Matta 25:34 - Mewar Alqawarang

³⁴ “Kom kujirang ka ze wor nu̱ ve bu̱n zu̱mang za, ‘A ɓa ma, tun nu̱ zhinkir ɓang shiki barke ye nu! Dlu̱ ma kwaaɗar nu̱ Magham daasaki ye nu ma ji ɗyin sarchi nu̱ shiki larji.

Matta 25:34 ပူးပေါင်းရင်းမြစ်များ

Matta 13:35

Shi wanang ma ku̱ nyel ɗyi nu̱ annabi Yishaya zu̱ki za, “Ngga shi ɓalar mbu̱ ku̱rti ɓalarku. Ngga zu̱ ɗyiku tukakandi ma nu̱ shiki larji.”

Matta 19:29

Yang tu̱k, kap njif nu̱ njigki raftiku, aa khachinku khuzuku, aa khachin nusuku, aa ku̱maandi ɓaran, aa mankir ɓaran, aa qusonggi ɓaran, aa damku ɓaran, ku̱me dlu̱ma. Ka gwa dukti ɓu̱ nang sar won, yang tu̱k tu̱ gwa nyifiri nu̱ke ɓu̱ shi woɗa ɓa.

Matta 20:23

Tu̱ ze wor za, “Wanang ni tun ka za mbu̱ ɗyekhti ɓanga, yang khar nu̱ ve bu̱na nu̱ zu̱ma ndu̱ nu̱ gu̱ɗau, nga ke nu̱ zalale vu̱rtan ɓa. Zhinkir ɓang nu̱ mbu̱ viɗi wa daasa maa khar na ye nduki nu̱ datki.”

Matta 21:5

“Zu̱ma ye nduki nu̱ Sikhiyona nun za, ‘Wonji kuji ɓaanu a ɓar she nu, ɗya nu̱ katar ɗyin, dlaran ɗyine kooro, a yir ɗyine ye kooro.’ ”

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:23

“Tu̱ nu̱ raftang ze nda za, ‘Kwaanggu̱rang, maavi mbarkandi, nu̱ zhire! Ta shi zhire ɗyine ɗyi koɗommandi. Ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:40

“Yang kujirang ka tlogha ye wor za, ‘Zhire nga zu̱ran ye nu, ma nu̱ke tun wa shi ye nyeezaku katakandi nang, ai, tun shi ya.’

Matta 25:41

“Kom ka ze nduki nu̱ ɗyin bu̱n gu̱ɗawang za, ‘Ɗu̱ma ya ɓar fan, tun nu̱ miiki barke ɓaanu, vima nu̱ mbu̱ ɓai nu̱ke nu̱ka shi piita ɓa yang tu̱b su̱ ɓa, nu̱ daasaki ye sheɗan ndu̱ nu̱ ru̱ktiku ɓaran.

Matta 27:37

Tu̱ katl bu̱lar nggur gha viɗ ndu̱ ɗyinan ɗya bu̱lar ɗyi nu̱ daki zhaano ɓaran ɗyinanang. Bu̱laran za, “Nang ke Yesu, kuji ɓu̱ Yakhudeku.”

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 5:19

Ku̱me nang kap njif nu̱ke nu̱ khutlo da chele woparku na ɓa, aa me koɗomme ni, tu̱ yang shoga ye nduki ku̱ shi wa nyin shikyang, ka qa nda njif nu̱ dukki katar mbu̱ kwaaɗar viɗi. Yang aaki khutloki, tu̱ yang shoga ye nduki, ka qa nda nduk gori mbu̱ kwaaɗar ɓu̱ Magham.

Markus 10:17

Nu̱ Yesu ku̱ski njiv maa yir varan, tu̱ njif nggur a ɓa ɗyin ɗa tu̱ kurum gha gume nda, tu̱ zham nda za, “Maalu̱m mbarkandi, shwat ngga shikya nu̱m ma gwa nga nyifi nu̱ke ɓu̱ shi woɗa ɓa?”

Markus 10:40

Yang zalale khar nu̱ ɗyin bu̱na nu̱ zu̱ma ndu̱ gu̱ɗau a khara ɓa, yang ka vu̱rkya ye nduki nu̱ daasaki ku̱me wora.”

Luka 11:28

Tu̱ Yesu tlogha yenda za, “Nduki nu̱ ka tu̱kki ɓalar ɓu̱ Magham tu̱ tlu̱na wa duk ndu̱ barke.”

Luka 11:50

Ku̱me nang, ka ɓa kuma nduki nu̱ qaandi virkir meeni ku̱me tom ɓu̱ annabiku nu̱ mbu̱ɗki ji sarchi nu̱ shiki larji ma ɓar meeni.

Luka 12:32

“Shi nu sawa ɓa tun shapir rakhndi, jiwa Zhinonu a kashari ma vu̱r nji kwaaɗarang ye nu.

Luka 19:38

Tu̱ ku̱s zu̱ran ku, za, “Barkya ve kuji nu̱ke a ɓar mbu̱ dlu̱m Zhinerem gwaanji, qaandi memu̱nar a mbu̱ viɗi ndu̱ zhaaji ye Magham nu̱ viɗi.”

