Matta 21:19 - Mewar Alqawarang

¹⁹ Nu̱ naki qu̱far sugar tleebi njivang, tu̱ ɗu̱ she qu̱farang, yang nu̱ gwa aa nu̱m su̱ ɓa kope dlu̱mndan. Tu̱ ze qu̱far sugarang za, “Gana fan kha na woi tu̱k ɓa!” Tu̱ qu̱farang ghwar varan fan ndu̱ fan.

Matta 21:19 ပူးပေါင်းရင်းမြစ်များ

Matta 21:20

Ni nu̱ mburi nda kwang naki wanang, tu̱ shi lazham ku maɗyi. Tu̱ zu̱ ku za, “Shi kikimndan tu̱ qu̱far sugarang ghwar ba fan ndu̱ fanang?”

Markus 11:14

Tu̱ Yesu ze qu̱far sugarang za, “Gana fan nduk ɓu̱ nji woi ɓa tu̱k ɓa!” Yang nu̱ mburindakwang wa tu̱k ɓalar nu̱ shikyang.

Markus 11:20

A peetar ku nu̱ dumaari, tu̱ na qu̱far Sugarang wa ghwari ji ɗyin dlu̱dlarsan ma yir viɗi.

Luka 3:9

Aa ye leendangang, wa du̱ng me shuuvi nu̱ ve dlu̱dlarsi su̱ qu̱far kwang. Aa nyi qu̱far nu̱ke nu̱ kha qusonggi mbarkandi ɓa, ka ku̱m nu̱ gha tu̱ mbuk nu̱ ɓai.”

Yokhana 15:2

Aa nyi me bu̱n qu̱far nu̱ke nu̱ kha woi mbya ɓa, ka ku̱rta nu̱ gha. Aa nyi bu̱n nu̱ khaki woi, ka shaata kwaɗa nda nu̱ gha ma ku̱ shaata khar woi.

Yokhana 15:6

Kap njif nu̱ke nu̱ khan mbya ɓa, a shipa bu̱n qu̱far nu̱ ɗatlki tu̱ mbuk gha tu̱ ghwari. Nduki ka taba poonan tu̱ gu̱n ɓai nu̱ si, tu̱ va wor nu̱ gha.

2 Timoti 3:5

Dam a wutan ku za wor nu̱ zu̱ndi Magham, yang khar viti ɓaanda wa keela zalale nu̱ke a mban. Shakh ma ɗyinonu ndu̱ pooni nduki nang.

Titus 1:16

A zu̱ran ku ndu̱ me wor za wor wa zu̱n Magham, yang tlu̱nar ɓaanda wa ngga yen ndu̱ zu̱ndi Magham. Wa kha ma ɗye zhaane ku, nu̱ zhangndi tu̱kti maa, nu̱ shipa shir ɗyi mbarkandi ku ɓa.

Yakhuda 1:12

Ndukiku nang ɗya nu̱ su̱bu̱rtiku, khar nu̱ke a shiran ku mbu̱ tabar bar zu̱mndi nu̱ ndolar ɓaanu, a zu̱mndi ku kawa su̱ ɓa. Wa kha ku ba wa nu̱ khutlo ku nu̱ka zu̱mki ndu̱ ɗyin wor ɗyenda tu̱ njig ndu̱ɓangku ɓaanda, wa kha ku wa sar maari nu̱ke nu̱ka shi roma ɓa, khu̱kheeti wa ka komba ɓara. A khar wa qu̱farku nu̱ke nu̱ka kha woi ye zhur maari ɓa, ɗya qu̱farku nu̱ ɓu̱ɗki nu̱ gha, wa mu̱t ku guma da.

Ɗyin mbu̱ tukari 22:11

Nu̱ tlu̱nar zop ku̱ zu̱m guma ndu̱ tlu̱nar zop ɓaran, nu̱ tlu̱nar ɗye zhaana ku̱ zu̱m guma ndu̱ shir ɗye zhaane ɓaran tu̱k. Yang nu̱ tlu̱nar ɗyi mbarkandi ku̱ zu̱m guma ndu̱ shir ɗyi mbarkandi ɓaran, nu̱ khar viti shakhshakhndi tu̱k ku̱ zu̱m guma ndu̱ khar viti shakhshakhndi ɓaran.”