Matta 20:8 - Mewar Alqawarang

⁸ “Nu̱ mugdi shiki, tu̱ nu̱ damang ze nu̱ shaatar nda ndu̱ nggu̱ti damang za, ‘Qo nu̱ tlu̱narkwang to ɓi wora, to nggaasan ndu̱ nduki nu̱ qaki wor gana ma yi ɗyin nduki nang qaki wor gumapaalyang.’

Matta 20:8 ပူးပေါင်းရင်းမြစ်များ

Matta 20:7

“Tu̱ zu̱ ku za, ‘Nduka nje nu̱ vu̱rki tlu̱na yerem ɓa.’ “Tu̱ ze wor tu̱k za, ‘Ɗu̱ma tun a shi tlu̱nar mbu̱ dam ɓanga.’

Matta 20:9

“Nduki nu̱ qaki wor vi qurmun nu̱ mugdang ta ɓa ku, tu̱ vu̱rkya mu̱zhindi tlu̱nar piti ye wora.

Matta 25:19

“Nu̱ qanki khang maɗyi gaandan, tu̱ nu̱ rafti ɓu̱ nu̱ tlu̱narkwang a gaɓ ma ku̱ aaki shiga su̱ ɗyi nu̱ wor shiki ndu̱ mu̱zhindang.

Matta 25:31

“Sarchi nu̱ke Yi ɓu̱ Nduk kaɗa gaɓki mbu̱ zhaaji ɓaran ndu̱ nu̱ ru̱ktiku ɓu̱ Magham kap, ka khan ɗyine zhakhɗye kwaaɗar ɓaran nu̱ke zhaajya si.

Luka 10:7

Mbu̱ tun wa vi nu̱ mbu̱ ghai, tun kha ba nu̱ mbu̱ rafti da, tun zu̱m aa nyi ɗye zu̱m nu̱ vu̱rki ye nu. Ku̱me nu̱ tlu̱na wa shipa ku̱ gwa ɗye ɓi ɓaran. Kha nu ma vi rafa rafa ɓa.

Luka 12:42

Tu̱ Zhinerem gwaanji tlogha za, “Nga ɓalarang ku̱me nu̱ shir zhire, nu̱ kaɗari tu̱k nu̱ke nu̱ rafti ɓaran du̱ngki nda za ku̱ kosa rafti ɓaran yenda tu̱ ku̱s vu̱r ɗye zu̱mndi ye pudeku ɓaran aa nyi sarchi.

Luka 8:3

Kom ndu̱ Yuwanna nokhzi Kuuza, nu̱ tlu̱nar mbu̱ rafti ɓu̱ Kuji Khiridus, su̱yen ndu̱ Susana ndu̱ ɓeena nusuki khang, wa vu̱r ɗyin me khar wor ma shaata Yesu nu̱ Pudekwang.

2 Korintiyeku 5:10

Jiwa wa ku̱s ku̱ ching mi nu̱ gume du̱ku̱l kumar ɓu̱ Masiya kap ɓaarem, ma ku̱ kuma rem. Aaki ka dlu̱ ɗye ɓi ɓaran ba wa nu̱ tlu̱naki sarchi nu̱ke a mbu̱ man var nu̱ larji nang, aa mbarkandi aa malkandi.

Titus 1:7

Ma nu̱ke dle gume ɓu̱ tabar nu̱ mbu Yesu ɗya nu̱ tlu̱nar ɓu̱ Magham, wa ku̱s ku̱ kha waare zop gume aaki. Ku̱ kha ma njif kaku̱ɗakhndi ɓa yang nu̱ wakho shokhna ɓa, ku̱ kha ma nu̱ zar ɗyema ɓa, yang nu̱ gangndi dakhla ɓa, ku̱ kha ma nu̱ bu̱rtar gu̱na ve njiv batal ɓa.

Yibraniyeku 9:28

wanang tu̱k wa vu̱r Masiya sar kaada ma ku̱ da solarku ɓu̱ nduki khang. Masiya ka ɗa ɓa nu̱ rapan, yang ka ɗa ɓakya ma da solarku ɓu̱ nduki ɓa, ka ɗa ɓakya ma ɗana nduki nu̱ke a kasha gaɓti ɓaran.

1 Biturus 4:10

Ku̱ aaki shi boote ndu̱ vu̱rti nu̱ Magham shiki yenda ma shaata yen, ma ku̱ kha nu ma nu̱ du̱ngndi ɗyiku zum zum nu̱ Magham vu̱rki du̱ngdan ye nu mbe mu̱nkir ɓaran.