Yokhana 1:49

Tu̱ Nataniyel ze Yesu za, “Maalu̱m, to ke Yi ɓu̱ Magham; to ke Kuji ɓu̱ Israila.”

Yokhana 12:13

Tu̱ ghar me bu̱n qu̱far jipu̱no ku tu̱ vi ku, tu̱ gaɗa nda, a zu̱ran ku za, “Khosana! Mban za (Khamndi ye Magham) Barkya ve njif nu̱ke a ɓar mbu̱ dlu̱m Zhinkir gwaanji, barkya ve Kuji ɓu̱ Israila!”

Yokhana 17:24

“Aba, nga shim nduki no vu̱rki ya nang ku̱ kha su̱yen ndu̱ nga ye maa nu̱ke nga si. Nga shim ku̱ na zhaaji ɓaa no vu̱rki ya ku̱me ta ndola nga me ku̱ du̱ng larji.

Yokhana 19:15

Tu̱ Yakhudekwang ghwaɗ zhaano a zu̱ran ku za, “Ku̱ tlagha nda nu̱ gha! Ku̱ tlagha nda nu̱ gha! Ku̱ katl nda gha!” Tu̱ Bilatus zham wor za, “Tun a shim ku̱ katl nga kuji ɓaanu gha?” Tu̱ kuru rututundi kwang tlogha za, “Kuji khaarem tu̱ duk Kaisar ɓa.”

Tlu̱nar ɓu̱ Pudeku 15:18

Nang ke zu̱r ɓu̱ Zhinkir gwaanji, chin nu̱ wutki ɗyiku nang zhu tang.

Tlu̱nar ɓu̱ Pudeku 3:26

Nu̱ Magham datki maavi ɓaran, tu̱ ru̱kti nda nu̱ she nu gumapaali ma ku̱ sa barke ye nu, tu̱ ɗa da nu ɓar mbe ɗye shir malkandi.”

Romeku 8:17

Yang nu̱ke chem qusonggi ɓaran, chem wa kha ma nu̱ gwar shakhti ɗye mbu̱ ge. Nang wa wut nu̱ ɗyine, chem ka gwa ɗye mbu̱ ge barkeku ɓu̱ Magham, chem a khar mu̱dlenki ndu̱ Masiya mbe shakhti ɗye mbu̱ gerang. Yang mbu̱ chem ka gwa zhaaji su̱yen ndu̱ Masiya wa ku̱s ku̱ zami bonye su̱yen ndu̱ chin.

1 Korintiyeku 15:50

Nyeezaku, ɗyi nu̱ke nga zu̱ranang chin ke, ɓu̱ shi ku̱ man vaarem nu̱ke ɗya dlu ndu̱ tom gwa kwaaɗar ɓu̱ Magham ɓa, yang ɗyi nu̱ka mu̱tlki ɓu̱ kha wa ɗyi nu̱ke nu̱ka mu̱tl ɓa ɓa.

1 Korintiyeku 2:9

Yang a nje bu̱laran ba wanang nu̱ zu̱ki za, “Ɗyi nu̱ Magham daasaki ye nduki nu̱ke a ndola nda nang, ɗya ɗyi nu̱ke nduk a nje nu̱ naki sar da ɓa, yang nduk a nje nu̱ tu̱kki ɓa. Yang nduk a nje nu̱ korki ka shi tun wanang ɓa.”

1 Korintiyeku 6:9

Nun zu̱n za nu̱ mu̱narku ɓu̱ vi nu̱ mbu̱ kwaaɗar ɓu̱ Magham ku ɓa goma? Ku̱ nduk lamba nu ɓa ku̱me nu̱ zawar mbu̱ khu̱rti ku a nje, ndu̱ nu̱ ghaari ghai ye mu̱lu̱mku. Kom ndu̱ nu̱ ɓu̱rti ku nu̱ke a zawarku, ndu̱ khuzuku nu̱ nduki ka qanki ndu̱ wora, ndu̱ khuzuku nu̱ka qanki ndu̱ yen kom ndu̱ nusuku nu̱ka qanki ndu̱ yen.

Galatiyeku 5:21

ndu̱ zhiri, ndu̱ me kuyari, ndu̱ zar kuzhi bu ɗyin ndu̱ pooni ɗyiku nu̱ shipaki ɗyiku nang. Nga wuro nu, ba wa nang shiki ye nu gumang, nu̱ ɗyine pooni nduki nu̱ka shiki ɗyiku nang ɓu̱ vi nu̱ mbu̱ kwaaɗar ɓu̱ Magham ɓa.

Afiseku 5:5

Tun wa zu̱n nu̱ ɗyine shwat, nu̱ zawa, ndu̱ nu̱ tlu̱nar zop, ndu̱ me khape (nu̱ke chin ndu̱ nu̱ ghaari ghai ye mu̱lu̱m da ku), ɓu̱ gwa maa mbu̱ kwaaɗar ɓu̱ Masiya ndu̱ ɓu̱ Magham, sar da ɓa.

