Matta 26:55 - Mewar Alqawarang

⁵⁵ Ye sarchi nang tu̱ Yesu ze wor za, “Tun a vi ndu̱ kaskarku ndu̱ saɓirku ma ku̱si nga, nga nu̱ yetar njiva mu? Yang aa nyi fu̱ɗa nga mbu̱ Rafti ɓu̱ Maghamang nga shogaran ɓara yang nun ku̱si nga ɓa.

Matta 26:55 ပူးပေါင်းရင်းမြစ်များ

Matta 21:23

Nu̱ Yesu viki nu̱ mbu̱ Rafti ɓu̱ Maghamang a shogar ye nduki tu̱ kuruku rututundi ndu̱ dle gume ɓu̱ Yakhudekwang a ɓa ku she nda. Tu̱ zham nda ku za, “Ɗyi nu̱ke ta shiran ku nang, ta shiran ndu̱ nyi zalalya, yang ki vu̱rki zalale shiran yora?”

Matta 26:47

A mbu̱ ɓalarang, tu̱ Yakhuda nu̱ke ɗya da chele gwanggu̱m rapndang a ɓa su̱yen ndu̱ tabar nduki khang. Khubtan ku ndu̱ kaskarku ndu̱ saɓirku. Kuruku rututundi ndu̱ dlegumeku ɓu̱ ndukikwang a ru̱kki wora.

Markus 10:1

Tu̱ Yesu njig ye maarang, tu̱ ɗu̱ mbu̱ dlar maa ɓu̱ Yakhudiya ndu̱ maa nu̱ke a dam far ndu̱ Gaawu Urdun. Tu̱ nduki khang tu̱k taba nu̱ she nda, tu̱ nggasi shogar ye wor ba wa nu̱ su̱nki si.

Markus 12:35

Tu̱ Yesu shi zhamndi sarchi nu̱ke a shogar mbu̱ Rafti ɓu̱ Maghamang za, nu̱m saki tu̱ Maalu̱m Taurete kwang ki qa Masiya za ɗya zhikan Annabi Dauda?

Luka 19:47

Tu̱ Yesu ki shogar aa nyi ɗaatli ma mbu̱ Rafti ɓu̱ Magham, yang kuruku rututundi ndu̱ Maalu̱m Taurete ku ndu̱ dlegumeku nu̱ke a chele ndukyang, ki konyi gwanda njiv nu̱ke wor ka tlaghaki nda.

Luka 20:1

Sarchi ngguri, Yesu a mbu̱ mu̱na rafti ɓu̱ Magham a shogar ye nduki ndu̱ wopar labar mbarkandang. Tu̱ kuruku rututundi ndu̱ Maalu̱m Taurete ku ndu̱ dlegumeku ɓu̱ nduki a ɓa she nda za,

Luka 4:20

Tu̱ za lagarkatang nu̱gha, tu̱ vu̱r ye nu̱ tlu̱nar ye maaranang, tu̱ kha gha yang wor kap ye maa tabar ɓu̱ Yakhudekwang, tu̱ gang nggu̱ti nu̱ ve nda ku.

Yokhana 7:14

Nu̱ sarchi tabarang mberki tala, tu̱ Yesu vi nu̱ mbu̱ Rafti ɓu̱ Magham tu̱ nggasi shogar ye nduki.

Yokhana 7:28

Yesu a mbu̱ shogar mbu̱ Rafti ɓu̱ Maghamang, tu̱ da su̱quran nu̱ viɗi tu̱ zu̱ za, “Tun wa zu̱ndi nga, tun wa zu̱n maa nanga viki su̱ tu̱k. Nga ɓa ndu̱ zalale ɓang ɓa. Njif nu̱ ɗa ru̱kki nga ɗya nu̱ zhire, yang nun zu̱n nda ɓa.

Yokhana 8:2

Vi dumaaran ndu̱ ɗawi tu̱ Yesu ɗu̱ mbu̱ Rafti ɓu̱ Maghamang tu̱k, tu̱ nduki kap a ɓa she nda, tu̱ kha gha a shogar ye wora.

Yokhana 8:20

Yesu shi ɓalar nang sarchi nu̱ke a shogar mbu̱ Rafti ɓu̱ Magham bing ndu̱ maa du̱ngdi mu̱zhindi vu̱rtang. Yang kap ndu̱ nang nduk a nje nu̱ ku̱ski nda ɓa, ku̱me sarchi ɓaran nu̱ shi dong ɓa.