Matta 24:15 - Mewar Alqawarang

¹⁵ “Mbu̱ tun wa na tlu̱nar malkandi nu̱ ɗye zhaane, nu̱ annabi Daniyel zu̱kya chingndan ye ma shakhshakhndang (ku̱ nu̱ nggu̱ti ye chiti nang da mban.)

Matta 24:15 ပူးပေါင်းရင်းမြစ်များ

Matta 24:16

Nang ɗo, ku̱ nduki nu̱ke a dlar ghai Yakhudiya ɗan mbu̱ dlengkwang.

Markus 13:14

Yang mbu̱ tun wa na tlu̱nar malkandi nu̱ke ɗya ɗye zhaane nu̱ka ɓa ki ndu̱ gu̱ɗari, chingndan ye maa nu̱ke nu̱ shipa ɓa, (nu̱ nggu̱ti ye chiti nang ku̱ da mban). Njif nu̱ke a Yakhudiya ku̱ ɗan mbu̱ dlengkwang.

Luka 19:43

Sarcha ɓar nu̱ke nu̱ zhangndi ɓa ku ka du̱nki garuk tu̱ kara si, tu̱ nggu̱ɗ nu̱ ve ndu̱ dakhlari, sojeku ka kara ve aa nyi maa,

Luka 21:20

“Sarchi nun naki sojeku wa kara Urshalima zu̱n ma nu̱ gha gu̱ɗar ɓaran a shi bing.

Yokhana 11:48

Mbu̱ chem wa njigti nda tu̱ ki shi ɗyiku nang nduki kap ka maita nda. Kom Romekwang kaɗa ɓa tu̱ lawa maa ɓaarem ɓar khaarem tu̱ gu̱ɗa Rafti ɓu̱ Maghamang yerem nu̱gha!”

Tlu̱nar ɓu̱ Pudeku 21:28

a zhaano ku a zu̱ran za, “Nyeezerem Israila, shaata ma rem! Wonji njif nu̱ baaraki aa fu̱n a pu̱z nduki ɓaarem, ndu̱ woparku ɓaarem, ndu̱ rafti ɓu̱ Maghamndi ɓaarem nang. Wonji a ɓa tu̱k ndu̱ Kheleneku nggur mbu̱ raftang ma ku̱ sa maa shakhshakhndi nang ku̱ kha ndu̱ ru̱gna.”

Tlu̱nar ɓu̱ Pudeku 6:13

Tu̱ dle gumekwang a ɓa ndu̱ nu̱ saidu wollo ku tu̱ zu̱ ku za, “Khuski nang nu̱ laada ɓalar bamndi nu̱ ɗyine ye maa shakhshakhndi nang ndu̱ wopar ɓu̱ Musa ɓa.

Yibraniyeku 2:1

Ku̱me nang, wa ku̱s ku̱ sa mi khankal ɓaarem maɗyi nu̱ ɗyine ɗyiku nyem tu̱kki, ma ku̱ nduk duterem ɓar chem gal gha ve njiva ɓa.

Ɗyin mbu̱ tukari 1:3

Barkya ve njif nu̱ nggu̱tki mbu̱ bu̱lar nu̱ke a mbu̱ lagarkati nang, yang barkya ve nduki nu̱ nggaki dlu̱mdi wor ma tu̱k zoɓar nu̱ke ɗya zu̱r ɓu̱ Magham nang. Tu̱ yang ku̱s ɗyi nu̱ke a nje bu̱laran mbu̱ lagarkatang nu̱ mbu̱ memu̱naran! Jiwa sarchi shir ɓu̱ ɗyiku nang wa shi bing ɓari.

Ɗyin mbu̱ tukari 3:22

Nu̱ dlu̱mdi tu̱kti maa, ku̱ tu̱k ɗyi nu̱ke Jiimba a zu̱ran ye tabarku ɓu̱ nu̱ mbu Yesu ku!”