Matta 22:13 - Mewar Alqawarang

¹³ “Tu̱ kujirang ze nu̱ tlu̱narku ɓaran za, ‘Gu̱n ma khaaran ndu̱ saaran nu̱gha, tun mbukti nda nu̱ mbu̱ zhum malkandi, ye maa nu̱ke kaɗa shiki ghoori ndu̱ ku̱ti dliindi.’

Matta 22:13 ပူးပေါင်းရင်းမြစ်များ

Matta 12:29

“Sar da nduk ɓu̱ ɗu̱ma viri nu̱ kaa ɓu̱ njif nu̱ke du̱mbu̱ran tu̱ yang ghar ɗye varan ɓar ɓa, kope wa gu̱n njif du̱mbu̱rkandang nu̱gha dong, kom tu̱ ɗu̱ma ghar ɗye varanang ɓar mbu̱ rafti ɓaran.

Matta 13:30

Njig ma wor tu̱ gorku su̱yen kope sarchi ku̱mndi, ye sarchi nang, ngga ze nu̱ ku̱mndikwang ku̱ nggaasan ndu̱ ku̱mndi gululang ɓar dong, tu̱ gu̱n nu̱gha ma ku̱ ɓaa va nu̱ gha. Kom tu̱ taba pooni alkame mbarkandang tu̱ zu̱n mbu̱ gatle ɓanga.’ ”

Matta 13:42

Tu̱ mbuk wor nu̱ mbu̱ giɗim ɓai gu̱rgu̱rndi, ye maa nu̱ke ka shiki ghoori ndu̱ ku̱ti dliindi.

Matta 13:50

Tu̱ mbuk nduki nu̱ mu̱narkwang nu̱ mbu̱ giɗim ɓai gu̱rgu̱rndi, ye maa nu̱ke ka shiki ghoori ndu̱ ku̱ti dliindi.”

Matta 24:51

Nu̱ rafti na ka shi dlabti malkandi yenda tu̱ shi kumar yenda su̱yen ndu̱ nu̱ mu̱narku. Nang ke ye maa nu̱ke ka shiki ghoori su̱yen ndu̱ ku̱ti dliindi.

Matta 25:30

Mbuk ma maavi bamndi nang nu̱ mbu̱ zhum malkandi, ye maa nu̱ke ka ɗa shiki ghoori ndu̱ ku̱ti dliindi.’

Matta 8:12

Yang ka mbuk nduki nu̱ke tu̱ga wor ke qusonggi kwaaɗar ɓu̱ Magham, tu̱ yang zhang gha kwang nu̱ dam. Mbu̱ zhum maari, ye maa nu̱ke ka shiki ghoori ku ndu̱ ku̱ti dliindi.”

Luka 13:28

“Sarchi nun naki Yibram ndu̱ Yishaku ndu̱ Nyagham ndu̱ annabiku kap mbu̱ kwaaɗar ɓu̱ Magham, tu̱ yang komba nu ɓara, nang ke sarchi nu̱ke tun ka ɓa shiki ghoori ndu̱ ku̱ti dliindi.

Yokhana 21:18

Zhire, nga zu̱ran yoro, sarchi nu̱ke to nyakhtli, ta ka sa lukti to ɗu̱ ye maa nu̱ke ta shimndan kap. Yang mbu̱ ta geema to ka vu̱r kha ye njif nggur tu̱ sa lukti yoro. Tu̱ ɗu̱ ndu̱ to ye maa nu̱ke ta shim yir si ɓa.”

Tlu̱nar ɓu̱ Pudeku 21:11

Nu̱ Agabus a ɓa ki she rem tu̱ da ɗye gu̱ndi mbu̱ var ɓu̱ Bulus. Tu̱ gu̱n kharanku ndu̱ saaranku nu̱gha tu̱ zu̱ za, “Wonji ɗyi nu̱ Jiimbi shakhshakhndi zu̱ki. ‘Yakhudeku nu̱ Urshalima ka gu̱n nu̱ ɗye gu̱ndi mbu̱ var nang nu̱ gha wanang, ka vu̱r nda nu̱ mbu̱ khar nduki nu̱ke ɗya Yakhudeku ɓa.’ ”

Tlu̱nar ɓu̱ Pudeku 7:54

Nu̱ tu̱kki wanang ku, tu̱ memu̱na wor su̱bu̱r maɗyi, tu̱ ku̱t dliindi wora.

2 Tasalonikeku 1:9

Ka za bonyeku tu̱ su̱ya wor nu̱gha guma da, ka shakh wor ndu̱ Magham ndu̱ zhaaji zalale ɓaran.

2 Bitu̱rus 2:17

Nu̱ lambar ku nang a shipa giɗim nu̱ ɗyiman njiiki. A khar ku wa tu̱tanggal nu̱ khu̱kheeti ka kooki ɓara. Magham wa daasa maa khar ye wor mbu̱ zhum maari chit su̱ɗu̱kndi.

2 Bitu̱rus 2:4

Aa nu̱ ru̱ktiku ɓu̱ Magham, sarchi nu̱ shiki zop ku zhu, nu̱ Magham njig wor ɓa, wa mbuk wor nu̱ mbu̱ giɗim ɓai. Tu̱ gu̱n wor nu̱gha mbu̱ geeku kirkandi nu̱ke maaran zhum. A bu fu̱ɗar kumari.

Yakhuda 1:13

A khar wa zo ɗyim nu̱ka gu̱rki nu̱ viɗi a me yirti mbu̱ gaawu gwaanji, a pakh ɗyin wor ku mbu̱ ɗye kawar ɓaanda wa khubulbutli ɗyim. A khar wa anjinjeku nu̱ke a baara maaku bam bam, zhum maɗyikandi nu̱ke koɗokhsi ɓa a nje du̱ngdan ku̱me wora.

Yakhuda 1:6

Yang nu̱ ru̱ktiku ɓu̱ Magham nu̱ke nu̱ ching nu̱ ye maa nu̱ Magham saki wor nu̱ su̱ ku ɓa, tu̱ njig ye maa khar ɓaanda, Zhinkir gwaanji wa khi wor nu̱ mbu̱ zhum maari. Tu̱ gu̱n wor gha ndu̱ yakhli koɗokhsi ɓa ma yir ye sarchi kumar ye fu̱ɗar gwaanji nu̱ke a ɓar nang.

Ɗyin mbu̱ tukari 21:27

Ɗyi nu̱ke zopan ɓu̱ vi nu̱ mbu̱ ghai nang sar da ɓa, yang nu̱ shir ɗye kawa, ndu̱ nu̱ wollo ɓu̱ vi nu̱ mban zum ɓa. Kope nduki nu̱ke dlu̱m wor a nje bu̱laran mbu̱ Lagarkati Nyifiri ɓu̱ Ye gamndang.