̱kheetiku malkandi ɓara mbe nduki.

Markus 3:10

Shi wanang ku̱me wa shaana nduki khang, yang nu̱ khaatiku ba komkomi su̱ɓa nda ku,

Markus 6:2

Nu̱ Fu̱ɗar Su̱bji a ɓaki tu̱ nggaasi shogar mbu̱ kib tabar ɓu̱ Yakhudekwang, tu̱ nduki nu̱ tu̱kki nda kap shi lazham a zu̱ran ku za, “Woɗye khuskinang gwa ɗyiku nang fu̱na? Nang gwakya nyi pooni kaɗarya? Ɗu̱ma shir ɗye lazhamku nang kikimnda na?”

Markus 6:6

Tu̱ Yesu shi lazham song maito ɓaanda. Tu̱ baara mbu̱ gureku a shogar ye wora.

Luka 10:9

Tun shaana nu̱ khaatiku nu̱ mbu̱ ghayang nu̱ gha tun ze ndukyang nun za, ‘Kwaaɗar ɓu̱ Magham aa ɓa bing ndu̱ tunu.’

Luka 13:10

Yesu a shogar mbu̱ kib tabar ɓu̱ Yakhudeku nggur Fu̱ɗar Maasi.

Luka 16:16

“Nduki a mbu kya Taurete ɓu̱ Musa ndu̱ lagarkati ɓu̱ annabiku ma khu̱dli sarchi nu̱ Yokhana nu̱ baptisma a ɓa ki, yang ba sarchi nu̱ wopaki labar mbarkandi nu̱ kwaaɗar ɓu̱ Magham, aakya wuta viiri nu̱ mban.

Luka 20:1

Sarchi ngguri, Yesu a mbu̱ mu̱na rafti ɓu̱ Magham a shogar ye nduki ndu̱ wopar labar mbarkandang. Tu̱ kuruku rututundi ndu̱ Maalu̱m Taurete ku ndu̱ dlegumeku ɓu̱ nduki a ɓa she nda za,

Luka 4:14

Kom tu̱ Yesu gaɓ nu̱ Galili su̱yen ndu̱ zalale ɓu̱ Jiimbi shakhshakhndi. Tu̱ labar ɓaran khu̱l aa fu̱n mbu̱ maarang.

Luka 5:17

Sarchi ngguri Yesu a shogar ye nduki, tu̱ Pariseku su̱yen ndu̱ nu̱ zu̱ndi Taurete ku a ɓa ku, a vi mbu̱ gureku Galili ndu̱ Yakhudiya, kom ndu̱ Urshalima, kharan ku a tu̱k shogarang. Zalale ɓu̱ Zhinerem gwaanji a nje su̱yen ndu̱ chin ma shaana nu̱ khaatiku.

Luka 6:17

Tu̱ Yesu ndu̱ pudeku ɓaranang bu̱r nu̱ ye maa nu̱ke dalang a nje bing sa dlengang tu̱ ching nu̱ si. Tu̱ gwa nu̱ mburi nda ku khang su̱yen ndu̱ tabar nduki nu̱ ɗa viki ku dlar ghai Yakhudiya, mbu̱ ghai Urshalima ndu̱ ghai Taya ndu̱ Sidon nu̱ke a me ɗyim chitndi gwaanjang.

Luka 6:6

Nu̱ Fu̱ɗar Maasi nggur a ɓa ki tu̱k, Yesu a shogar ye nduki mbu̱ kib tabar ɓu̱ Yakhudeku, yang khuski nggur a nje nu̱ke kharan nu̱ zu̱ma zurɗaran.

Luka 7:21

Baa ye sarchi nang, tu̱ Yesu shaana nduki khang nu̱ khaatiku san zum zum tu̱ fed khu̱kheeti malkandiku ɓar mbe nduki su̱yen ndu̱ qu̱ndi yiti pugumku.

