Matta 26:28 - Mewar Alqawarang

²⁸ Ku̱me nang ɗya tom ɓanga, nu̱ nyedli alqawar nu̱ke a ma mbu̱ti ku̱me nduki khang ma ndu̱m sola.

Matta 26:28 ပူးပေါင်းရင်းမြစ်များ

Matta 20:28

Wanang ni, Yi ɓu̱ Nduk na ɓa ku̱ nduki shi tlu̱nar maava yenda ɓa, a ɓa kya ma tlu̱na, kom ku̱ vu̱r nyifi ɓaran ma ɗanar nduki khang.”

Matta 26:27

Tu̱ da ɗyekhti ɗyim anapang. Nu̱ kunaki Magham tu̱ vu̱r ye wora tu̱ zu̱ za, “Kap ɓaanu za ma.

Matta 26:29

Nga zu̱ran ye nu, ngam ɓu̱ za ɗyim anap nang tu̱k ɓa, kope fu̱ɗar nu̱ke ngga zaki mewakandi nggur ndu̱ tunu mbu̱ kwaaɗar ɓu̱ Zhinkir ɓanga.”

Matta 6:12

To yaapa solar ɓaarem yerem, wa nu̱ke chem a yaaparan ye nduki nu̱ shiki solar yerem.

Markus 1:4

Yokhana nu̱ baptismya viki tu̱ki baptisme ye nduki mbu̱ gaari a waazu baptisme nggooti njigti solar ɓaanda ma gwa yaapar she Magham.

Markus 14:24

Tu̱ ze wor za, nang ke tom ɓang nu̱ mewar alqawar nu̱ke a ma mbu̱tan ku̱me nduki khang.

Luka 22:19

Tu̱ da ɓurti tolirang tu̱ ɓakhla nu̱ gha, kom tu̱ vu̱r ye wor a zu̱ran za, “Nang ke shipar man vara, nu̱ vu̱rki ku̱me tunu, tun ki shiran wanang ma kwaari nga.”

Luka 22:20

Tu̱ gaɓ tu̱k tu̱ da ɗyekhti ɗyim ye qu̱far anapang gaanje wa woɗa zu̱m ɗye zu̱mndi mbu̱ virkirang ba wa nu̱ shiki gumapaalyang. Tu̱ zu̱ tu̱k za, “Na ɗya shipar meewar alqawar mbu̱ tom ɓang nu̱ke a ma mbu̱ti ku̱me tunu.

Romeku 5:15

Yang vu̱rti ɓu̱ Magham nu̱ ɗa ɓa ki nu̱ ku̱nshe njif nu̱ke a ɓar nang, wa ngga yen maɗyi ndu̱ solar nu̱ Adamu shiki. Nu̱ke solar nu̱ nduk kaada shiki nang a ɓa ndu̱ mu̱ti ye nduki khang. Wanang tu̱k, mu̱nkir ɓu̱ Magham ndu̱ vu̱rti nu̱ ɗa ɓa ki nu̱ ku̱nshe nduk kaada, nang ke Yesu Masiya nu̱ vu̱rki barke gwaanji ye nduki khangndi nang wa duk naandang ɓakh maɗyi.

Romeku 5:19

Ba wa nu̱ nduki khang khaki ma nu̱ solar ku ku̱me zhangndi tu̱kti maa ɓu̱ nduk kaada, wanang tu̱k nduki khang ka kha waare sola gume Magham nu̱ ku̱nshe mburi zu̱r ɓu̱ Magham nu̱ nduk kaada shiki.

1 Korintiyeku 11:25

Tu̱ shi wanang tu̱k, qu̱rse zu̱mndan tu̱ da ɗyekhtang tu̱ zu̱ za, “Ɗyekhti nang ɗya mewar alqawar, nu̱ tom ɓanga. Aa nyi sarchi nu̱ke tun a zaran, tun shi ku̱me kor nu nu̱ nga.”

Afiseku 1:7

Mbe nda chem wa gwa dli ɗyin nu̱ ku̱nshe tom ɓaran, nang ke yaapar solar ɓaarem nu̱ shiki yerem. Yang shi nang yerem ku̱me khang mu̱nkir ɓaran

Kolosiyeku 1:14

chem gwa dli ɗyin nu̱ ku̱nshe nda, nang ke, ndu̱mndi solarku ɓaarem.

Kolosiyeku 1:20

Magham somta ɗyi nyin shiki kap ye varan nu̱ ku̱nshe Woyang. Somta ɗyiku nu̱ke a viɗi ndu̱ vu̱ghai ye varan nu̱ ku̱nshe tom nu̱ Yi ɓaran mbu̱ɗki ɗyine qu̱far kaatlang.

Yibraniyeku 10:29

Yang njif nu̱ ndu̱mki Yi ɓu̱ Magham ɗa, wa gaɓ ndu̱ tom alqawar nu̱ wakaki nda nu̱ gha nang tu̱ kha bam, tu̱ pu̱z Jiimbi shakhshakhndi nu̱ mu̱nki! Tun a taman za ka shikya nyi pooni kumar gu̱rgu̱rndi nu̱ shipaki njif nang na?

Yibraniyeku 13:20

Ku̱ Magham nu̱ qaandi memu̱na, nu̱ke nu̱ ku̱nshe tom alqawar nu̱ke koɗokh si ɓa jiiki ndu̱ Zhinerem gwaanji Yesu ɓar mbe mu̱ti. Chin ke nu̱ khutlo gwaanji ɓu̱ shapir ɓu̱ ndu̱ɓangkwang,

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Yokhana 2:2

Chin ke sadke yaapar solar ɓaarem yerem, yang ɓaarem ɗyenda ɓa, ndu̱ solarku ɓu̱ larji gumada.

Ɗyin mbu̱ tukari 7:14

Tang tlogha nga za, “Ta zu̱ni, ku̱man.” Tu̱ yang zu̱ ya za, “Ndukiku nang wora viki mbe bonye maɗyikandi. Wa shiɓ luktiku ɓaanda nu̱ gha ndu̱ tom ɓu̱ Ye gamndang, tu̱ kha ɓong ku.

Ɗyin mbu̱ tukari 7:9

Qu̱rse nang, nang nggu̱tki tang na tabar ɓu̱ nduki khang ku̱na shiga. A vi mbu̱ aa nyi pooni dlar maa ku, ndu̱ pooni nduki, ndu̱ nduki, ndu̱ me ghaiku, chingndan gha ku gume zhakhɗyang kom ndu̱ gume Ye gamndang. Wa sa luktiku ɓongndi, khubtan nu̱ me bu̱n qu̱far jipu̱no mbu̱ khar wora.