Matta 26:10 - Mewar Alqawarang

¹⁰ Yang ku̱me Yesu wa zu̱n ɗyi nu̱ke a zu̱ran ku, tu̱ ze wor za, “Nu̱m saki tun ki damta nokhzi nanga? Ai, ɗyi nu̱ shiki yang mbari.

Matta 26:10 ပူးပေါင်းရင်းမြစ်များ

Matta 26:11

Nu̱ nungndiku a nje su̱yen ndu̱ tunu aakochi, yang ngaa nje su̱yen ndu̱ tun aakochi ɓa.

Matta 26:9

mbu̱ masa kya mor nang ɓara tu̱ga ka gwa mu̱zhindi khang nu̱ke ka vu̱rki ye nu̱ nungndi ku.”

Markus 14:6

Tu̱ yang Yesu zu̱ za, njig ma nda, nu̱m saki tun a damta nda? Ai shikya ɗyi mbarkandi ya.

Luka 8:49

Me ku̱ woɗa ɓalarang, tu̱ nu̱ ru̱kti nu̱ ɗa viki kaa ɓu̱ Jairus a khu̱dli za, “Zu̱ ma ye Maalu̱mang ku̱ shi bonye ɓar bam ɓa, ku̱me ye wonkharang wa mu̱ɗi.”

2 Korintiyeku 9:8

Magham ka ɗu̱ma vu̱r barke ye nu dukti ɗyi nu̱ke tun a gangndan, ma ku̱ gwa nu ɗyi nu̱ke tun a gangndan aakochi, tun gwa tu̱ duk wanang tu̱k, ma ku̱ shi nu mbarkir ye nduki.

Galatiyeku 1:7

Ai, Labar mbarkandi nggur a nje zum ɓa. Shwat nduki a nje nu̱ke a rokhdla nu nu̱ mbu̱ yen, a shim nggoɗ nda zhire ɓu̱ Labar mbarkandi ɓu̱ Masiya nu̱gha.

Galatiyeku 5:12

Ai, nga shim tu̱ga ku̱ nduki nu̱ke a rokhdla nun mbu̱ yen nang zu̱m guma ku, tu̱ mi su̱ wor nu̱gha guma da!

Galatiyeku 6:17

Qu̱rse nang, ku̱ aaki damta nga ndu̱ ɗyi nggur tu̱k ɓa, ku̱me chiɓir mbirku nu̱ke a vya wa wut nu̱ ɗyine nga maavi ɓu̱ Yesu.

Afiseku 2:10

Ai, chem ndu̱ ɗyinerem chem tlu̱nar ɓu̱ Magham, du̱ngnderem mbe Masiya Yesu, ma ku̱ shi mi tlu̱narku mbarkandi nu̱ Magham woɗaki daasaran yerem ma ku̱ shi mi gumapaali.

Kolosiyeku 1:10

Tun ka ɗu̱ma tun shi khar viti ɓaanu wa nu̱ke Zhinerem gwaanji a shimndan, tun a zu̱m guma ndu̱ shir ɗyiku nu̱ke a shimndan ve aa nyi njiva. Khar viti ɓaanu ka wut ɗye shir mbarkandiku, tun a shaata zu̱ndi Magham.

2 Tasalonikeku 2:17

Bu ku̱ vu̱r qaandi memu̱nar ye nu, tu̱ pa du̱mbu̱r ye nu mbe aa nyi tlu̱na ndu̱ ɓalar mbarkandi.

1 Timoti 3:1

Ɓalar nang ɗya ndooga shwat: kap njif nu̱ shimki ku̱ kha nji ma dle guma a shimkya ɗyi nu̱ke zhaaji si maɗyi.

1 Timoti 5:10

Wa kha zu̱ndan mbe tlu̱nar ɗyi mbarkandi, wa mola qusonggi ɓaran mbari, ndu̱ dlu̱r runggiku. Kom ndu̱ tlu̱nar shaata ye nu̱ mbu Yesu ku, ndu̱ shaata nduki nu̱ke a mbu̱ damtari, ndu̱ vu̱rti ɗyinan ma shi ɗyi mbarkandi ve aa nyi njiva.

2 Timoti 2:21

Kap njif nu̱ shakki ɗyinan ndu̱ ɗyiku nu̱ke zhaaji su̱ ɓandi nang, ka kha ma ɗyi nu̱ khaki shakhshakh ma tlu̱nar nu̱ke zhaaji su̱ ye nu̱ raftang, a nje daasaran ma aa nyi tlu̱nar mbarkandi.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Titus 2:14

Yesu vu̱rki ɗyinan ma ku̱ dli ɗyinerem chem kha ma nduki zumndi nu̱ke a kashar shir ɗyi mbarkandi ku.

Titus 3:1

To kor ye nduki ɓaaro ku̱ ki mbu zu̱r ɓu̱ nu̱ kwaaɗarku ndu̱ nu̱ zalale ku, ku̱ ki mbu su̱qur wora, tu̱ kha daasaran ku ma shi aa nyi tlu̱nar mbarkandi.

Titus 3:14

Wa ku̱s ku̱ nduki ɓaarem vu̱r ɗyin wor tu̱ shoga tlu̱nar ɗyi mbarkandi, ma ku̱ shi shaatar ku mbu̱ gangndi tun wa ji. Ku̱ shi khar bamnda ku ɓa.

Titus 3:8

Ɓalar nang ndooga shwat. Nga shim ku̱ matanu ɗyiku nang maɗyi, ma ku̱ nduki nu̱ maitaki Magham vu̱r vaanda nu̱ ve boote si mbe tlu̱nar mbarkandi. Ɗyiku nang mbar maɗyi, ka kha ndu̱ boota ye aaki tu̱k.

Yibraniyeku 13:21

daasa nun gha ndu̱ aa nyi tun nu̱ke mbari ma ku̱ shi nu shimndi ɓaran. A tlu̱na ɗyi nu̱ ghaɗye ɓaran daki yenda mbe nu, nu̱ ku̱nshe Yesu Masiya; zhaaji wa kha ɓaran koɗokhsi ɓa. Amin.

1 Biturus 2:12

Tun kha ndu̱ ɗye shir mbarkandi chele nduki nu̱ke nu̱ zu̱n Magham ku ɓa. Shir wanang ka sa tu̱ ɓa vu̱r zhaaji ye Magham ye sarchi ɓar ɓaran, ku̱me tlu̱nar ɓaanu mbarkandi, aa nu̱ke wa ka da zhaano ku ɓaanu.