Matta 26:18 - Mewar Alqawarang

¹⁸ Tu̱ zu̱ za, “Ɗu̱ma mbu̱ ghai she khuski ngguri, tun ze nda nun za, ‘Maalu̱m wa zu̱ za, sarchi ɓang wa shi bing, yang ngga zu̱m tabar peetar ɗyinang mbu̱ rafti ɓa su̱yen ndu̱ nu̱ mburi nda kwang.’ ”

Matta 26:18 ပူးပေါင်းရင်းမြစ်များ

Matta 21:3

Mbu̱ njif nggur wa shi ɓalar ye nu, tun zu̱ nun za, Zhinerem gwaanji kya shimndan, yang ka ɗa gaɓ ndu̱ wor fan ndu̱ fan.”

Matta 23:10

Ku̱ qa nu̱ Dle guma ɓa, ku̱me Masiya ɗyenda ke dle gume ɓaanu.

Matta 23:8

“Yang tunu, ku̱ nduk qa nu̱ Maalu̱m ɓa, ku̱me Maalu̱m ɓaanu ba kaada, kap ɓaanu tun nyeezi yen ku.

Matta 26:19

Tu̱ nu̱ mburi nda kwang shi ba wa nu̱ Yesu zu̱ki ye worang, tu̱ daasa ɗye zu̱mndi tabar peetar ɗyinang.

Matta 26:2

“Tun wa zu̱n za tabar Peetar Ɗyinang wa njig qaandi rap, ka vu̱r Yi ɓu̱ Nduk tu̱ katl nda gha me qu̱fari.”

Matta 26:49

Ɓar ɓaran tu̱ ɗu̱ she Yesu kwatu̱ra, tu̱ ze nda za. “Gappu̱ra, Maalu̱m!” Tu̱ Yakhuda khaapa nda.

Markus 5:35

A mbu̱ ɓalarang, tu̱ ndukiku nggur nu̱ ɗa viki kaa ɓu̱ Jairus, dle gume ɓu̱ maa tabar ɓu̱ Yakhudeku a ɓa tu̱ ze Jairus za, “Ai, woi ɓaarang wa mu̱ɗi ku̱me nang, ku̱ Maalu̱mang nggum ndu̱ ɓar bam ɓa.”

Luka 22:53

Yang nga su̱yen ndu̱ tun aakochi mbu̱ rafti ɓu̱ Magham nun ku̱si nga ɓa. Yang ba, nang ke sarchi ɓaanu, sarchi zalale ɓu̱ nu̱ kwaaɗarku nu̱ke a mbu̱ zhumi.”

Yokhana 11:28

Nu̱ zu̱ki wanang, tu̱ Marta ɗu̱ tu̱ ɗa qa khachin Maryam nu̱ konggol tu̱ ze nda za, “Maalu̱m a ɓa yang a qa ro.”

Yokhana 12:23

Tu̱ Yesu tlogha ye wor za, “Sarchi wa shi nu̱ke a ma vu̱r zhaaji ye Yi ɓu̱ nduku.

Yokhana 13:1

A nje a nje me ku̱ Tabar Peetar ɗyin shi, Yesu wa woɗa zu̱ndan za sarchi ɓaran wa shi nu̱ke chin a ma njig larji nang chin gaɓ nu̱ she Zhinkirang. Yesu wa ndola nduki ɓaran nu̱ke a larji, wa wut ndolar ɓaran ye wor ma yi lauɗar su̱ khar ɓaanda.

Yokhana 17:1

Gaanje Yesu wa zu̱ ɓalarku nang, tu̱ da yitan tu̱ nggu̱t maa viɗi, tu̱ shi barar za, “Aba, sarchi wa shi. Vu̱r zhaaji ye Yi ɓaaro ku̱me chin ma ku̱ vu̱r zhaaji yor tu̱k.

Yokhana 20:16

Tu̱ Yesu qa nda za, “Maryam!” Tu̱ mbu̱m nu̱ she Yesu tu̱ qa nda ndu̱ me Yakhuda za, “Rabboni” (mban za “Maalu̱m.”)

Yokhana 7:30

Nu̱ Yesu zu̱ki ɓalar nang, tu̱ nduki shim ku̱si nda. Yang nduk nu̱ su̱ɓa nda ɓa, ku̱me sarchi ɓaran nu̱ shi dong ɓa.

Yokhana 7:6

Tu̱ Yesu ze wor za, “Sarchi ɓang nu̱ shi dong ɓa, aa nu̱ke she nu aa nyi sarchi torop.

Yokhana 7:8

Ɗu̱ ma vaanu ma tabar ɓaanu. Nga ma yir ma tabar nang ɓa, ku̱me sarchi ɓang nu̱ shi ɓa.”