Matta 27:2 - Mewar Alqawarang

² tu̱ gu̱n kharan nu̱ gha ku, tu̱ ɗu̱ ndu̱ chin ku, tu̱ vu̱r nda nu̱ mbu̱ khar nggomna Bilatus.

Matta 27:2 ပူးပေါင်းရင်းမြစ်များ

Matta 20:19

Kom tu̱ vu̱r nda ye nduki nu̱ke ɗya Yakhudeku ɓa, tu̱ shi ɓalar ndu̱mndi yenda, tu̱ shi dlabti yenda ku, tu̱ katl nda gha me qu̱far katlang ku, yang ye fu̱ɗar nu̱ kunung ka ji mbe mu̱ti ndu̱ nyifiri.”

Matta 28:14

Mbu̱ ɓalarang wa vi nu̱ mbu̱ dlu̱mndi Nggomna, chem ka shi ɓalar yenda, tun ɓu̱ za bonye ɓa.”

Luka 13:1

Ba ye sarchi nang tu̱ ɓeena ndukyang ze Yesu za Bilatus wa tlagha qusa Galili ku nggur nu̱ke a vu̱r sadke ye Magham mbu̱ kib ɓaran tu̱ tom ɓaanda longgan mbu̱ sadkyang.

Luka 20:20

Nu̱ dle gumekwang saki yiti yenda ku, tu̱ ru̱k nduki nggur nu̱ke ka wuɗki ye Yesu wa wor nduki mbarkandi. A ɓa ku ma ku̱ shi zhamndi yenda ku ku̱me ku̱ Yesu zu̱ ɗyi galkandi nu̱ke ka saki nu̱ kwaaɗarku ɓaanda tu̱ ku̱si nda.

Luka 23:1

Tu̱ tabar ɓu̱ ndukkudaandikwang ji tu̱ ɗu̱ ndu̱ Yesu gume nggomna Bilatus.

Luka 23:12

Yang nang ke fu̱ɗar nu̱ Khiridus ndu̱ Bilatus baki raptikirku ku̱me sot nu̱ka dlu̱ yen ku ɓa.

Luka 3:1

Sarchi nu̱ke Nggomne gwaanji (Kaisar) Tiberiya khu̱lki sonyi gwanggu̱m qurmun a kwaaɗari, Nggomna Puntus Bilatus kya kwaaɗar ɗyine Yakhudiya. Kuji Khiridus a kwaaɗar Galili; khachin Filibus a kwaaɗar Ituriya ndu̱ Tarakunitas; Lisaniyas a kwaaɗar Abiliya.

Yokhana 18:12

Ye sarchi nang, tu̱ sange sojeku ndu̱ gorkir ɓaanda ndu̱ nu̱ nggu̱ti kib ghaari ghai ɓu̱ Yakhudekwang ku̱s Yesu tu̱ gu̱n kharan nu̱gha ku,

Yokhana 18:24

Kom tu̱ Khanana sa ku̱ ɗu̱ ndu̱ Yesu bu̱nan gu̱ndan she Kayafa gorkir ɓu̱ kurukwang.

Yokhana 18:28

Ye sarchi nang, tu̱ Yakhudekwang vi ndu̱ Yesu ɓar mbu̱ rafti ɓu̱ Kayafa tu̱ ɗu̱ ndu̱ chin ku patle ɓu̱ nggomne nu̱ Roma. Yang nu̱ke ɗya dumaari ɗau, tu̱ zhang viri nu̱ mbu̱ raftang gha ku ku̱me a zhang khanda ru̱knaran ku tu̱ nggu̱tl wor ndu̱ zu̱mndi ɗye zu̱mndi tabar peetar ɗyinang ɓa.

Tlu̱nar ɓu̱ Pudeku 12:6

Ba mbu̱ virkir nu̱ke Khiridus a konyi viri ndu̱ Biturus dumaari ma kumarang, chin Biturusang a nje gu̱ndan ndu̱ yakhli rap, a ɗyenir chele sojeku rap, nu̱ bu me zhaaru̱m kwang a nje me viri a bu zhaaru̱mang.

