Matta 24:24 - Mewar Alqawarang

²⁴ Ku̱me Masiye kotameku ndu̱ annabi kotameku kaɗa vi ku, tu̱ shi shipar ɗyiku ndu̱ ɗye lazhamku, ma ku̱ lamba nda nduki, ndu̱ aa nduki datkandiku mbu̱ ka shi.

Matta 24:24 ပူးပေါင်းရင်းမြစ်များ

Matta 22:14

“Wa qa nduki khang yang ka datkya nduki koɗom chele ɓaanda.”

Matta 24:11

Annabi kotameku khang ka ɗa ɓa ku tu̱ lamba nduki khang.

Matta 24:22

Mbu̱ nu̱ kata qaandi virkirku nang nu̱gha ɓa, tu̱ga aa da nduka nje nu̱ke ka ɗanaki ɓa. Yang ku̱me nduki datkandikwang, ka kata qaandi virkirkwang nu̱gha.

Matta 24:25

Yang ngaa ze nun gha nu̱ ɗawi.

Matta 24:31

Kaɗa ru̱k nu̱ ru̱ktiku ɓaran tu̱ pi domndi nu̱ qur maɗyi, tu̱ taba nduki nu̱ datki ɗokhatla ndu̱ mugu, kona ndu̱ zan ndu̱ aa fu̱n mbu̱ larji.

Matta 24:5

Ku̱me nduki khang kaɗa ɓa mbu̱ dlu̱ma, ka zu̱ ku za, ‘Nga ke Masiya,’ yang ka lamba nduki khang.

Matta 7:15

“Ku̱r ma vaanu ndu̱ kotame annabiku nu̱ka ɓa ki she nu mbu̱ shipar ɓu̱ ndu̱ɓangku yang wa ɗya yiɗi gaari nu̱ke a tu̱k meeri maɗyi ku.

Markus 13:22

Ku̱me Masiye nu̱ kotame ku ndu̱ annabi kotame ku ka ɗa viiku, kaa wut ɗye saidu ku, ndu̱ ɗye lazham ku, ma lamba nduki, mbu̱ ka ɗu̱ma ku tu̱ga ka lamba aa nduki datkandikwang.

Luka 18:7

Yang alapa Magham ɓu̱ ɗa kobyo ɓu̱ daatiku ɓaran nu̱ kya ghoori yenda fu̱ɗar ndu̱ virkir ɓa? Ka zhang tu̱k wor gha mu?

Yokhana 4:48

Tu̱ Yesu tlogha yenda za, “Mbu̱ nun na ɗye saidu ndu̱ ɗye lazhamku ɓa, tun maita sar da ɓa.”

Yokhana 6:37

Kap nduki nu̱ Zhinkirang vu̱rki ya, kaɗa ɓa sha ku, yang njif nu̱ ɗa ɓa ki sha ngam ɓu̱ komba nda ɓa.

Yokhana 6:39

Yang njif nu̱ ɗa ru̱kki ngang nu̱ shim ku̱ mbu̱ɗ nga da chele nduki nyin vu̱rki ya ɓa, a shim nakha nga wor fu̱ɗar wuri.

Tlu̱nar ɓu̱ Pudeku 20:16

Bulus nu̱ shim ɗu̱ nji Afisa ɓa, ku̱me ku̱ su̱bu̱r nji sarchi Asiya ɓa. A wakho mbu̱ ka shi gwa nji chin khu̱l Urshalima me ku̱ Tabar Pentikos shi.

Romeku 12:18

Shi ma ɗyi nu̱ke tun ka ɗu̱maki kap, mbu̱ ka shi, tun kha mu̱n ndu̱ aaki.

Galatiyeku 4:15

Tun wa kasha maɗyi ye sarchi naandang! Yang leendang a fu̱n kashar nun shiki ku̱me nga ɗo? Ku̱me nga maita nu̱ ɗyine ye sarchi naandang mbu̱ ka shi, tu̱ga tun ka fu̱lokh yito nu tun vu̱r ya!

2 Timoti 2:19

Yang su̱ du̱ndi du̱mbu̱rkandi nu̱ Magham du̱nkyang, ba a nje shokhku̱rokh ndu̱ yitu̱m nu̱ saki nu̱ ɗyinan. Nu̱ zu̱ki za, “Magham wa zu̱n nduki nu̱ke ɓaran” yang “Kap njif nu̱ke a zu̱ran za chin ɓu̱ Zhinkir gwaanji ku̱ shakh ɗyinan tu̱ kha ɓakh ndu̱ tlu̱nar malkandi.”

1 Biturus 1:5

Tun nu̱ke nu̱ ku̱nshe maito ɓaanu zalale ɓu̱ Magham a khutloro nu. A shim ku̱ khu̱l nu ma gwa nu ɗanar nu̱ daasaki, ma ku̱ wuti nda ye dalangi ye lauɗar su̱ qaandi virkirku.

2 Bitu̱rus 3:17

Ku̱me nang, tun raptaku nu̱ke nga ndolaran, nu̱ke tun wa woɗa da mbu̱ ɗyiku nang, ku̱r ma vaanu ndu̱ pooni nduki nu̱ njigki mbu Magham nang. Ku̱ shogar wollo ɓaanda da khangkal ɓaanu ɓar tun nggu̱ɗi tun njig ye maa nu̱ke tun a si ɓa.

1 Yokhana 2:18

Tun qusonggi ɓanga, nang ke lauɗar su̱ qaandi virkirku. Ba wa nun tu̱kki za, nu̱ zhangndi Masiya a nje a ɓari, yang aa leendang nu̱ zhangndi Masiya ku khang a ɓa. Nang ke ɗyi nu̱ saki chem zu̱n za chem a mbu̱ lauɗar su̱ qaandiku.

1 Yokhana 2:22

Ki ke nu̱ wollo? Ɗya njif nu̱ kelaki za Yesu ke Masiya. Njif nu̱ kelaki Zhinkirang ndu̱ Woyang, nang ke nu̱ zhangndi Masiya.

1 Yokhana 5:18

Chem wa zu̱n kap njif nu̱ke ɗya woi ɓu̱ Magham, nu̱ka zu̱m guma ndu̱ shir sola ɓa, ku̱me Yi ɓu̱ Magham a kangga nda, ma ku̱ Sheɗan su̱ɓa nda ɓa.

Ɗyin mbu̱ tukari 19:20

Tu̱ yang ku̱s dlu gaarang su̱yen ndu̱ annabi kotame nu̱ shiki ɗye lazhamku me ɓaranang, tu̱ lamba nduki nu̱ke bakhti ɓu̱ dlu gaarang a nje ve worang. Ndu̱ nduki nu̱ gharki ghai ye shipar ɓaranang nu̱ ku̱nshe ɗye lazhamku nu̱ shikyang. Tu̱ ku̱s dlu gaari nang su̱yen ndu̱ annabi nu̱ wollo nang tu̱ mbuk mbu̱r ɓaanda nu̱ nyifi mbu̱ giɗim ɓai nu̱ solfa.