Matta 24:47 - Mewar Alqawarang

⁴⁷ Zhire nga zu̱ran ye nu, ka vu̱r nggu̱ti ɗyiku ɓaran kap nu̱ mbu̱ khar maavi nang.

Matta 24:47 ပူးပေါင်းရင်းမြစ်များ

Matta 24:46

Njif nu̱ke nu̱ rafti ɓaran ka ɓa gwaki nda a tlu̱nar ɓaran, ɗya nu̱ barka.

Matta 24:48

Mbu̱ yang ɗya maavi malkandi, ka zu̱ mbu̱ memu̱naran za, ‘Nu̱ rafti ɓang ɓu̱ ɗa gaɓ ɗau ɓa,’

Matta 25:21

“Tu̱ nu̱ rafti ɓaranang makhta za, ‘Kwaanggu̱rang, maavi mbarkandi nu̱ zhire! Ta shi zhire ɗyine ɗyi koɗommandi, ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Matta 25:23

“Tu̱ nu̱ raftang ze nda za, ‘Kwaanggu̱rang, maavi mbarkandi, nu̱ zhire! Ta shi zhire ɗyine ɗyi koɗommandi. Ngga vu̱r ɗyi nu̱ dukki na yoro. A ɓo to shi kashar su̱yen ndu̱ nga.’

Luka 12:37

Maaviku nangang ka ɓa shi kashar ku mbu̱ke zhin nda nu̱ raftang a khu̱l tu̱ gwa wor daasaran a ku̱rsa gaɓti ɓarani. Nga zu̱kya zhire ye nu, ka nggosa lukti nu̱ gha, tu̱ ze wor za ku̱ kha gha, tu̱ vu̱r ɗye zu̱mndi ye wora.

Luka 12:44

Zhire nga zu̱ran ye nu, nu̱ raftang ka du̱ng maavi nanang tu̱ kha ma nu̱ ɗozar ɗye varan kap yenda.

Luka 19:17

“Tu̱ nu̱ rafti ɓaranang ze nda za, ‘Wa shi mbari, maavi mbarkandi! Nu̱ke ta shi zhire ɗyine ɗyi koɗommandi nang, ngga vu̱r kwaaɗar yoro. To ka khaki ma kuji ɗyine ghaiku gwang mbu̱ wuzu̱ndi ɓanga.’

Yokhana 12:26

Kap njif nu̱ke a ghar ghai ya, wa ku̱s ku̱ mburi nga. Ye maa nu̱ke nga si kap maavi ɓang ka kha su̱yen ndu̱ nga. Zhinkir ɓang ka vu̱r zhaaji ye nduki nu̱ke a ghar ghai ya kap.”

2 Timoti 2:12

Mbu̱ chem wa gu̱n memu̱na rem, chem ka shi kwaaɗar su̱yen ndu̱ chin. Mbu̱ chem wa keela zu̱ndi nda, ka keela tu̱k za nyin zu̱nderem ɓa.

1 Biturus 5:4

Mbu̱ tun wa shi wanang, ye fu̱ɗar nu̱ke Masiya chin Gorkir Nu̱ khutlorang ka ɗa ɓa ki, ka vu̱r ɗye zhar nu̱ zhaaji ye nu nu̱ke ɗyiman nu̱ka shi vi ɓar ɓa.

Ɗyin mbu̱ tukari 21:7

Njif nu̱ raki wute nang kap ka gwa ɗye mbu̱ ge khara, tang kha ma Maghamndi ɓaran, tu̱ kha ma yi ɓang tu̱k.

Ɗyin mbu̱ tukari 3:21

Kap njif nu̱ raki wute, ngga sa nda tu̱ kha gha su̱yen ndu̱ nga wudle zhakhɗye kwaaɗar ɓanga, ba wa nang raki wute tang kha gha su̱yen ndu̱ Zhinkir ɓang wudle zhakhɗye kwaaɗar ɓaran.