Tlu̱nar ɓu̱ Pudeku 21:33

Tu̱ gorkir sojang a ɓa tu̱ ku̱s Bulus, tu̱ sa ku̱ gu̱n nda gha ndu̱ yakhli rap. Kom tu̱ zham za ɗa, ɗya kiya ndu̱ ɗyi nu̱ shiki.

Tlu̱nar ɓu̱ Pudeku 22:25

Yang qu̱rse wa gu̱ndi nda nu̱ gha a ma shi kurpi yenda, tu̱ Bulus shi ɓalar ye soje gwaanji ɓu̱ Roma nu̱ke a nje chingndan bing nu̱ chinang. Tu̱ ze nda za, “Alapa, wa shi torop mbe woparang ku̱ shi na kurpi ye njif nu̱ke zalale khar ye Roma a nje kha nda me ku̱ kuma nda mu?”

Tlu̱nar ɓu̱ Pudeku 22:29

Ku̱me nang tu̱ nduki nu̱ke a ma zham ndang song nu̱ gana fan ndu̱ fan. Nu̱ gorkirang daki mban za zalale khar ye Roma a nje kha Bulus tu̱ tu̱k sawa ku̱me wa woɗa wa gu̱n nda.

Tlu̱nar ɓu̱ Pudeku 24:27

Yang sonyi rap qu̱rsan tu̱ Fokiyas Festus zu̱m nggomna me ɓu̱ Feliks. Nu̱ke Feliks a shim mu̱n memu̱na Yakhudekwang, tu̱ njig Bulus nu̱ zhaaru̱m.

Tlu̱nar ɓu̱ Pudeku 28:20

Nang ke ɗyi nu̱ saki tang shim na nu, chem shi ɓalar ndu̱ tunu. Ku̱me zu̱n nu nu̱ke gu̱ndi nga nu̱ gha ndu̱ yakhli nang ku̱me chin nu̱ke Israileku a sa memu̱na wor nu̱ ɗyine ɓar ɓaranang.”

Tlu̱nar ɓu̱ Pudeku 3:13

Maghamndi ɓu̱ Yibram ndu̱ Yishaku, ndu̱ Nyagham, Maghamndi ɓu̱ zhikanerem, chin vu̱rki zhaaji ye maavi ɓaran Yesu. Nang ke njif nun vu̱rki nda ɓar ku̱ tlagha nda nu̱ gha, tun wut zhangndi yenda gume nggomna Bilatus aa nu̱ke wa shim ku̱ ngga nji nda gha.

Tlu̱nar ɓu̱ Pudeku 4:27

“Jiwa Kuji Khiridus ndu̱ Puntus Bilatus wa gonta ɗyin wor ndu̱ Israileku ndu̱ nduki nu̱ke ɗya Israileku ɓa mbu̱ ghai nang, a kare ku ndu̱ maavi ɓaa Shakhshakhndi Yesu, no gaɓki ndu̱ chin ma Masiya.

Tlu̱nar ɓu̱ Pudeku 9:2

tu̱ khuti nda za ku̱ vu̱r lagarkati yenda ma yir she kib tabarku ɓu̱ Yakhudeku nu̱ke a Damaskus. Nu̱ ɗyine mbu̱ chin wa gwa nduki nu̱ke a mbu Njiv ɓu̱ Zhinerem gwaanji, nusu ndu̱ khusku, ku̱ ku̱s nji wor tu̱ ɗa ɓa ndu̱ wor Urshalima gu̱ndan.

1 Timoti 6:13

Nga zu̱ran yoro gume Magham nu̱ vu̱rti nyifiri ye aa nu̱m, ndu̱ Masiya Yesu nu̱ vu̱rki saidu mbarkandi gume Puntus Bilatus.

2 Timoti 2:9

Nga za bonye nang ku̱me Labar mbarkandi nu̱ke nga woparanang, tu̱ gu̱ndi nga nu̱gha ndu̱ yakhli wa njif nu̱ shiki zop ngguri. Yang nduk a nje nu̱ke ka ɗu̱maki gu̱n ɓalar ɓu̱ Magham nu̱gha ɓa.

Yibraniyeku 13:3

Tun kor ndu̱ nduki nu̱ke a nje khiiran zhaaru̱m, ba wa tun khiiran su̱yen ndu̱ wora. Tun kor ndu̱ nduki nu̱ke a za bonye ba wa no za tun kya za bonyang.