Matta 24:31 - Mewar Alqawarang

³¹ Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 24:31 ပူးပေါင်းရင်းမြစ်များ

Matta 13:41

Yi ɓu̱ nduk ka ɓa ru̱k nu̱ ru̱ktiku ɓaran tu̱ taba nduki nu̱ka saki nduki ma solari ndu̱ nu̱ tlu̱na ɗyi malkandiku kap, tu̱ komba wor ɓar mbu̱ kwaaɗar ɓaran.

Matta 24:22

Mbu̱ nu̱ kata qaandi virkirku nang nu̱gha ɓa, tu̱ga aa da nduka nje nu̱ke ka ɗanaki ɓa. Yang ku̱me nduki datkandikwang, ka kata qaandi virkirkwang nu̱gha.

Matta 24:24

Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:32

“Shoga ma ɗyi nggur she qu̱far suga. Mbu̱ tun wa na me bu̱nanku wa nggaasi nggooti a zha dlu̱mndi mewakandi, tun wa zu̱n za nomandi wa shi bing.

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Matta 28:18

Tu̱ Yesu a song bing tu̱ zu̱ za, “Wa vu̱r zalale maa viɗi ndu̱ maa vu̱ghai ya kap.

Markus 13:27

Yang ka ru̱k nu̱ ru̱ktiku ɓaran ta kanggu̱la daatiku ɓaran nu̱ ye maa da. Ji ɗyin daatiku nu̱ke a ɗokhatla, ma yir mugu, kom ndu̱ nu̱ke a kona maa yir zan. Ji ɗyin tleebi larji nang ma yir tleebi larji nang ndang.

Luka 24:47

Yang ka shi wopar njigti solar ndu̱ yaapar solar mbu̱ dlu̱man ye nduki nu̱ larji kap, yang ka nggaasan Urshalima.

Yokhana 11:52

Yang ku̱me Yakhudeku ɗyenda ɓa, ku̱me ku̱ ɗa taba ɗyin qusonggi ɓu̱ Magham nu̱ke lakhtaran aa fu̱n tu̱ kha da ku.

Romeku 10:18

Yang bu shi nga zhamndi, “Nu̱ tu̱k labarang ku de?” Wa tu̱k ku shwat, Jiwa Bu̱lar Ɓalar ɓu̱ Magham wa zu̱ za, “Su̱ qur wor wa ɗu̱ mbu̱ larji kap, ɓalarku ɓaanda wa khu̱l aa fu̱n mbu̱ larji.”

1 Korintiyeku 15:52

ɗyen ka shi ba ku̱luw, mbu̱ kelep yiti, mbu̱ wa pi domndi nu̱ gana. Jiwa ka ɓa pi domndi, tu̱ ji ndu̱ mu̱tiku ndu̱ manvarku nu̱ke nu̱ka shi mu̱tl ɓa, ka nggoɗ shipar ɓaarem yerem nu̱gha tu̱k.

Afiseku 1:10

Ku̱rti ɓaran chin ke, mbu̱ sarchi wa nyedli, chin ka taba aa nu̱m ɗyi nu̱ke a viɗi kap ndu̱ ɗyiku nu̱ vu̱ghai tu̱ khan mbu̱ bu̱n zalale ɓu̱ Masiya.

1 Tasalonikeku 4:16

Jiwa Zhinerem gwaanji ndu̱ ɗyinan ka ɗa zhur viɗi, ndu̱ qar maɗyikandi, ndu̱ su̱qur gorkir ɓu̱ nu̱ ru̱ktiku ɓu̱ Magham, ndu̱ piiri domndi ɓu̱ Magham. Nduki nu̱ mu̱tki mbe Masiya, ka nggaki su̱ jiiri gumapaali.

2 Tasalonikeku 2:1

Nyeezaku, viɗ ɗyine ɓalar gaɓti ɓu̱ Zhinerem gwaanji Yesu Masiya, ndu̱ taba rem nu̱ke a ma shiran nu̱ she nda. Chem a khutonu,

Yibraniyeku 12:19

ndu̱ piiri domndi, ndu̱ su̱qur ɓala ɓa. Su̱ qur ɓalar nang saki tu̱ nduki nu̱ tu̱kki khuɗ za ku̱ zu̱m guma ndu̱ ɓalar ye wor ɓa.

Ɗyin mbu̱ tukari 1:20

“Wonji ɗyi tukakandi nu̱ mbu̱ anjinjeku mutndi no naki mbu̱ khara nu̱ zu̱mang, kom ndu̱ mbu tokhol ɓai ku nu̱ ginarwe wor mutndang. Wor anjinje mutndi nang, ɗya nu̱ ru̱ktiku ɓu̱ tabarku ɓu̱ nu̱ mbu Yesu ku mutndang, yang tu̱k tokhol ɓai ku nu̱ ginarwe wor mutndi nang, ɗya tabar ɓu̱ nu̱ mbu Yesu ku wor mutndang.”

Ɗyin mbu̱ tukari 11:15

Tu̱ nu̱ ru̱kti ɓu̱ Magham nu̱ mut pi domndi ɓaran. Tang tu̱k su̱qur ɓalarku khang du̱mbu̱rkandi mbu̱ viɗi a zu̱ran ku za: “Kwaaɗar ɓu̱ larjyang wa kha ma kwaaɗar ɓu̱ Zhinerem gwaanji ndu̱ ɓu̱ Masiye ɓaran, yang ka shi kwaaɗar aakochi koɗokhsi ɓa!”

Ɗyin mbu̱ tukari 7:1

Qu̱rse nang, tang na nu̱ ru̱kti ku ɓu̱ Magham wor vat chingndan ve ngginggeetli vat nu̱ larji, a nggu̱tl khu̱kheeti vatndi nu̱ larji nang ku̱ pi nu̱ vu̱ghai, ndu̱ ɗyim chitndi, ndu̱ qu̱fa ɓa.

Ɗyin mbu̱ tukari 8:2

Kom tang na nu̱ ru̱kti ku ɓu̱ Magham mutndikwang chingndan gha ku gume Magham, tu̱ yang vu̱r domndiku mut ye wora.