Ghai kaa nggu̱ɗ nu̱ ve ghai ndu̱ dakhlari tu̱ kwaaɗa, nggu̱ɗ nu̱ ve kwaaɗa, kaa shi yakhtar ma vu̱ ghai ye maa ku zum zum, ka shi meeri ndu̱ damtarku zum zum, yang nang ke nggarsi bonyang.
“Yang me ku̱ ɗyiku nang shi kap, ka ku̱sonu tu̱ vu̱r bonye ye nu, ka ɗu̱ ndu̱ zhaano ɓaanu gume maa tabarku, tu̱ khiiro nu gha mbu̱ zhaaru̱m. Tu̱ ɗu̱ ndu̱ tun gume kujiku ndu̱ nu kwaaɗarku, yang ka shi ɗyiku nang ye nu kap ku̱me nga.
Ye sarchi nu̱ke nduki a zu̱ran za, “Chem a khar mu̱nkandi memu̱narem qaandan.” Tu̱ mu̱ti ɓu̱tl nu̱ ve wora, ba wa nu̱ke khaati khar woi ka ku̱ski nu̱ ghu̱rɓandi nu̱ke a ma kha woi, yang ɓu̱ lawa ku mbe bonyang ɓa.
