Matta 24:49 - Mewar Alqawarang

⁴⁹ tu̱ yang nggaasi dlab nyeezan nu̱ tlu̱narku kap, tu̱ ka zu̱m tu̱ za ndu̱ nduki kuyakandi.

Matta 24:49 ပူးပေါင်းရင်းမြစ်များ

Matta 18:28

“Yang ba viri ɓu̱ maavyang nu̱ dam, tu̱ gama ndu̱ khuski nggur nu̱ka shiki tlu̱nar ku su̱yen, yang a mbu khuskyang kudum mu̱zhindi nu̱ke khang ɓa, tu̱ khuɓ qur khuskyang a zu̱ran za, ‘Dli kudum ɓang ya.’

Matta 24:48

Mbu̱ yang ɗya maavi malkandi, ka zu̱ mbu̱ memu̱naran za, ‘Nu̱ rafti ɓang ɓu̱ ɗa gaɓ ɗau ɓa,’

Matta 24:50

Nu̱ rafti ɓu̱ maavi nang kaɗa gaɓ ye fu̱ɗar nu̱ke nu̱ taman ɓa, kom ndu̱ sarchi nu̱ke nu̱ zu̱n ɓa.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Yokhana 2:10

tu̱ zu̱ za, “Aaki ka vu̱rkya ɗyim anap mu̱nkandi ɓar gumapaali, mbu̱ nduki wa za, kom tu̱ ɗa ɓa ndu̱ nu̱ke mu̱ndan kata. Yang ɓa to du̱ng ɗyim anap mu̱nkandang gha kope leendang!”

Romeku 16:18

Ku̱me pooni nduki nang a gharkya ghai ye Masiya Zhinerem gwaanji ɓa, a shiran ku ye mbu̱ wora. Wa ka lamba nduki nu̱ ku̱nshe ɓalar mu̱nkandi ku ndu̱ khamndi nduki nu̱ wollo, tu̱ ka lamba nduki nu̱ke ɗyin wor zu̱ran.

2 Korintiyeku 11:20

Jiwa mbu̱ nduk wa gaɓ ndu̱ tun ma maaviku ɓaran, tun wa ka kanaɗa, tun wa ka shi wanang aa nduk lawakya tun ɓar kha nu, aa shikya batal ye nu, aa wutkya ndolar ɗyin ye nu, aa ɓu̱tlonu.

Filipiyeku 3:19

Yang ka su̱ya ku ye lauɗar san. Mbu wor ke maghamndi ɓaanda. A worol ku ndu̱ ɗye kawar nu̱ shiki ku. Ɗyin larji ke damtar ɓaanda.

1 Biturus 5:3

Ku̱ kha nu ma nduki nu̱ke a shim wut zalale ɗyine nduki nu̱ke Magham vu̱rki ye nu ɓa, tun kha ma nduki nu̱ke shapirang ka shimki shoga tun khanu.

Yakhuda 1:12

Ndukiku nang ɗya nu̱ su̱bu̱rtiku, khar nu̱ke a shiran ku mbu̱ tabar bar zu̱mndi nu̱ ndolar ɓaanu, a zu̱mndi ku kawa su̱ ɓa. Wa kha ku ba wa nu̱ khutlo ku nu̱ka zu̱mki ndu̱ ɗyin wor ɗyenda tu̱ njig ndu̱ɓangku ɓaanda, wa kha ku wa sar maari nu̱ke nu̱ka shi roma ɓa, khu̱kheeti wa ka komba ɓara. A khar wa qu̱farku nu̱ke nu̱ka kha woi ye zhur maari ɓa, ɗya qu̱farku nu̱ ɓu̱ɗki nu̱ gha, wa mu̱t ku guma da.

Ɗyin mbu̱ tukari 13:7

Tu̱ njigti nda ku̱ dakhla nduki ɓu̱ Magham ku̱ ra wora. Tu̱ vu̱r zalale yenda tu̱k ɗyine aa nyi pooni nduki, ndu̱ nduki, ndu̱ me ghaiku, ndu̱ dlar maa ɓu̱ nduki.

Ɗyin mbu̱ tukari 16:6

Jiwa nduki wa mbu̱t tom ɓu̱ daatiku ɓaaro ndu̱ ɓu̱ annabiku. Yang wonji ta vu̱r tom ye wor ku̱ za ku, nang ke ɗye ɓi ɓaanda ɗo!”

Ɗyin mbu̱ tukari 17:6

Tang na nu̱ke nokhzi nang wa kuya ndu̱ tom ɓu̱ nduki ɓu̱ Magham ndu̱ tom ɓu̱ nduki nu̱ tlaghaki wor ku̱me saidar Yesu nu̱ shiki ku. Nang naki nda, tu̱ shi lazham ya maɗyi.