Luka 7:22

Tu̱ yang Yesu tlogha ye wor za, “Gaɓ ma tun a zu̱ ɗyi nun naki ndu̱ nun tu̱kki ye Yokhana. Tun ze nda nun za, pugumku a na maari, zu̱ɓtiku a yiri, nu̱ khaati gwaanji ku a gwa shaanari, tuurangku a tu̱k ɓalari, mu̱tiku a nakhari nu̱ nungndiku a tu̱k labar mbarkandang.”

Luka 8:1

Gaanje qaandi koɗomma tu̱ Yesu ji tu̱ ku̱s baara ɗyin ghaiku rututundi kap ndu̱ pichichindi, tu̱ ku̱s wopa labar mu̱nkandi nu̱ kwaaɗar ɓu̱ Magham. Pudeku ɓaran gwanggu̱m rapndang a su̱yen nu̱ chin.

Luka 9:11

Nu̱ tabar ndukikwang tu̱kki maa nu̱ ɗu̱ki ku si, tu̱ mbu wor ku, tu̱ Yesu gaɗa wor kom tu̱ shi ɓalar ye wor ɗyine kwaaɗar ɓu̱ Magham tu̱ shaana nduki nu̱ shimki ku̱ shaana wora.

Luka 9:60

Tu̱ Yesu ze nda za, “Njig nduki nu̱ke jiimbi wor mu̱tan tu̱ pa mu̱ti ɓaanda, yang to, wopar ɓar ɓu̱ kwaaɗar ɓu̱ Magham ke tlu̱nar ɓaaro.”

Yokhana 18:20

Tu̱ Yesu tlogha ye wor za, “Ai, nga shi ɓalar ye larji ye dalangi gume aaki, nga shogar ye nduki aakochi mbu̱ maa tabar ɓaanu ndu̱ mbu̱ Rafti ɓu̱ Magham, ye maa nu̱ke Yakhudeku ka tabaki. Sar da nang zu̱ ɗyi nggur mbu̱ tuka ɓa.

Yokhana 6:59

Yesu zu̱ ɗyiku nang sarchi nu̱ke a shogar ye maa tabar ɓu̱ Yakhudeku nu̱ke a Kaparnakhum.

Yokhana 7:1

Gaanje nang tu̱ Yesu baara mbu̱ dlar ghai Galili, yang nu̱ shim yir mbu̱ dlar ghai Yakhudiya ɓa, ku̱me Yakhudeku nu̱ke a far a shim tlagha nda ku.

Tlu̱nar ɓu̱ Pudeku 10:38

Tun wa zu̱n nu̱ ɗyine Magham wa nyel Yesu khuzi Nazaret ndu̱ Jiimbi ɓaran ndu̱ zalale. Kom ndu̱ baarar maa nu̱ shiki, ndu̱ shir mbarkir ye nduki. A shaana nduki nu̱ Sheɗan damtaki wora ku̱me Magham a nje su̱yen ndu̱ chin.

Tlu̱nar ɓu̱ Pudeku 18:4

Aa nyi Fu̱ɗar Maasi, tu̱ Bulus ki keele ndu̱ wor mbu̱ kib tabarang tu̱ ku̱s dut khangkal ɓu̱ Yakhudeku ndu̱ Gu̱rik ku.

Tlu̱nar ɓu̱ Pudeku 20:25

“Yang leendang nga zu̱n tun ɓu̱ na nga tu̱k ɓa, tun nang baaraki ɗyinonu nga zu̱ Labar Mbarkandi nu̱ kwaaɗar ɓu̱ Maghamang.

Tlu̱nar ɓu̱ Pudeku 28:31

Nu̱ke nu̱ nggu̱tl nda waazu ɓa, tu̱ ki waazu kwaaɗar ɓu̱ Magham a shogar ye nduki ɗyine Yesu Masiya sawa su̱ ɓa.

Romeku 10:15

Nu̱ waazu kwang ka shi waazwang kikimndana, mbu̱ nu̱ ru̱k wor ɓa? Ba wa nu̱ke a nje bu̱laran za, “Khu̱dli ɓu̱ nduki nu̱ ɗa ɓaki ndu̱ Labar Mbarkandang ɗya ɗyi mbarkandi maɗyi!”