Matta 3:7 - Mewar Alqawarang

⁷ Yang nu̱ Yokhana naki Pariseku ndu̱ Sadukeku khang a ɓar she nda ma ku̱ shi baptisme ye wora, tu̱ ze wor za, “Tun ye ghu̱ɓtiku! Kya wuuki nu za ɗa nu shokhnar ɓu̱ Magham nu̱ke a ɓara na?

Matta 3:7 ပူးပေါင်းရင်းမြစ်များ

Matta 12:24

Yang nu̱ Parisekwang tu̱kki wanang, tu̱ zu̱ ku za, “A komba khu̱kheetikwang ɓar ndu̱ zalale ɓu̱ Baalzabul kuji ɓu̱ khu̱kheetiku.”

Matta 12:34

Tun su̱ti ghu̱ɓtiku, tun ka zu̱ ɗyi mbarkandi kikimnda nu̱ke tun mu̱naranang? Ai ɗyi nu̱ke a memu̱na nduk nang ke ɗyi nu̱ka viki mbu̱ men.

Matta 15:12

Tu̱ nu̱ mburi nda kwa a ɓa she nda tu̱ ze nda ku za, “Ta zu̱n za Parisekwang wa shi shokhna nu̱ tu̱kki ɓalarku nang shoɗa?”

Matta 16:1

Tu̱ Pariseku ndu̱ Sadukeku a ɓa she Yesu ma buuri nda, tu̱ khuɗ nda ku za ku̱ wuɗ ɗye lazham nggur nu̱ke ka wuɗki za chin a ɓa mbu̱ viɗ she Magham.

Matta 16:6

Tu̱ Yesu ze wor za, “Ku̱r ma vaanu, tun shakh ɗyinonu ndu̱ yis ɓu̱ Pariseku ndu̱ Sadukeku.”

Matta 22:15

Tu̱ Parisekwang ɗu̱ ku ta shi sawari ɗyine ɗyi nu̱ke wor ɓu̱ shi ma ku̱ Yesu zu̱ ɗyi galkandi.

Matta 22:23

Ye fu̱ɗaran, tu̱ Sadukeku nu̱ka zu̱ki za jiiri mbe mu̱ti nje ɓa ndang a ɓa she Yesu ndu̱ zhamndi. A za,

Matta 22:34

Nu̱ Parisekwang tu̱kki za Sadukekwang nu̱ ɗu̱ma nda ɓa, tu̱ taba ku.

Matta 23:33

“Tun su̱tiku, tun nggolar su̱ti ghu̱ɓtiku! Tun ka lawa me kumar giɗim ɓai kikimnda?

Matta 5:20

Jiwa nga zu̱ran ye nu, mbu̱ nun duk Maalu̱mku ndu̱ Pariseku ndu̱ jeembu ɓa shwat tun ɓu̱ vi nu̱ mbu̱ kwaaɗar ɓu̱ Magham ɓa.

Markus 12:13

A nje a nje, ta ru̱k Pariseku nggur ndu̱ nduki ɓu̱ Kuji Khiridus ma ku̱ ku̱s nda ku ndu̱ ɓalar galkandi.

Markus 12:18

Tu̱ Sadukeku nu̱ke nu̱ maita za mu̱tiku kaa ji fu̱ɗar wur ɓa, ta ba she Yesu. Tu̱ zham nda ku za,

Markus 8:15

Tu̱ Yesu wu wor za, “shi ma khangkal tun ku̱r vaanu ndu̱ yis ɓu̱ parisekwang ndu̱ ɓu̱ Khiridus.”

Luka 16:14

Nu̱ Pariseku nu̱ shimndi mu̱zhindi maɗyi a tu̱kki ɓalar nang, tu̱ dut me wor nu̱ ɗyine Yesu.

Luka 18:11

Nu̱ Parisyang jiiki tu̱ ching gha, tu̱ shi barar ku̱me ɗyinan a zu̱ran za, ‘Magham, nga kuna maɗyi ku̱me nga ngga yen ndu̱ ɓeena ndukiku nu̱ke ɗya nu̱ muuri ku ndu̱ nu̱ mu̱narku, kom ndu̱ nu̱ zawar ku. Yang nga wa nu̱ dlu̱r zhaanggal nang zum ɓa.

Luka 7:30

Yang Pariseku ndu̱ nu̱ zu̱ndi Taurete kwa wa zhang ɗyi nu̱ Magham shimki wor si, ma nu̱ke wa zhang baptisme ɓu̱ Yokhana gha ku.

