Matta 21:31 - Mewar Alqawarang

³¹ “Mbu̱ qusonggi rapndi nang, ki shiki ɗyi nu̱ke ku̱maandi ɓaranang a shimnda nang?” Tu̱ tlogha ku za, “Nu̱ gumapaalyang.” Tu̱ yang Yesu ze wor za, “Zhire ngaa zu̱ran ye nu, nu̱ dlu̱r zhaanggalku ndu̱ man mu̱nggu̱lku ka khan gume nu ndu̱ viri nu̱ mbu̱ kwaaɗar viɗi.

Matta 21:31 ပူးပေါင်းရင်းမြစ်များ

Matta 12:50

Ku̱me kap njif nu̱ shiki ɗyi nu̱ke Zhinkir ɓang nu̱ mbu̱ viɗi a shimndan, chin ke khata aa khusku aa nusu, ndu̱ mankir ɓang tu̱k.”

Matta 18:3

Tu̱ zu̱ za, “Ngaa zu̱ zhire ye nu, mbu̱ nun nggoɗ tun kha wa qusonggi pichichi ɓa, sar da tun ɓu̱ vi nu̱ mbu̱ kwaaɗar ɓu̱ Magham ɓa.

Matta 20:16

“Ku̱me nang nu̱ gana ka kha ma nu̱ guma, nu̱ guma ka kha ma nu̱ gana.”

Matta 21:30

“Tu̱ ku̱maandang ɗu̱ she nu̱ rapang tu̱ zu̱ ɗyi nu̱ zu̱ki ye nu̱ guma yenda. Tu̱ woyang tlogha za, ‘Ngga ɗi ku̱man,’ yang nu̱ ɗu̱ ɓa.

Matta 5:18

Zhire nga zu̱ran ye nu, me ku̱ maa viɗi ndu̱ ma vu̱ghai sagha, aa tun mbillokh aa dobti tun koɗom mbu̱ bu̱lar woparang ɓu̱ sagha ɓa, kope wa nyel kap.

Matta 5:46

Mbu̱ tun a ndola kya nu̱ ndolar nu ɗyenda, tun ka gwa ɗye ɓiira fu̱na? Aa nu̱ dlu̱r zhaanggalku wa ka shi ba wa nun ka shikyang.

Matta 6:5

“Yang tu̱k, mbu̱ tun a ma bara, shi nu wa nu̱ mu̱nar ku nang ɓa. Wa ka shim shi bararku ye maa tabar ɓaanda chingndan ndu̱ yiti njivku ma ku̱ nduki na wora. Zhire nga zu̱ran ye nu, wa woɗa dlu̱ ɗye ɓi ɓaanda.

Matta 7:21

“Kap nduki nu̱ka qaki nga ‘Zhinerem gwaanji, Zhinerem gwaanji’ ka viki nu̱ mbu̱ kwaaɗar ɓu̱ Magham ɓa, kope njif nu̱ shiki ɗyi nu̱ke Zhinkir ɓang nu̱ke a mbu̱ viɗi a shimndan.

Matta 9:9

Nu̱ Yesu zu̱mki guma ndu̱ yiri, tu̱ na khuski nggur nu̱ka qaki nda za Matta, kharan gha ye maa dlu̱r zhaanggali; tu̱ Yesu ze nda za, “A mburi nga.” Tu̱ yang ji tu̱ mburi nda.

Luka 15:10

Nga maataran ye nu, wanang tu̱k nu̱ ru̱ktiku ɓu̱ Magham a kashari ɗyine aa nyi nu̱ solar da nu̱ tubaki.”

Luka 19:22

“Tu̱ nu̱ rafti ɓaranang tlogha yenda za, ‘To maavi malkandi ngga kuma viɗi ɗyine ɓalar no zu̱ki ndu̱ meero. Alapa ta daran za nga nduk sharkandi ku̱me nga ka da ɗyi nu̱ke nang du̱ng gha ɓa, tang ku̱m ɗyi nu̱ke nang kaɓ ɓa,

Luka 7:29

Nu̱ ndukyang tu̱kki wanang, tu̱ nu̱ dlu̱r zhaanggalku ndu̱ ɓeena ndukyang kap tlogha za ɗyi nu̱ Magham shikyang wa shi torop, ku̱me wor nu̱ va nda wa shi baptisme ku she Yokhana.

Yokhana 3:3

Tu̱ Yesu tlogha yenda za, “Zhire, zhire, nga zu̱ran yoro mbu̱ nu̱ gaɓ tu̱ kha nduk nu̱ si zu̱m ɓa ɓu̱ na kwaaɗar ɓu̱ Magham ɓa.”

Yokhana 3:5

Tu̱ Yesu tlogha yenda za, “Zhire zhire nga zu̱ran yoro, mbu̱ nu̱ kha nduk nu̱ ku̱nshe ɗyim ndu̱ Jiimba ɓa, ɓu̱ vi nu̱ mbu̱ kwaaɗar ɓu̱ Magham ɓa.

Tlu̱nar ɓu̱ Pudeku 17:30

Zhu tang Magham nu̱ kuma nduki ku̱rku̱r ndu̱ zop ɓaanda ɓa, ku̱me song zu̱ndi ɓaanda. Yang leendang wa qa nduki aa fu̱n ku̱ nggoɗ ku.

Romeku 3:19

Chem wa zu̱n nu̱ ɗyine ɗyi nu̱ Bibitang zu̱ki kap, a zu̱ran ye nduki nu̱ke a mbu̱ bu̱n Bibitang. Shi wanang ma ku̱ nduk gwa ɗye zu̱ ɓa, tu̱ larji kap khan mbe kumar ɓu̱ Magham.

Romeku 5:20

Vu̱r Bibitang ma ku̱ sola a vi ye dalangi. Yang sarchi nu̱ sola shaataki, tu̱ mu̱nkir ɓu̱ Magham shaata maɗyi.

2 Bitu̱rus 3:9

Ɓeeni nduki a zu̱ran za Zhinkir gwaanji a ku̱ɗa ku̱ɗa ndu̱ alqawar nu̱ shiki. Yang ɗyen wanang ɓa, a shikya kaɗanyi ndu̱ tunu nu̱ shim ku̱ aaki su̱ya ɓa, a shim ku̱ aaki nggoɗi.