Matta 25:1 - Mewar Alqawarang

¹ “Ye sarchi nang kwaaɗar nu̱ mbu̱ viɗi ka kha wa wonkharku gwang nu̱ daki pitileku ɓaanda tu̱ ɗu̱ ku ma gaɗa nu̱ zhin ɓu̱rti.

Matta 25:1 ပူးပေါင်းရင်းမြစ်များ

Matta 13:24

Tu̱ Yesu gaɓ tu̱ zu̱ ku̱rti ɓalar nggur ye wor tu̱k za, “Kwaaɗar mbu̱ viɗi wa shipa khuski nggur nu̱ kaɓki pooni mbarkandi nu̱ mbu̱ dam ɓaran.

Matta 13:31

Tu̱ Yesu zu̱ ku̱rti ɓalar nggur ye wor za, “Kwaaɗar mbu̱ viɗi wa shipa ye pooni mastad nu̱ khuski nggur daki tu̱ kaɓ nu̱ mbu̱ dam ɓaran.

Matta 13:38

Damang ɗya larji, pooni mbarkandang ɗya qusa kwaaɗarang, gululang ɗya qusonggi ɓu̱ nu̱ mu̱narang.

Matta 13:47

“Wanang tu̱k, kwaaɗar viɗi wa shipa lem nu̱ woski nu̱ mbu̱ ɗyim chitndi ta ku̱s yurviku zu̱m zu̱m.

Matta 20:1

“Kwaaɗar mbu̱ viɗi wa shipa nu̱ rafti nggur nu̱ viki nu̱ dumaari ɗau ma qa nduki nu̱ke a ma tlu̱nar mu̱zhindi yenda mbu̱ dam qu̱far anap ɓaran.

Matta 22:2

“Kwaaɗar viɗi wa shipa kuji nggur nu̱ nggaki zu̱mndi ye woi ɓaran nu̱ke a ɓu̱rti.

Matta 25:7

“Tu̱ wonkharku gwangndang ji ku tu̱ daasa pitile ɓaanda nu̱ gha.

Matta 3:2

a zu̱ran za, “Nggoɗ ma tun njig solar ɓaanu, ku̱me kwaaɗar viɗi a shi bing.”

Matta 5:16

Wanang tu̱k, bu ku̱ kha nu ndu̱ yarang gume nduki, ku̱me mbu̱ wa na ɗye shir mbarkandi nu̱ke tun a shiran, ka gor dlu̱m Zhinonu nu̱ke a mbu̱ viɗi.

Matta 9:15

Tu̱ Yesu tlogha ye wor za, “Woɗye raptikirku ɓu̱ nu̱ zhin ɓu̱rti wa ka shi chiti mbu sarchi nu̱ke a nje su̱yen ndu̱ wor mu? Yang sarchi a nje a ɓari nu̱ke ka ɓa da nu̱ zhin ɓu̱rtang ɓar kha wora, nang ke sarchi nu̱ke ka shiki zhumti ku.

Yokhana 18:3

Tu̱ Yakhuda a ɓa ndu̱ sange sojeku ndu̱ ɓeeni nu̱ nggu̱ti kib ghaari ghai ɓu̱ Yakhudekwang ndu̱ kuruku rututundi ndu̱ Pariseku khubtan ndu̱ Pitileku ndu̱ toshilen ndu̱ ɗye ruɓarku.

Yokhana 3:29

“Wonkhar nu̱ shiki ɓu̱rti mewa ke nokhzi nu̱ zhin ɓu̱rtang, raptikir ɓu̱ nu̱ zhin ɓu̱rti nu̱ke a nje ye maa ɓu̱rtang ka bu ma tu̱k su̱qur nu̱ zhin ɓu̱rtang. Wa ka kasha maɗyi mbu wa tu̱k nu̱ zhin ɓu̱rtang wa shi ɓalari. Wanangang tu̱k kashar ɓang wa nyedli.

Tlu̱nar ɓu̱ Pudeku 20:8

Pitileku a nje khang mbu̱ dangkali nu̱ tabaki ku nu̱ njang.