Yokhana 1:24

Tu̱ Pariseku nggur na ru̱kki wor

Yokhana 8:44

Tun ɓu̱ zhinonu Sheɗan, yang tun a shim shir ɗyi nu̱ke a shiran tu̱k. Ɗya nu̱ tlaghar mu̱ɗi gumapaali yang nu̱ damta ndu̱ zhire ɓa, ku̱me zhire nje mbe nda ɓa. Mbu̱ wa kota wollo aakochi a shikya me ghai ɓaran, ku̱me ɗya nu̱ kotama, zhinkir ɓu̱ wollo.

Yokhana 9:40

Nu̱ Pariseku nu̱ke a bing ndu̱ chin tu̱kki, tu̱ ze nda ku za, “Yang nang ta zu̱ran no za chem puguman tu̱k mu?”

Tlu̱nar ɓu̱ Pudeku 15:5

Tu̱ yang nu̱ mbu Yesu ku nggur nu̱ke a mbu̱ tabar ɓu̱ Parisekwang ji nu̱ viɗi tu̱ zu̱ ku za, “Wa ku̱s ku̱ dla su̱ nduki nu̱ke ɗya Yakhudeku ɓa nu̱ mbuki Yesu ku nu̱gha, tu̱ sa wor ku khutlo wopar ɓu̱ Musa.”

Tlu̱nar ɓu̱ Pudeku 20:31

Ku̱me nang kha ma daasaran! Kor ma nu̱ke me sonyi kunung nu̱ peetaki nang laada dut dlu̱mndi aaki chele ɓaanu virkir ndu̱ fu̱ɗar ɓa, nga shi ye nu ndu̱ ɗyim ghoori.

Tlu̱nar ɓu̱ Pudeku 26:5

Wa zu̱ndi nga ku ɗau, mbu̱ wa shim ku ka ɗu̱ma saidaran nu̱ ɗyine shwat nga da chele Pariseku nu̱ shiki khar shanggu̱ɗangndi mbu̱ pooni ghaari ghai ɓaarem nang.

Tlu̱nar ɓu̱ Pudeku 5:17

Tu̱ gorkir ɓu̱ kuruku ndu̱ ɓeeni Sadukeku nu̱ke a su̱yen ndu̱ chinang ki zhiri ɓu̱ Pudekwang maɗyi.

Romeku 1:18

Jiwa a wut shokhnar ɓu̱ Magham mbu̱ viɗi ɗyine song sawar Magham, kom ndu̱ tlu̱nar mu̱narku ɓu̱ nduki nu̱ka zhangki zhire gha ku̱me tlu̱nar malkandi ɓaanda.

Romeku 5:9

Nu̱ke chem wa kha waare sola gume Magham nu̱ ku̱nshe mbu̱ti tom ɓu̱ Masiya, leendang, ka lawa rem ɓar mbe shokhnar ɓu̱ Magham nu̱ ku̱nshe Masiya.

1 Tasalonikeku 1:10

tun bu ɓar ɓu̱ Yi ɓaran nu̱ke a ɓar mbu̱ viɗi. Magham wa ji ndu̱ Yi ɓaran ɓar mbe mu̱ti, chin ke, Yesu nu̱ke a ma lawa rem ɓar mbe shokhnar nu̱ke a ɓar nang.

Yibraniyeku 11:7

Ɗya maito saki tu̱ Nukhu mbu zu̱r ɓu̱ Magham tu̱ kwaɗa du̱mbu̱l ɗyimi ma ɗana rafti ɓaran, qu̱rse Magham wa wuri nda nu̱ ɗyine ɗyiku nu̱ke nu̱ nduk na dong ɓa. Nang saki tu̱ larji gwa kumari, tu̱ chin yang gwa ɗye mbu̱ ge dambi nu̱ ka gwaki nu̱ ku̱nshe maito.

Yibraniyeku 6:18

Yang ɗo, ɗyiku a nje rap nu̱ke nu̱ka shi paata ɓa, yang ɓu̱ shi tu̱ Magham shi song zhire ɗyinan ɓa. Nu̱ke ɗyinang ɗya ɗye par du̱mbu̱r ye memu̱narem maɗyi, chem nyem ɗaki ku̱me gwami chem khuɓ maitwang, chem ka gwa par du̱mbu̱r maɗyi.

1 Yokhana 3:10

Wonji ɗyi nu̱ saki chem zu̱n qusonggi ɓu̱ Magham ndu̱ qusonggi ɓu̱ Sheɗan. Kap njif nu̱ke nu̱ka shi ɗyi nu̱ke torop ɓa, ɗya yi ɓu̱ Magham ɓa, yang njif nu̱ke nu̱ ka ndola mu̱dlen ɓa, ɗya yi ɓu̱ Magham tu̱k zum ɓa.