1 Tasalonikeku 2:12

Chem wa dut dlu̱mdonu, chem pa du̱mbu̱r ye nu, chem khutonu ku̱ shi nu khar nu̱ shipaki nu̱ke Magham a shimndan, chin nu̱ qaki nun mbu̱ kwaaɗar ɓaran ndu̱ zhaaji ɓaran.

2 Timoti 2:12

Mbu̱ chem wa gu̱n memu̱na rem, chem ka shi kwaaɗar su̱yen ndu̱ chin. Mbu̱ chem wa keela zu̱ndi nda, ka keela tu̱k za nyin zu̱nderem ɓa.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Yibraniyeku 1:14

Yang shwat ɗa, nu̱ ru̱ktiku ɓu̱ Magham ɗya jiimbiku nu̱ tlu̱nar ku ma shaata nduki nu̱ke a ma zu̱m ɗye mbu̱ ge ɗanar ɓa goma?

Yibraniyeku 11:16

Yang sakya memu̱na wor nu̱ ɗyine ghai nu̱ dukki mbaari, nang ke mbu̱ viɗi, nang ke ɗyi nu̱ saki nu̱ kha ye Magham ma ɗye kawa ku̱ qa nda za Maghamndi ɓaanda ɓa. Ku̱me wa daasa ghai ye wor shwat.

Yibraniyeku 4:3

Yang chem nyem maitaki, chem ka viki nu̱ mbu̱ maasi nang. Chem a kor ɓalar ɓu̱ Magham nu̱ zu̱ki za, “Nga shi shokhna tang ku̱mnda nga za, ‘Ɓu̱ vi nu̱ mbu̱ maasi ɓang ku sar da ɓa.’ ” Magham zu̱ wanang aa nu̱ke wa woɗa tlu̱nar ɓaran ye sarchi nu̱ du̱ngki larji.

Yibraniyeku 9:26

Mbu̱ tu̱ga ka shi wanang, ai, tu̱ga Yesu ka ki za bonye aakochi, ma nu̱ du̱ngki larji. Yang wonji a ɓa ba sar kaada mbu̱ lauɗar su̱ qaandiku nang ma ku̱ da nji solarku ɓara nu̱ vu̱rki ɗyinan ku̱men.

Yaqub 2:5

Nyeezaku, ndolarku ɓanga! Tu̱k ma, woɗye ɗa, Magham nu̱ dat nu̱ nungndiku nu̱ mbu̱ larji nang tu̱ kha gu̱naranku mbu̱ maito de? Wor ke nduki nu̱ke a ma gwa ɗye mbu̱ ge kwaaɗar nu̱ shiki alqawaran ye nduki nu̱ke a ndola nda ɓa goma?

1 Biturus 1:9

ku̱me tun a dlu̱kya ɗyi nun saki nu̱ guma mbu̱ maito ɓaanu nang ke gwar ɗanar ɓu̱ nyifi ɓaanu.

1 Biturus 3:9

Ku̱ dli nu mu̱na ndu̱ mu̱na ɓa, yang ku̱ dli nu pu̱zi ndu̱ pu̱zi zum ɓa, dli ma gaɗe pu̱zang ndu̱ sar barke. Ai, Magham qa nu ma pooni ɗyiku nang, ma ku̱ gwa nu ɗye mbu̱ ge barke.

Ɗyin mbu̱ tukari 13:8

Nduki nu̱ke kharan mbu̱ larji kap ka ghar ghai ye dlu gaari nang, nang ke kap nduki nu̱ke nu̱ bu̱la dlu̱m wor nu̱ mbu̱ Lagarkati Nyifiri ɓu̱ Ye gamndi nu̱ dlaki nu̱ ghang ma ji sarchi du̱ngndi larjyang ɓa.

Ɗyin mbu̱ tukari 17:8

Chin dlu gaari no naki nang, wa kha zhu, yang leendang a nje ɓa, ka ɗa dlan dam mbu̱ ge gargha mboɓongndi nu̱ke me tu̱ɓ si ɓandi nang ma yir ye maa nu̱ke a ma tlagha nda nu̱ gha. Nduki nu̱ke kharan mbu̱ larji, wor nu̱ke nu̱ bu̱la dlu̱m wor nu̱ mbu̱ Lagarkati Nu̱ Nyifiri ɓa, ka shi lazham nar dlu gaarang, ku̱me wa kha zhu, yang leendang a nje ɓa, yang ka ɗa gaɓ gana fan tu̱k.

Ɗyin mbu̱ tukari 19:16

Ve lukti ɓaran, ndu̱ ɗyin bolan wa bu̱la dlu̱m nang nu̱ si za: “KUJI ƁU̱ KUJIKU, NDU̱ ZHINKIR ƁU̱ ZHINKIRKU.”

Ɗyin mbu̱ tukari 21:7

Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.

Ɗyin mbu̱ tukari 5:10

Ta gaɓ ndu̱ wor ma kwaaɗari ndu̱ kuruku ma ku̱ shi tlu̱nar ɓu̱ Maghamndi ɓaarem, ka shi kwaaɗar ku ɗyine larji.”