Aa nu̱ke nu̱ dlu̱r shoga ka ɗu̱ma khar wa Maalu̱m ɓaran, tu̱ maava kha wa nu̱ rafti ɓaran. Yang ma nu̱ke wa qa nu̱ raftang za Baalzabul, ka qa ndukiku ɓaran za nu̱ma?
A mbu̱ ɓalarang, tu̱ ku̱zapti nu̱ke a wuti, a ɓa tu̱ za wor nu̱gha, tu̱ tu̱k su̱qur mbu̱ ku̱zaptang a zu̱ran za, “Nang ɗya Yi ɓanga, nu̱ke nga ndolaran, ngaa tu̱k mu̱ndi ɓaran maɗyi. Gwa ma dlu̱mndonu yenda.”
Tu̱ yang Biturus ze Yesu za, “Zhinerem gwaanji, wa shi mbar nu̱ke chem a nje fan, yang buu kwaɗami maa khar kunung ye nu, da ɓaaro, da ɓu̱ Musa, da ɓu̱ Iliya.”
Nu̱ Yesu dambu̱rki tu̱ nggu̱t maa gana, tu̱ na a mbu gaanje nda ku, tu̱ zham wor za, “Tun a shimkya nu̱ma?” Tu̱ ze nda ku za, “Rabbi” Nu̱ke mban za Maalu̱m, “To kharan fu̱na?”
Ta ɓa she Yesu mbu̱ virkiri za, “Maalu̱m, chem wa zu̱n za to maalu̱m nu̱ Magham a ru̱kki ro. Ku̱me nduk a nje nu̱ke ka ɗu̱maki shi ɗye lazhamku nu̱ke ta shiran nang ɓa kope Magham a nje su̱yen ndu̱ chin.”
Tu̱ nu̱ mbu Yokhana kwang ɗu̱ she Yokhana ku tu̱ ze nda za, “Maalu̱m, njif nu̱ke ta su̱yen ndu̱ chin ve dlar Gaawu Urdunang nu̱ke to nu̱ ɗyinor saidaki ndang a njig far a baptisme, yang aakya yir she nda.”
Tu̱ yang nu̱ mburindakwang zham nda za, “Maalu̱m, zop ɓu̱ ki saki tu̱ kha khuski nang pugumang nang na? Ɗya ku̱me solar ɓaran mu, yang solar ɓu̱ man ndu̱ zhin?”
Ta ma dlu̱r nda ma khar maava ɗyenda ɓa, wa duk wanang leendang, a khar khaterem nu̱ke chem a shimndan. Mbu̱ nga shim nda to ɗa, ai to ka shim nda dukti nang, ye khar ɓaran maavi ɓaaro ndu̱ njif nu̱ maitaki Zhinerem gwaanji!
Tang nggu̱ɗ nu̱ gume nda ma ghar ghai yenda, tu̱ yang zu̱ ya za, “Shi na ɓa! Nga mu̱dlo maava, su̱yen ndu̱ nyeezorku, nu̱ke a saida zhire nu̱ Yesu wutki. To ka gharkya ghai ye Magham!” Ku̱me zhire nu̱ Yesu wutki vu̱rki zalale zu̱r ɓalar nu̱ ɗa viki she Magham.
Tu̱ yang zu̱ ya za, “Shi na ɓa! Nga mu̱dlonu maava, to ndu̱ nyeezor annabiku, ndu̱ kap nduki nu̱ke a mbu ɓalar nu̱ mbu̱ lagarkati nang. Ghor ghai ye Magham!”