1 Korintiyeku 11:2

Nga makhta nu ku̱me tun wa ka kor ndu̱ nga aakochi, ma tun a mbu ɗyi nang shogaki ye nu maɗyi ba wa nun tu̱kki.

2 Korintiyeku 11:2

Nga zhiri ɓaanu ndu̱ pooni zhiri ndolar nu̱ke Magham a shiran ye nu. Ku̱me nang nga da alqawar ɓu̱rtonu ɓar ye Masiya, yang nga shim ku̱ kha nu shibtan, ma ku̱ vu̱r nga nu yenda ba wa njif nu̱ke a vu̱r wonkhar nu̱ke ɗyinan ku̱san ye zhimen.

2 Timoti 4:8

Leendang ɗye zhar nu̱ tlu̱nar dambi a nje daasaran ku̱me nga, chin Zhinerem gwaanji nu̱ke ɗya nu̱ kumar zhire ka ɓa vu̱rki ya ye Fu̱ɗar naandang. Yang ka ɓa vu̱rkya ya nga ɗyenda ɓa, ka ɓa vu̱r ye kap nduki nu̱ke a buran ku mbe ndola ma na nda gaɓti ɓaran.

Titus 2:13

Chem shi khar ɓaarem wanang sarchi nu̱ke chem a khar buri ndu̱ sar memu̱nar ye barke nu̱ke a ɓari, nang ke ɓar ɓu̱ zhaaji ɓu̱ Maghamndi ɓaarem gwaanji nu̱ Ɗanar ɓaarem Yesu Masiya.

Ɗyin mbu̱ tukari 14:4

Nduki nang ke nduki nu̱ke nu̱ su̱bu̱r var wor nu̱gha nu̱ ku̱nshe qaandi ndu̱ nusuku ɓa, wa shi khar shakhshakhndi ku. Wor kya mbu Ye gamndang a ɗu̱kya fu̱n. Wor nang a masa wor mbe yi ɓu̱ nduki, wor khaki wa boote dam nu̱ zu̱nki gumapaali mbu̱ dam nu̱ka vu̱rki ye Magham ndu̱ Ye gamndang.

Ɗyin mbu̱ tukari 19:7

Ku̱ memu̱na rem kha ɓong, chem kasha, chem vu̱r zhaaji yenda! Jiwa sarchi ɓu̱rti ɓu̱ Ye gamndang wa shi. Nokhzi nu̱ke a ma ɓu̱rtanang wa daasa varan.

Ɗyin mbu̱ tukari 21:2

Tang na Ghai Shakhshakhndi nang tu̱k, chin ke, Urshalima mewakandi, a zhurti mbu̱ viɗi she Magham. Wa daasa nda nu̱ gha wa wonkhar nu̱ke a ma ɓu̱rti mewa nu̱ shiki viri ku̱me zhimen.

Ɗyin mbu̱ tukari 21:9

Tu̱ da chele nu̱ ru̱ktiku mutndi nu̱ du̱ɓaku nu̱ nyeelki ndu̱ alobeku mutndi nu̱ gana nang a ɓa sha tu̱ zu̱ ya za, “A ɓo, wut nga Wonkhar nu̱ke a ma ɓu̱rti mewa, chin ke nokhzi Ye gamndang.”

Ɗyin mbu̱ tukari 4:5

Wuti maari ndu̱ su̱qur ghu̱mndi maari kom ndu̱ pedlangndi a viri she zhakhɗyang. Yang tu̱k tokhol ɓaiku mut a nje nu̱ke a dlu̱r gume zhakhɗyang, nang ke jiimbi mutndi ɓu̱ Magham.

Ɗyin mbu̱ tukari 8:10

Kom tu̱ nu̱ ru̱kti ɓu̱ Magham nu̱ kunungang pi domndi ɓaran. Tu̱ anjinje gwaanji nggur nu̱ shipaki ghiindi ɓai toshilen a dlu̱ri, ta nggu̱ɗ viɗi nu̱ ɗyine da mbu̱ kunung ɓu̱ gaawu ku ndu̱ ye maa ɓaghar ɓu̱ ɗyim ku.