Matta 26:24 - Mewar Alqawarang

²⁴ Yi ɓu̱ Nduk ka mu̱ɗ ba wa nu̱ bu̱laki ɗyine nda. Yang njif nu̱ke a ma vu̱r Yi ɓu̱ Nduk ɓarang ɗya ɗye zhiyaye! Ka duk yenda tu̱ga nu̱ kha nda ɓa.”

Matta 26:24 ပူးပေါင်းရင်းမြစ်များ

Matta 18:7

Larji ɗya ɗye zhiyaye ku̱me ɗyiku khang nu̱ka saki nduki ma sola! Ɗyiku nu̱ka saki nduki ma solari a nje a ɓari, yang njif na ɓa ki si ɗya ɗye zhiyaye.

Matta 26:31

Tu̱ Yesu ze wor za, “Kap ɓaanu tun ka ɗa vaanu tun njig tu̱ nga mbu̱ virkir nang ku̱me ɗyi nu̱ke a ma ɗaatli ndu̱ nga. Ku̱me a nje bu̱laran za, ‘Ngga ghwaɗ nu̱ khutlorang, ndu̱ɓang ku nu̱ mbu̱ shapirang ka lakhta ku.’

Matta 26:54

Yang ɗyi nu̱ bu̱lar lagarkati ɓu̱ Magham zu̱ki za ka shang ka nyel kikimndana?”

Matta 26:56

Yang ɗyinang shi kap ma ku̱ nyel ɗyi nu̱ke a nje mbu̱ lagarkati ɓu̱ annabikwang.” Tu̱kti wanang tu̱ nu̱ mburi nda kwa kap njigti nda tu̱ ɗa vaanda.

Markus 14:21

Yi ɓu̱ nduk a ma mu̱ti ba wa nu̱ bu̱laki yang njif nu̱ masaki nda ɓar ɗya ɗye zhiyaye, kuzhom tu̱ga nu̱ kha nda ɓa.

Markus 9:12

Tu̱ Yesu tlogha ye wor za, “Ɗya zhire annabi Iliya kaɗa ɓa ki dong ma daasa aa nu̱m, yang wa bu̱lan gha tu̱k za Yi ɓu̱ nduka ma za bonye zum zum su̱yen ndu̱ vu̱rti palase yenda yang wanang de?

Luka 22:22

Yi ɓu̱ nduk ka mu̱ɗ ba wa nu̱ke a nje zu̱ran, yang bonyang ɓu̱ njif nu̱ masaki nda ɓarang.”

Luka 24:46

Tu̱ ze wor tu̱k za, “Bu̱laran wanang mbu̱ Lagarkatikwang za wa ku̱s ku̱ Masiya za bonye, tu̱ yang ji mbe mu̱ti ye fu̱ɗar nu̱ kunung.

Yokhana 17:12

Sarchi nu̱ke nga su̱yen ndu̱ wora, nga bu ɗyin wor ndu̱ zalale ɓu̱ dlu̱moro, nang ke dlu̱m no vu̱rki ya. Nga bu ɗyin wora, yang nduk a nje nu̱ saghaki ɓa kope nduk da chele ɓaanda nu̱ke ɗya ye su̱bu̱ri. Sagha ma ku̱ bu̱lar ɓalar ɓu̱ Maghamang nyedli.

Yokhana 19:24

“Tu̱ ze yen ku za, ɓyakh mi lukti nang nu̱gha ɓa, ngga mi daati nu̱ ɗyinan chem na njif nu̱ke ka zu̱mki tu̱ kha ma ɓaran.” Ɗyinang shi wanang ma nyel ɗyi nu̱ lagarkati ɓu̱ Magham zu̱ki za, “Wa shakh ɗye sar ɓang ku nu̱ chele ɓaanda. Tu̱ ngga daatiku nu̱ ɗyine lukti ɓanga.” Nang ke ɗyi nu̱ sojekwang shiki.

Yokhana 19:28

Yesu wa zu̱n za sarchi nang chin wa woɗa aa nu̱m, yang ku̱me ku̱ aa nu̱m kha nyeedlan wa nu̱ lagarkati ɓu̱ Magham zu̱ki, tu̱ zu̱ za, “Nga tu̱k khuzhumndi.”

Tlu̱nar ɓu̱ Pudeku 2:23

Me ku̱ vu̱r khuski nang nu̱ mbu̱ kha nu ma ku̱ nu̱ solarku kaatli nda gha, Magham wa zu̱ni ku̱me chin daasaki.

Tlu̱nar ɓu̱ Pudeku 28:23

Nu̱ saki sarchi nu̱ke wor ka gamaki tu̱ ɗa ɓa ku ye maa nu̱ zhurki nu̱ nje, yang ɗu̱ ku wor khang maɗyi tu̱ duk nu̱ gumang. Ji dumaari, ma yir mugdi tu̱ ki ɓalar ye wor a saida kwaaɗar ɓu̱ Magham, a wuta dut wor nu̱ she Yesu nu̱ ku̱nshe njiv Taurete ɓu̱ Musa ndu̱ lagarkati ɓu̱ annabikwang.

Tlu̱nar ɓu̱ Pudeku 4:28

Taba ku ma shi ɗyi no daasaki ka shi, nu̱ ku̱nshe zalale ɓaaro ndu̱ shimndi ɓaaro.

1 Korintiyeku 15:3

Ɗyi nu̱ dukki ndu̱ boota maɗyi mbu̱ ɗyiku nang zu̱ki ye nu, chin ke ɓalar nang dlu̱ki za, Masiya wa mu̱t ku̱me solar ɓaarem, ba wa nu̱ Bu̱lar ɓalar ɓu̱ Magham zu̱ki.