Matta 2:13 - Mewar Alqawarang

¹³ Gaanje peetar ɓaanda, tu̱ nu̱ ru̱kti ɓu̱ Magham a ɓa ye Yusufu mbu̱ zhine. A za, “Ju to da woyang ndu̱ man tun ɗan Masar, tun a khan fara kope nga zu̱ ɗye shir ye nu gana fan ku̱me Khiridus ka laɓ nyifi ɓu̱ woyang.”

Matta 2:13 ပူးပေါင်းရင်းမြစ်များ

Matta 1:20

A mbu̱ kwaari nang, tu̱ nu̱ ru̱kti ɓu̱ Magham a ɓa yenda mbu̱ zhine za, “Yusufu zhikan Dauda, sawa na ɓu̱r Maryam ma nokhzor ɓa, ku̱me ghu̱rɓandang ɗya ghu̱rɓandi nu̱ ku̱nshe Jiimbi shakhshakhndi.

Matta 10:23

Mbu̱ wa vu̱r bonye ye nu mbu̱ ghai nang, tun ɗan mbu̱ ghai nu̱ke a guma. Ngaa zu̱ zhire ye nu, me ku̱ baara nu ɗyin ghaiku nu̱ Israila kap Yi ɓu̱ nduk kaɗa gaɓi.

Matta 2:12

Tu̱ gaɓ nu̱ mbu̱ ghai ɓaanda ve njiv nggur zu̱mndi, ku̱me Magham wa wu wor mbu̱ zhine za ku̱ gaɓ nu̱ she Khiridus ɓa.

Matta 2:14

Tu̱ Yusufu da woyang ndu̱ man mbu̱ virkirang tu̱ ɗan Masar ku.

Matta 2:16

Nang ɗo, nu̱ kuji gwaanji Khiridus daki mban za nu̱ zu̱ndi su̱ anjinjekwang wa gaɓ ndu̱ chin ma nggu̱bu̱ng, tu̱ shokhna maɗyi. Tu̱ sa za ku̱ tlagha qusa khuzuku nu̱ mbu̱ ghai Baitalami ndu̱ nu̱ke a mbu̱ bu̱n wor ru̱m nu̱gha, ji yin sonyi rap ma yir yaghai. Ku̱me nang ke sarchi vi ɓu̱ anjinjang, wa ni nu̱ zu̱ndi su̱ anjinjekwang zu̱ki yenda.

Matta 2:22

Yang nu̱ tu̱kki Arkilawus woi ɓu̱ kuji gwaanji Khiridus zu̱mki kwaaɗar Yakhudiya me ɓu̱ zhin, tu̱ tu̱k sawar yir fara. Nu̱ Magham wuki nda mbu̱ zhine, tu̱ ɗu̱kya mbu̱ dlar ghai Galili.

Tlu̱nar ɓu̱ Pudeku 10:22

Tu̱ zu̱ ku za, “Ɗya gorkir soje Rome nggur a ru̱kki rem, dlu̱man za Korneliyus. Ɗya nu̱ jeembu, nduk mbarkandi nu̱ sawar Magham, Yakhudeku kap a na zhaaji ɓaran. Yang nu̱ ru̱kti na viki she Magham zu̱ki yenda za ɗu̱ na kaa ɓaran chin tu̱k ɗyi nu̱ke to ka zu̱ki.”

Tlu̱nar ɓu̱ Pudeku 10:7

Ni nu̱ ru̱kti ɓu̱ Magham nu̱ shiki ɓalar nang yenda ɗu̱ki varan, tu̱ Korneliyus qa maaviku ɓaran rap ndu̱ soje nggur nu̱ sawar Magham chele sojeku nu̱ke a tlu̱nar yenda.

Tlu̱nar ɓu̱ Pudeku 12:11

Nu̱ Biturus a gaɓki nu̱ mbu̱ khangkal ɓaran tu̱ zu̱ za, “Leendang nga zu̱n shwat, Magham a ru̱kki nu̱ ru̱kti ɓaran ku̱ lawa nga ɓar mbu̱ khar Khiridus kom ndu̱ mu̱nar nu̱ke Yakhudeku daasaki nu̱ ɗyina.”

Tlu̱nar ɓu̱ Pudeku 12:7

Fan ndu̱ fan, tu̱ nu̱ ru̱kti ɓu̱ Magham wut varan, tu̱ yarang shi wuti mbu̱ kibang. Kom tu̱ nu̱ ru̱ktang yakhta Biturus ve ku̱bdan tu̱ Biturus ji nu̱ viɗi. Tu̱ nu̱ ru̱ktang ze nda za, “Ju ɗau!” Tu̱ yakhlikwang ghu̱r ɓar ve qura bu̱nankwang.

Tlu̱nar ɓu̱ Pudeku 16:36

Tu̱ nu̱ nggu̱ti zhaaru̱mang ze Bulus za, “Nu̱ kumarkwang a ru̱k za ku̱ ngga nu̱ gha. Nu̱ke wanangang, a vi ma tun ɗu̱ vaanu laya.”

Tlu̱nar ɓu̱ Pudeku 5:19

Tu̱ nu̱ ru̱kti ɓu̱ Magham a ɓa mbu̱ virkirang tu̱ qu̱n me virikwang nu̱gha tu̱ ngga wor gha, tu̱ ze wor za,

Tlu̱nar ɓu̱ Pudeku 7:19

Kuji nang wa mu̱na nduki ɓaarem, tu̱ vu̱r bonye ye zhikaneremku, tu̱ sa ku̱ mbuk ɓeelarku ɓaarem gha ma ku̱ mu̱t ku.

Ɗyin mbu̱ tukari 12:14

Tu̱ yang vu̱r khobki rap ɓu̱ jijau gwaanji ye nokhzang, ma ku̱ ji ku̱ ɗu̱ ye maa nu̱ daasaki yenda mbu̱ gaarang, maa nu̱ke ka ɗa nggu̱tki nda me sonyi kunung ndu̱ mbeeri ma ku̱ shakh nu̱ su̱tang.

Ɗyin mbu̱ tukari 12:4

Tu̱ yang koo da mbe kunung ɓu̱ anjinjeku nu̱ke a mbu̱ viɗi ndu̱ gaandan ta wos wor yaghai. Kom tu̱ Su̱tang ching nu̱ gume nokhzang, a ku̱r ku̱ nji nji woyang ɓara mbu̱ nokhzang wa khan dam.

Ɗyin mbu̱ tukari 12:6

Tu̱ nokhzang ɗan ɓu̱ gaari, ye maa nu̱ Magham daasaki yenda, nang ke ye maa nu̱ke ku̱ ɗa khutlo nda me qaandi du̱pu da ndu̱ won rap ndu̱ ɗyin njong (1,260).